ខេត្តកំពង់ឆ្នាំង៖រថយន្តដឹកកុងតឺន័រមួយគ្រឿង បានបើកជាន់ពីលើម៉ូតូម៉ាកឌ្រីម០១៣មួយគ្រឿងបណ្តាល អោយខូចខាតខ្ទេចទាំងស្រុង នៅលើផ្លូវជាតិលេខ៥ ស្ថិតក្នុងផ្សារ ឃុំផ្សារ ស្រុកបរិបូរណ៏ ខេត្ត កំពង់ឆ្នាំង ខណៈដែលម្ចាស់ម៉ូតូជិៈម៉ូតូឆ្លងថ្នល់ជាតិមិនប្រយត្ន័ សំណាងណាស់ម្ចាស់ម៉ូតូ គ្រាន់តែរង របួសស្រាលប៉ុណ្ណោះ ។ហេតុការណ៏នេះបានកើតឡើង នៅវេលាម៉ោង ១០និង៤០ ព្រឹកថ្ងៃទី ១៧ ខែកញ្ញា ឆ្នាំ២១ ០៤ ។
មន្ត្រីនគរបាលស្រុកបរិបូរណ៏បាននិយាយអោយដឹងថា ស្ត្រីរងគ្រោះមានឈ្មោះ ប៉េវ ស៊ីណា អាយុ ២៤ឆ្នាំ មានទីលំនៅ ភូមិទួលរការ ឃុំមេលំ ស្រុកបរិបរណ៏ ម៉ូតូដែលគាត់ជិៈម៉ាកឌ្រីម១២៥ សេរី០១៣ ពណ៏ខ្មៅពាក់ស្លាកលេខ កំពង់ឆ្នាំង 1C.5613 ។ចំណែករថយន្ត ម៉ាកហ្វុយសូ ជាប្រភេទរថយន្តដឹកុង តឺណ័រ តែពេលកើតហេតុមិនមានដឹកកុងតឺណ័រនោះទេ ពាក់ស្លាកលេខ ភ្នំពេញ 3A.6436 បើកបរដោយ បុរសឈ្មោះ ហ៊ីង សារុន អាយុ ៥៥ឆ្នាំ មានទីលំនៅខេត្តបាត់ដំបង ។ 
ប្រភពដដែលបាននិយាយទៀតថាៈ ស្ត្រីរងគ្រោះបានជិៈម៉ូតូចេញពីផ្សារបរិបូរណ៏ តាមបណ្តោយ ផ្លូវជាតិពីជើងទៅត្បូង លុះមកដល់ចំណុចកើតហេតុ មិនបានប្រយត្ន័បានបត់ឆ្លងថ្នល់មកឆ្វេងដៃតែ ពេលឆ្លងដល់កណ្តាលថ្នល់ មានរថយន្តកុងតឺណ័រខាងលើ បើកមកពីទិសខាងត្បូងមកជើង ឃើញដូច នោះ ស្ត្រីបានបង្អង់ល្បឿនឈប់រង់ចាំរថយន្តទៅផុតទើបឆ្លងថ្នល់បន្តទៀត ស្រាប់តែពេលនោះ មាន រថយន្តមួយគ្រឿងទៀតមកពីក្រោយធ្វើអោយស្រី្តនោះស្រឡាំងកាំងស្ទុះរត់ឆ្លងថ្នល់ចោលម៉ូតូ ត្រូវរថយន្ត កុងតឺណ័របុកជាន់ខ្ទេចតែម្តង ចំណែកស្ត្រីរងគ្រោះធ្លាក់ចូលទឹកស្រែរងរបួសស្រាល ។ 
មន្ត្រីនគរបាលស្រុកបរិបូរណ៏បានបញ្ចាក់ថា រថយន្តកុងតឺណ័របើកយឺតល្មមទេតែបើបើកលឿន វិញ ស្ត្រីរូនោះក៏គេចមិនរួចដែរ នេះសំណាងហើយគ្រាន់តែធ្លាក់ទឹករបួសស្រាល ។ ទោះយ៉ាងណា សមត្ថកិច្ចនិងប្រជាពលរដ្ឋបាននាំគ្នាទាញយកម៉ូតូនៅក្រោមរថយន្ត និងបានយក មធ្យោបាយធ្វើដំណើរទាំង២គ្រឿងទៅរក្សាទុកនៅអធិការដ្ឋាននគរបាលស្រុកដើម្បីរក្សាទុករង់ចាំការដោះស្រាយតាមនិតិវិធី ៕ ដោយផន សុខជាតិ
