សម្ពន្ធមិត្ដមកពីគណបក្សប្រឆាំង ដឹកនាំដោយគណបក្សសង្គមប្រជាធិប តេយ្យទទួលបានជ័យជម្នះក្នុងការបោះ ឆ្នោតជ្រើសរើសនាយករដ្ឋមន្ដ្រីនៅក្នុង ប្រទេសស៊ុយអែតកាលពីថ្ងៃទី១៤ ខែ កញ្ញា ឆ្នាំ២០១៤ ។ ប្រធានគណបក្ស សង្គមប្រជាធិបតេយ្យ លោក Stefan Loefven ធ្លាប់រស់នៅក្នុងមណ្ឌលកុមារ កំព្រាហើយធ្វើជាជាងផ្សារដែកជាច្រើន ឆ្នាំដោយការខិតខំសិក្សា តស៊ូព្យាយាម ក្នុងជីវិត ពេលនេះលោកបានក្លាយទៅជា នាយករដ្ឋមន្ដ្រីប្រទេសស៊ុយអែត ។
សារព័ត៌មានរ៉យទ័របានផ្សព្វផ្សាយ ថា សម្ពន្ធមិត្ដដែលដឹកនាំដោយគណ បក្សសង្គមប្រជាធិបតេយ្យទទួលបាន សំឡេងគាំទ្រ៤៣,៧ភាគរយ ចំណែក គណបក្សកាន់អំណាចរបស់នាយករដ្ឋ មន្ដ្រី Fredrik Reinfeldt ទទួលបាន សំឡេងគាំទ្រតែ៣៩,៣ភាគរយប៉ុណ្ណោះ។ នាយករដ្ឋមន្ដ្រី Fredrik បានទទួលស្គាល់ ពីភាពបរាជ័យរបស់ខ្លួន ហើយលោក ប្រកាសថា នឹងលាលែងតំណែងនាយក រដ្ឋមន្ដ្រីនៅថ្ងៃទី១៥ ខែកញ្ញា ។ លោក Loefven នឹងក្លាយជានាយក រដ្ឋមន្ដ្រីស៊ុយអែតនាពេលខាងមុខ ។ មានប្រសាសន៍ក្រោយពេលទទួលជ័យ ជម្នះ លោក Loefven បញ្ជាក់ថា “ប្រទេសជាតិរបស់យើងបានធ្លាក់ក្នុង ដំណាក់កាលអាក្រក់បំផុត យើងមាន ពលរដ្ឋរាប់សិបពាន់នាក់គ្មានការងារធើ* ការសិក្សាអប់រំធ្លាក់ចុះក្នុងចំណោម ប្រទេសជិតខាង ។ ដូច្នេះយើងចាំបាច់ធ្វើ ឱ្យប្រទេសជាតិមានភាពល្អប្រសើរ ឡើងវិញ” ។ លោក Loefven អាយុ៥៧ឆ្នាំ កើត នៅថ្ងៃទី២១ ខែកក្កដា ឆ្នាំ១៩៥៧ នៅទី ក្រុងស្ដុកខម ប្រទេសស៊ុយអែត ។
លោក ត្រូវបានបញ្ជូនឱ្យទៅរស់នៅក្នុងមណ្ឌល កុមារកំព្រារពេលដែលមានអាយុទើប តែ១០ខែប៉ុណ្ណោះ ដោយសារតែម្ដាយជា ស្ដ្រីមេម៉ាយ រកស៊ីចិញ្ចឹមមិនគ្រប់គ្រាន់ ហើយគ្មានពេលវេលាសម្រាប់មើលថែ កូន ពេលចេញទៅធ្វើការ ។ ក្រោយមក លោក Loefven ក៏ទទួលបានការ សណ្ដោសប្រណីពីគ្រួសារមួយនៅសាន់ ណឺស្ដារ សុំយកទៅចិញ្ចឹម ។ នៅក្នុងកិច្ច ព្រមព្រៀងសុំកូនចិញ្ចឹមបានសរសេរ យ៉ាងច្បាស់ថា ម្ដាយបង្កើតមានសិទ្ធិសុំ កូនមកវិញ ប៉ុន្ដែម្ដាយបង្កើតរបស់លោក មិនធ្វើដូច្នោះឡើយ ។ ឪពុកចិញ្ចឹមរបស់ លោកគឺជាកម្មកររោងចក្រ ម្ដាយជា បុគ្គលិកសុខាភិបាល ។ ក្រោយពេល បញ្ចប់វិទ្យាល័យ លោកបានបន្ដសិក្សា នៅមហាវិទ្យាល័យ ប៉ុន្ដែសិក្សាបានតែ មួយឆ្នាំកន្លះប៉ុណ្ណោះ លោកក៏ព្យួរការ សិក្សាដោយគ្មានលទ្ធភាព ។
លោកក៏ បានចូលទៅធ្វើការជាជាងផ្សារដែកនៅ ក្នុងរោងចក្រផលិតសព្វាវុធអស់រយៈ ពេល១៦ឆ្នាំ មុនពេលចូលប្រឡូកក្នុង ឆាកនយោបាយ ។ អ្នកគាំទ្ររូបលោកបានបញ្ជាក់ថា លោកគឺជាអ្នកនយោបាយតែមួយគត់ ដែលមានការងារសាមញ្ញ ប្រើកម្លាំង បាយមុនពេលចូលរួមនយោបាយ ។ នៅ ពេលដែលលោក Loefven ជាជាងផ្សារ ដែក លោកបានក្លាយទៅជាប្រធានសហ ជីព ក្រោយមកលោកក៏ត្រូវបានជ្រើស រើសឱ្យចូលរួមជាគណៈកម្មការដឹកនាំ គណបក្សសង្គមប្រជាធិបតេយ្យនៅឆ្នាំ ២០០៦ និងនៅខែមករា ឆ្នាំ២០១២ លោកត្រូវបានបោះឆ្នោតជ្រើសរើសធ្វើ ជាប្រធានគណបក្ស 9។ដោយផន សុខជាតិ
