ខេត្តរតនគិរីៈ រថយន្តកាមរីស្វិតមួយគ្រឿងបើកក្នុងល្បឿនលឿនបណ្តាលអោយរេចង្កូតទៅបុកគែមបង្ហូរទឹកតាមចិញ្ចើមថ្នល់ក្រឡាប់ជាច្រើនត្រឡប់បណ្តាលអោយនារីម្នាក់ស្លាប់ភ្លាមនៅកន្លែងកើតហេតុ និងរងរបួសធ្ងន់ ស្រាល ចំនួន៧នាក់។ ហេតុការណ៍នេះបានកើតឡើងនៅតាមបណ្តោយផ្លូវជាតិលេខ៧៨ ខាងលិចរង្វង់មូលផ្លូវចូលរមណីដ្ឋានបឹងយក្ស ស្ថិតនៅភូមិលួន សង្កាត់យក្សឡោម ក្រុងបានលុង ខេត្តរតនគិរី កាលពីវេលាម៉ោង១០យប់ ថ្ងៃទី១៥ ខែកញ្ញា ឆ្នាំ២០១៤។ លោក មឿង សារិទ្ធ ប្រធានការិយាល័យចរាចរផ្លូវគោក បានអោយដឹងថា រថយន្តនេះបើកបរមានទិសដៅពីកើតមកលិច លុះ
មកដល់ចំណុចកើតហេតុអ្នកបើកបរបន្ថែមល្បឿនហួសកំណត់ហើយអាចបាត់បង់ស្មារតីក៏រេចង្កូតទៅបុកនិងគេមបង្ហូទឹកតាមចិញ្ចើមថ្នល់បណ្តាលអោយរថយន្តក្រឡាប់ជាច្រើនត្រឡប់ បណ្តាលអោយនារីរូបស្អាតម្នាក់បាត់បង់ជីវិតនៅកន្លែងកើតហេតុហើយអ្នករងរបួសធ្ងន់ ស្រាលចំនួន៧នាក់។ លោកបានបន្តទៀតថា រថយន្តដែលក្រឡាប់នោះមានម៉ាកកាមរីស្វិត ពណ៌គ្រាប់អម្ពិល ពាក់ស្លាកលេខ ង.7611.ភព2 ហើយអ្នករួមដំណើរទាំងអស់មានឈ្មោះទី១អៀម ចាន់ដេង ភេទស្រី អាយុ២០ឆ្នាំ 
ជនជាតិខ្មែរ ទីលំនៅសព្វថ្ងៃនៅភូមិ៤ សង្កាត់កាចាញ ក្រុងបានលុងរបួសធ្ងន់ ទី២ឈ្មោះ ហ៊ុន នាង ភេទស្រី អាយុ២៣ឆ្នាំ ជនជាតិខ្មែរ ទីលំនៅភូមិ៧មករា សង្កាត់ឡាបានសៀក ក្រុងបានលុង របួសស្រាល ទី៣ឈ្មោះ ពួក សុខជាតិ ភេទប្រុស អាយុ១៧ឆ្នាំ ជនជាតិខ្មែរមានទីលំនៅភូមិភ្នំស្វាយ សង្កាត់បឹងកន្សែង ក្រុងបានលុង សិស្សាលារងបួសស្រាល ទី៤ឈ្មោះ ឈឹង សុរាជភេទប្រុស អាយុ១៨ឆ្នាំ ជនជាតិខ្មែរ ទីលំនៅភូមិអភិវឌ្ឍន៍ សង្កាត់ឡាបានសៀក ក្រុងបានលុង មុខរបរជាងឡាន រងរបួស
ធ្ងន់ ហូរឈាមតាមត្រចៀក ទី៥ ឈ្មោះ ផល បញ្ញា ភេទប្រុស អាយុ៣២ឆ្នាំ ជនជាតិខ្មែរ មានទីលំនៅភូមិភ្នំស្វាយ សង្កាត់បឹងកន្សែង ក្រុងបានលុង អ្នកបើកបររថយន្តរងរបួសធ្ងន់ បែកក្បាលខាងធ្វេង ទី៦ឈ្មោះ ហ៊ុន និត ភេទស្រី អាយុ១៧ឆ្នាំ ជនជាតិខ្មែរ មានទីលំនៅភូមិ៧មករា សង្កាត់ឡាបានសៀក ក្រុងបានលុង (ស្លាប់ភ្លាមៗនៅនឹងកន្លែងកើតហេតុ) ទី៧ឈ្មោះ ចាន់ វ៉ា ភេទប្រុស អាយុ៣០ឆ្នាំជនជាតិខ្មែរ មានទីលំនៅភូមិអ៊ុន ឃុំលំជ័រ ស្រុកអូរយ៉ាដាវ ជាងឡាន រងរបួសបែកក្បាល
ខាងស្តាំ(ធ្ងន់)និងទី៨ ឈ្មោះ ពៅ វណ្ណៈ ភេទប្រុស អាយុ២៣ឆ្នាំ ជនជាតិខ្មែរ នៅភូមិអ៊ុន ឃុំលំជ័រ ស្រុកអូរយ៉ាដាវខេត្តរតនគិរី មុខរបរសិស្សសាលា រងរបួសស្រាល។ ក្រោយពីកើតហេតុសមត្ថកិច្ចចរាចរ និងសមត្ថកិច្ចមូលដ្ឋានបានចុះមកវាស់វែង និងបញ្ជួនជនរងគ្រោះទាំង៧នាក់សង្គ្រោះបន្ទាន់នៅឯមន្ទីរពេទ្យបង្អែកខេត្តរីឯសាសពនារីដែលស្លាប់នៅកន្លែងកើតហេតុបានប្រគល់អោយសាច់ញាតិធ្វើបុណ្យតាមប្រពៃណីជាតិខ្មែរ នារីដែលស្លាប់ចំរដូវភ្ជុំបិណ្ឌ ដោយក្តីទុកសោក៕ Bun rithy
