កម្លាំងទាហានជើងទឹកលីប៊ីបាន ប្រកាសឱ្យដឹងថា នាវាដឹកជនភៀសខ្លួន ជាង២៥០នាក់មកពីទ្វីបអាហ្វ្រិកទៅកាន់ អឺរ៉ុបបានជួបគ្រោះថ្នាក់លិចនៅតំបន់ សមុទ្រប្រទេសលីប៊ីកាលពីថ្ងៃទី១៤ ខែ កញ្ញា ឆ្នាំ២០១៤ អ្នកដំណើរនៅលើនាវា ទាំងអស់ត្រូវគេសន្និដ្ឋានថាបានបាត់ បង់ជីវិត លោក Ayub Qassen អ្នកនាំពាក្យ កម្លាំងទាហានជើងទឹកលីប៊ីបានឱ្យដឹងថា រហូតមកទល់ពេលនេះ អ្នកដំណើរ២៦ នាក់ប៉ុណ្ណោះដែលជួយសង្គ្រោះគេចផុត ពីការស្លាប់ក្នុងការលិចនាវានៅតំបន់ សមុទ្រភាគខាងកើតទីក្រុងទ្រីប៉ូលី ។
លោកបន្ដទៀតថា មានសាកសពជា ច្រើនអណ្ដែតនៅឆ្នេរសមុទ្រ ហើយ កម្លាំងជួយសង្គ្រោះប្រទេសលីប៊ីគ្មាន ឧបករណ៍គ្រប់គ្រាន់ដើម្បីរុករកអ្នកដែល នៅរស់រានមានជីវិត ។ ជនភៀសខ្លួនជាច្រើនមកពីទ្វីប អាហ្វ្រិក ពិសេសនៅក្នុងប្រទេសលីប៊ី ដែលជាប្រទេសកំពុងប្រឈមនឹងអំពើ ហិង្សា សង្គ្រាមស៊ីវិលនិងការរស់នៅ ដោយគ្មានច្បាប់ទម្លប់ ។ ជនភៀសខ្លួន ភាគច្រើនធ្វើដំណើរតាមនាវាដែល មានសភាពចាស់ទ្រុឌទ្រោម ហើយដឹក លើសចំណុះទៀតផង មិនអាចស៊ូទ្រាំនឹង រលកសមុទ្រធំៗបានឡើយគឺប្រឈមនឹង គ្រោះថ្នាក់ជានិច្ច ពេលមានរលកសមុទ្រ ធំៗកើតឡើង ។
ជនភៀសខ្លួនភាគច្រើន ព្យាយាមចូលទៅកាន់ប្រទេសអ៊ីតាលី ដែលជាប្រទេសនៅជិតជាងគេបំផុតនៅ ក្នុងការភៀសខ្លួនរបស់ពលរដ្ឋអាហ្វ្រិក ។ ពលរដ្ឋអ៊ីតាលីក៏បានប្រកាសផងដែរថា មកទល់ពេលនេះ មានជនភៀសខ្លួនមក ពីទ្វីបអាហ្វ្រិកដល់ទៅ១សែននាក់បាន ចូលដល់ឆ្នេរសមុទ្រប្រទេសអ៊ីតាលី ។ កាលពីខែសីហា កន្លងមក ក៏មានគ្រោះ ថ្នាក់លិចនាវាដឹកជនភៀសខ្លួនសម្លាប់ មនុស្ស១០០នាក់ផងដែរ 9 ។ដោយផន សុខជាតិ
