ក្រសួងការពារជាតិអ៊ុយក្រែនបាន ប្រកាសកាលពីថ្ងៃទី១៤ កញ្ញាថា បណ្ដា ប្រទេសសមាជិកអង្គការណាតូ បាន បញ្ជូនសព្វាវុធមកឱ្យប្រទេសអ៊ុយក្រែន ដើម្បីទប់ទល់ជាមួយក្រុមផ្ដាច់ទឹកដី និយមនៅភាគខាងកើតក៏ដូចជារារាំង គោលនយោបាយពង្រីកទឹកដីរបស់ប្រធា នាធិបតីពូទីន ។ នៅក្នុងជំនួបពិភាក្សា រវាងមន្ដ្រីយោធាអ៊ុយក្រែនឹងអង្គការ ណាតូ នាពេលកន្លងមក ដោយបានឯក ភាពគ្នាផ្ដល់សព្វាវុធជួយដល់កម្លាំង ទាហានអ៊ុយក្រែន ។
ការសម្រេចផ្គត់ ផ្គង់សព្វាវុធនោះ នៅពេលដែលមាន កម្លាំងទាហានរុស្ស៊ីដល់ទៅ៣.៥០០នាក់ ឈរជើងក្នុងប្រទេសអ៊ុយក្រែន និង ២៥.០០០នាក់ទៀត ឈរជើងនៅជាប់ ព្រំដែន ជាការត្រៀមលក្ខណៈជួយដល់ ក្រុមបះបោរនៅពេលមានហេតុការណ៍ អាក្រក់ណាមួយកើតឡើងដល់ក្រុមផ្ដាច់ ទឹកដីនិយម ពិសេសនៅពេលដែលកម្លាំង ទាហានរដ្ឋាភិបាលបើកការវាយប្រហារ។ ក្នុងពេលនេះដែរ ភាគីរុស្ស៊ីក៏បាន បញ្ជូនរថយន្ដផ្ដល់ជំនួយសង្គ្រោះជាង ២០០គ្រឿងចូលទៅភាគខាងកើតអ៊ុយ ក្រែន កាលពីថ្ងៃទី១៣ ខែកញ្ញា ក្រោយ ជាច្រើនថ្ងៃបានផ្អាក បើទោះមានកិច្ច ព្រមព្រៀងឈប់បាញ់បើកផ្លូវដល់ការ ផ្ដល់មនុស្សធម៌កដោយ ។
មន្ដ្រីរុស្ស៊ី បានបញ្ជាក់ថា ពលរដ្ឋរស់នៅទីក្រុង លូហ្កាន់ ប្រទេសអ៊ុយក្រែន នឹងទទួលបាន ថ្នាំសង្កូវកញ្ចប់ជំនួយនាថ្ងៃទី១៥ ខែកញ្ញា ឆ្នាំ២០១៤ ។ រដ្ឋមន្ដ្រីក្រសួងមហាផ្ទៃរុស្ស៊ីបានឱ្យ ដឹងថា មន្ដ្រីព្រំដែនអ៊ុយក្រែនបានបដិ-សេធត្រួតពីនិត្យរថយន្ដដឹកស្បៀងអាហារ ប៉ុន្ដែទុកឱ្យភាគីរុស្ស៊ីជាអ្នកត្រួតពិនិត្យ ដោយទាហានអ៊ុយក្រែន គ្រាន់តែឈរ មើលមន្ដ្រីរុស្ស៊ីពិនិត្យប៉ុណ្ណោះ ។ ក្នុងពេលជាមួយគ្នានេះដែរ ប្រធានា ធិបតីអ៊ុយក្រែន លោកបេត្រូប៉ូរូ សេនកូ បានចោទប្រកាន់ប្រធានាធិបតីរុស្ស៊ី វ្ល៉ាឌីមៀរ ពូទីន មានគម្រោងបំផ្លិច បំផ្លាញប្រទេសរបស់លោក ដោយគាំទ្រ ដល់ក្រុមបះបោរ ប្រឆាំងរដ្ឋាភិបាលឥត ឈប់ឈរ ។
រុស្ស៊ីបានផ្ដល់ជំនួយឥតឈប់ ឈរដល់ក្រុមផ្ដាច់ទឹកដីនិយម ទាំងសព្វា វុធ និងស្បៀងអាហារក្នុងការតស៊ូប្រឆាំង រដ្ឋាភិបាលអ៊ុយក្រែន ដើម្បីបង្កើតទៅជា តំបន់ស្វយ័ត្នមួយ ហើយទីបំផុតនឹងចូល ជាមួយប្រទេសរុស្ស៊ី ដូចជាតំបន់ស្វយ័ត្ន គ្រីមៀ ។ ប្រធានាធិបតីអ៊ុយក្រែនក៏បានស្នើ ដល់សហគមន៍អន្ដរជាតិជួយអន្ដរាគមន៍ និងបង្ខំឱ្យរុស្ស៊ីបញ្ចប់សកម្មភាពជួយ ដល់ ក្រុមផ្ដាច់ទឹកដីនិយម ដើម្បីឆ្ពោះ ទៅរកសន្ដិភាពពេញលេញ ។ សង្គ្រាម វាយប្រហាររវាងកម្លាំងទាហានរដ្ឋាភិ បាលនិងក្រុមផ្ដាច់ទឹកដីនិយមបានសម្លាប់ មនុស្សជាង៣.០០០នាក់ហើយ មកទល់ ពេលនេះ ប៉ុន្ដែភាគីរុស្ស៊ីនៅតែអះអាង ថា ខ្លួនមិនបានច្រៀតជ្រែកចូលក្នុងវិបត្ដិ នៅអ៊ុយក្រែននោះឡើយ។។ដោយផន សុខជាតិ
