កំពង់ឆ្នាំង: រយ:ពេលប៉ុន្មានថ្ងៃចុងក្រោយនេះប្រជាពលរដ្ឋ ក៍ដូចជាមន្ត្រីរាជការក្នុងខេត្តកំពង់ឆ្នាំងមានការភ្ញាក់ផ្អេីលយ៉ាងខ្លាំងក្រោយលេចចេញលិខិតស្នេីសុំអនុញ្ញាតរៀបចំស្តារបឹងទំហំ៥២៦ហិកតា ដែលមានទីតាំងស្ថិតនៅក្នុងភូមិដំណាក់ពពូល ភូមិស្រែព្រីង និងភូមិកណ្តាល សង្កាត់កំពង់ឆ្នាំង ខេត្តកំពង់ឆ្នាំង របស់លោក ច័ន្ទ វិចិត្រ ខណ:ដីនៅចំនុចនោះជាគម្រោងអាងទឹកក្រខ្វក់ADB ចាប់ផ្តើមអនុវត្តឆាប់ៗនេះហើយ ។
តាមរយ:លិខិតស្នេីសុំរបស់លោក ច័ន្ទ វិចិត្រ ខាងលេីនេះ ត្រូវបានមជ្ឈដ្ឋានទូទៅធ្វេីការរិះគន់យាងចាស់ដៃ និងដាក់ការសង្ស័យថាមានការឃុបឃិតគ្នាជាប្រព័ន្ធនិងទទួលបានលាភសក្ការ:សេីមមាត់សេីមករបស់មន្ត្រីថ្នាក់ក្រោម រាប់ចាប់មេភូមិ រហូតដល់អភិបាលក្រុង ។ 
ការលេីកឡេីងបែបនេះដោយក្នុងលិខិតស្នេីសុំរបស់លោក ច័ន្ទ វិចិត្រ គេសង្កេតឃេីញមានការចហត្ថលេខាតាមលំដាប់មានមេភូមិកណ្តាល មេភូមិដំណាក់ពូល មេភូមិស្រែព្រីង ចៅសង្កាត់កំពង់ឆ្នាំង រហូតដល់ លោកអិបាលក្រុងកំពង់ឆ្នាំង ដោយមិនបានត្រួតិនត្យ និងធ្វេីដួចមិនបានដឹងពី គម្រោងអាងទឹកក្រខ្វក់ADB ចាប់ផ្តើមអនុវត្តឆាប់ៗនេះ ។
ជាមួយគ្នានេះក្រោយពីមានការភ្ញាក់ផ្អេីលកេីតឡេីង ឯកឧត្តម ស៊ុន សុវណ្ណារិទ្ធិ បានសរសេរក្នុងគ្រុបតេឡេក្រាមថា : គាត់ដឹងគម្រោងADB ច្បាស់ហើយហេតុអីចុះហត្ថលេខាទៀត ។ អាងទឹកក្រខ្វក់ADB ចាប់ផ្តើមអនុវត្តឆាប់ៗនេះហើយ ។ អោយក្រុងបំភ្លីលប់វិញទៅ គាត់អ្នកធ្វើដោយខ្លួនឯង។
ចំណែកលោក ដោក ប៊ុនថុន ប្រធានមន្ទីរធនធានទឹក និងឧត្តនិយមក៍បានសរសេរក្នុងគ្រយបតេឡេក្រាមផងដែរថា: ខ្ញុំពិនិត្យតែឯកសារណាដែលបានយកទៅមន្ទីរធនធានទឹកខេត្តទេ បើឯកសារធ្វើនៅផ្ទះអ្នកផ្សេងខ្ញុំគ្មានសិទ្ធឡើងទៅពិនិត្យក្នុងផ្ទះគេទេ ។ កុំបារម្មណ៍បើចុះអនុវត្តន៍ ខ្វះនិតិវិធីខ្ញុំត្រូវការកំលាំសហការ ។ បើទំហំធំពេក កំលាំងមិនគ្រប់គ្រាន់ ខ្ញុំនឹងស្នើទៅក្រសួង ។
