កាលពីចុងសបា្ដហ៍កន្លងមក ក្រុម អ៊ិស្លាមបង្កើតរដ្ឋបានផ្សព្វផ្សាយឃ្លីប វិដេអូពីសកម្មភាពកាត់ក្បាលចំណាប់ ខ្មាំងជនជាតិអង់គ្លេស ដែលជាសកម្ម ជនមនុស្សធម៌ លោក នៅក្នុងឃ្លីបវីដេអូនោះដែរ ក្រុមឧទ្ទាម បានគំរាមកាត់ក្បាលជនជាតិអង់គ្លេស ទី២ ដូចជាធ្លាប់បានកាត់ក្បាលអ្នកសារ ព័ត៌មានអាមេរិក២នាក់កន្លងមក ។ 
ជនជាតិអង់គ្លេសទី២ ដែលក្រុម អ៊ិស្លាមបង្កើតរដ្ឋ ISIL ប្រកាសកាត់ ក្បាលនាពេលខាងមុខមានឈ្មោះ Alan Henning អាយុ៤៦ឆ្នាំ ជាអ្នកបើកបរ តាក់ស៊ីនៅទីក្រុង Manchester ប្រទេស អង់គ្លេស។ លោកបានទេសចរណ៍ប្រទេស ស៊ីរី ក្រោយមកលោកក៏បានចូលរួម មនុស្សធម៌ដោយសារសង្គ្រាម ហើយ ត្រូវក្រុម ISIL ចាប់ខ្លួនតែម្ដង ។ កម្លាំងពិសេសនិងក្រុមចារកម្មអង់ គ្លេសទទួលបានបទបញ្ជាបញ្ជាក់ពីទីតាំង ដល់ក្រុម ISIL ឃុំខ្លួន Alan Henning មុនពេលដែលពួកគេកាត់ក្បាល ។ នៅ ក្នុងឃ្លីបវីដេអូកាត់ក្បាលចំណាប់ខ្មាំង ជនជាតិអង់គ្លេសទី១ David Haines ក៏ បានបញ្ជាក់ដែរថា Alan Henning ជា បុគ្គលទី២ ដែលត្រូវកាត់ក្បាលនាពេល ដ៏ខ្លីខាងមុខ ។
នាយករដ្ឋមន្ដ្រីអង់គ្លេស លោកដេវីដ កាមេរូន បានបញ្ជាក់ថា ការសម្លាប់ជន ជាតិអង់គ្លេសខាងលើគឺជាអំពើព្រៃផ្សៃ បំផុត ។ អង់គ្លេសនឹងធ្វើគ្រប់យ៉ាងក្នុង ការតាមចាប់ខ្លួនជនដៃដល់ដែលសម្លាប់ ជនជាតិអង់គ្លេស យកមកផ្ដន្ទាទោស តាមផ្លូវច្បាប់ ប៉ុន្ដែត្រូវការពេលវេលា។ នៅក្នុងឃ្លីបវីដេអូមុនពេលកាត់ ក្បាលជនជាតិអង់គ្លេសរូបនោះក៏បាន បញ្ជាក់ដែរថា “ខ្ញុំឈ្មោះ David Haines ខ្ញុំសូមប្រកាសថា លោកដេវីដ កាមរូន ជានាយករដ្ឋមន្ដ្រីអង់គ្លេស ត្រូវតែទទួល ខុសត្រូវពីការកាត់ក្បាលរបស់ខ្ញុំ”។ លោក បន្ដទៀតថា “អស់លោកបានស្ម័គ្រចិត្ដ ចូលសម្ពន្ធមិត្ដអាមេរិកប្រឆាំងក្រុម ISIL គឺមិនខុសអ្វីពីអតីតនាយករដ្ឋមន្ដ្រី តូនីប្ល៊ែរ បានធ្វើនាពេលកន្លងមក ។ ប្រមុខដឹកនាំអង់គ្លេស គ្មានភាពក្លាហាន ដើម្បីឆ្លើយថាទេ ជាមួយជនជាតិអាមេរិក នៅពេលដែលអាមេរិកស្នើឱ្យចូលរួម សកម្មភាពអ្វីមួយនោះ ។ អ្នកដែលទទួល រឿងអយុត្ដិធម៌ គឺជាជនជាតិអង់គ្លេស ត្រូវទទួលរ៉ាប់រងទាំងគ្មានកំហុសនូវអ្វី ដែលរដ្ឋាភិបាលនិងសភាអង់គ្លេសបាន អនុម័ត ។ ក្រុម ISIL បានធ្វើសកម្មភាពខ្លាំង ឡើងពីមួយថ្ងៃទៅមួយថ្ងៃ ដោយបានកាត់ ក្បាលជនជាតិអាមេរិកនិងអង់គ្លេសដែល ក្រុមនេះចាត់ទុកថា មានតែប្រទេសទាំង ២នោះ ទើបមានសមត្ថភាពក្នុងការ កៀងគរវាយប្រហារមកលើក្រុម ISIL ។ កន្លងមក អាមេរិកបានខិតខំកៀងគរ ប្រទេសមហាអំណាចយោធានៅលើ ពិភពលោកឱ្យចូលរួមសម្ពន្ធមិត្ដប្រយុទ្ធ ប្រឆាំងក្រុម ISIL ។ នៅក្នុងដំណើរទស្ស នកិច្ចទៅកាន់ប្រទេសចិនរបស់ទីប្រឹក្សា សន្ដិសុខជាតិអាមេរិកក៏បានស្នើដល់ ភាគីចិនឱ្យចូលរួមក្នុងសម្ពន្ធមិត្ដវាយ ប្រហារក្រុម ISIL ។
ចំណែករដ្ឋមន្ដ្រី ការបរទេសអាមេរិក លោកចន ឃើរី ក៏បានស្នើដល់ភាគីរុស្ស៊ី ចូលរួមសម្ពន្ធ មិត្ដប្រឆាំងក្រុមនេះផងដែរ ដោយសារ ក្រុមនេះមិនមែនគំរាមកំហែងតែអាមេ រិក អឺរ៉ុបប៉ុណ្ណោះទេ រុស្ស៊ីនិងចិនជា ប្រទេសដែលក្រុមនេះគំរាមវាយប្រហារ រំដោះជនជាតិអ៊ិស្លាម រស់នៅក្នុងប្រទេស ទាំង២នោះ ។ អ្វីដែលគេកត់សម្គាល់នោះ ក្រុម អ៊ិស្លាម ISIL កាន់តែខ្លាំងក្លាឡើងពីមួយ ថ្ងៃទៅមួយថ្ងៃ ហើយចំនួនកម្លាំងរបស់ ពួកគេក៏កើនឡើងឥតឈប់ឈរផងដែរ។ ចំណុចដែលគេចាប់អារម្មណ៍បំផុតនោះ គឺពលរដ្ឋអាមេរិក អង់គ្លេស អូស្ដ្រាលី… ជាច្រើនបានចូលរួមជាមួយក្រុមនេះ ។ ទាំងនោះហើយប្រទេសលោកខាងលិច ព្រួយបារម្ភយ៉ាងខ្លាំងពីការវាយប្រហារ របស់ក្រុម ISIL មកលើប្រទេសរបស់ ខ្លួន ។ ប៉ុន្ដែអ្នកវិភាគឯករាជ្យបានបង្ហាញពី ការមន្ទិលសង្ស័យជុំវិញ ការចូលរួមរបស់ ពលរដ្ឋអាមេរិកជាមួយក្រុម ISIL និង ការស្ទាក់ស្ទើរមិនព្រមបើកការវាយ ប្រហារទៅលើក្រុមនេះរបស់អាមេរិក បើទោះអាមេរិកអាចយកឈ្នះដោយមិន ចាំបាច់ប្រទេសណាមួយចូលរួមក៏ដោយ។
ម្ដេចអាមេរិកមិនវាយប្រហារតែម្ដង ទៅ ចាំបាច់បង្កើតសម្ពន្ធមិត្ដធ្វើអ្វី? នៅ ពេលដែលអាមេរិកវាយប្រហារប្រឆាំង ភេរវកម្មនៅប្រទេសអាហ្វហ្គានីស្ថាន កាលពីឆ្នាំ២០១១ ពេលនោះអាមេរិក ចាប់ផ្ដើមធ្វើសង្គ្រាមភ្លាមៗ ដោយមិន បានស្នើដល់ប្រទេសណាមួយឱ្យចូលរួម នោះឡើយ ក្រោយការវាយប្រហារទើប អាមេរិកស្នើដល់ប្រទេសជាសម្ពន្ធមិត្ដ ឱ្យចូលរួមក្នុងសង្គ្រាមប្រឆាំងភេរវកម្ម9។ ដោយផន សុខជាតិ
