កំពង់ធំ: កាលពីរសៀលថ្ងៃទី២២ខែកក្កដា ឆ្នាំ២០២២ ស្ថិតនៅជាប់ផ្សាររំលង ភូមិរំចេក ឃុំទ្រៀលស្រុក តាំងគោក ខេត្តកំពង់ធំ ទីតាំងបញ្ចាំម៉ូតូគ្មានច្បាប់អនុញ្ញាត និងគ្មានឯកសារត្រឹមត្រូវ ដែលមានម្ចាស់ទីតាំង ឈ្មោះ លឹមសេង ត្រូវបានកម្លាំងចម្រុះដឹកនាំដោយលោក សាយ វាសនា ព្រះអាជ្ញារងសាលាដំបូងខេត្តចុះបង្ក្រាប ។
នៅក្នុងប្រតិបត្តិការចុះបង្ក្រាបទីតាំងបញ្ចាំម៉ូតូអត់ច្បាប់អត់មានឯកសារខាងលើនេះ កម្លាំងចម្រុះ បានរកឃើញម៉ូតូចំនួន៣៣គ្រឿង ហើយក្នុងនោះម៉ូតូដែលមានឯកសារត្រឹមត្រូវចំនួន១៥គ្រឿង និងអត់ឯកសារចំនួន១៨គ្រឿង។
បច្ចុប្បន្នម៉ូតូដែលអត់ឯកសារអត់ច្បាប់និងម្ចាស់ត្រូវបានបញ្ជូនទៅសួរនាំនៅប៉ុស្តិទ្រៀល ដើម្បីចាត់ការបន្ត។
