សភាបារាំង បានបោះឆ្នោត ផ្តល់សេចក្តីទុកចិត្តដល់ គណៈរដ្ឋមន្ត្រីបារាំងថ្មីដែល ដឹកនាំដោយ នាយក រដ្ឋមន្ត្រី Manuel Vall នៅថ្ងៃអង្គារ ទី១៦ ខែកញ្ញា ឆ្នាំ២០១៤ បន្ទាប់ពីការ ផ្លាស់ប្តូរគណៈរដ្ឋមន្ត្រីថ្មីរួចមក។ ទីភ្នាក់ងារ សារព័ត៌មានចិន ស៊ិនហួ ចេញផ្សាយនៅថ្ងៃពុធ ទី១៧ ខែកញ្ញា ឆ្នាំ២០១៤នេះ បានឲ្យដឹងថា គណៈរដ្ឋមន្ត្រី នេះ ត្រូវបានបោះឆ្នោត ផ្តល់សេចក្តីទុកចិត្ត បន្ទាប់ពីគណៈរដ្ឋ មន្ត្រីចាស់ ត្រូវបានរំលាយ ដោយ សារតែ ខកខានមិនបានអនុវត្តន៍ នូវ កំណែទម្រង់សំខាន់ៗ របស់ប្រទេសបារាំង នៅក្នុងកិច្ចការ ជំរុញកំណើន សេដ្ឋកិច្ច ព្រមទាំងការកាត់បន្ថយ អាត្រាអត់
ការងារធើ្វ របស់ពលរដ្ឋបារាំង។ លោកនាយករដ្ឋមន្ត្រី Manuel Vall បានសច្ចាថា លោកនឹងការពារ គំរូសង្គម ( Social Model) របស់ប្រទេសបារាំង ជាមួយនឹងការ លើកឡើងអំពី ឆន្ទៈ ដ៏មោះមុតនៅក្នុងកំណែទម្រង់ ចាំបាច់មួយចំនួន ជាពិសេស ការកាត់ បន្ថយពន្ធ ចំពោះប្រជាពលរដ្ឋ ដែលមានចំណូលទាប និង និវត្តន៍ជន ផងដែរ។ គួរបញ្ជាក់ថានៅក្នុងឆ្នាំ ២០១៤ នេះ មតិជាតិបានរិះគន់លើ រដ្ឋាភិបាលបារាំងយ៉ាងខ្លាំង ពីភាព អសកម្មជាច្រើន ដែលនាំឲ្យបារាំងមិនមានកំណើនសេដ្ឋកិច្ចសោះ ក្នុងរយៈពេល ពាក់កណ្តាល ឆ្នាំ ២០១៤។ 
មូលហេតុនេះហើយ ទើបលោកប្រធានាធិបតីបារាំង ហ្វ្រង់ស័រ ហូឡង់ បាន សម្រេចតាមសំណើរំលាយ គណៈរដ្ឋមន្ត្រីកាលពីខែមុន ដើម្បីរៀបចំហេដ្ឋរចនាសម្ព័ន្ធដឹកនាំ ប្រទេសឡើងវិញ ជាពិសេស គឺការលើកស្ទួយផ្នែកសេដ្ឋកិច្ច ៕ដោយផន សុខជាតិ
