ខេត្តកំពត៖ ក្មេងប្រុសជំទង់ម្នាក់ត្រូវសមត្ថកិច្ចឃាត់ខ្លួនបញ្ជូនមកស្នងការដ្ឋាននគរបាលខេត្តកំពតក្នុងបទចោទប្រកាន់លើករណីរំលោភសេពសន្ទវៈមកលើក្មេងស្រីដែលជាអនិតិជន។ ជនសង្ស័យមានឈ្មោះ អេង កក្កដា ភេទប្រុស អាយុ១៦ឆ្នាំ មានទីលំនៅក្នុងភូមិពន្លៃ ឃុំអង្គរមាស ស្រុកដងទង់ ខេត្តកំពត ត្រូវបានសមត្ថកិច្ចឃាត់ខ្លួននៅវេលាម៉ោង១៦និ៤៥នាទីល្ងាច ថ្ងៃទី១៥ខែកញ្ញា ឆ្នាំ២០១៤ស្ថិតលំនៅឋានរបស់ជនសង្ស័យផ្ទាល់តែម្តង។ដោយឡែកកុមារីរងគ្រោះមានឈ្មោះ ន ស ណ អាយុ១២ឆ្នាំមានទីលំនៅក្នុងភូមិជាមួយគ្នា។ ទាក់ទិននឹងករណីខាងលើ សមត្ថកិច្ចការិយាព្រហ្មទណ្ឌកំរិតធ្ងន់បានឲ្យដឹងថា កាលពីរសៀលថ្ងៃទី១៥ខែកញ្ញា ឆ្នាំ២០១៤ ខណៈដែលអាណាព្យាបាលក្មេងស្រីរងគ្រោះមិននៅផ្ទះ ជនសង្ស័យឈ្មោះ អេង
កក្កដា បានទៅលួងលោមនាឲ្យមកលេងផ្ទះរបស់ខ្លួនលុះឃើញឨកាសស្ងាត់ល្អក៏ធ្វើសកម្មភាពចាប់នាងរំលោភនៅក្នុងផ្ទះតែម្តង ហើយក្រោយពីរំលោភលើកទី១មិនអស់ចិត្ត ក៏ចាប់នាងរំលោភនៅក្នុងទ្រុងមាន់ម្តងទៀត ។សមត្ថកិច្ចបានបញ្ជាក់ទៀតថានៅល្ងាចនោះក្រោយពីរំលោភបាន២លើកក្មេងស្រីរងគ្រោះរឿងនេះមិនទាន់បែកការណ៍នៅឡើយទេលុះកុមារីរងគ្រោះដើរចេញពីផ្ទះជនសង្ស័យបំណងទៅផ្ទះវិញ គាប់ជួនម្តាយនាងមកដល់ល្មមហើយសាកសួរដេញដោលកូនស្រី ទើប
ធ្លាយរឿងរំលោភពេលនោះអាណាព្យាបាលក៏ប្តឹងសមត្ថកិច្ចឲ្យក្របួចជនសង្ស័យទៅសាកសួរតែម្តង។ ដោយមិនអាចប្រកែកបានជនសង្ស័យបានឆ្លើយសារភាពនៅចំពោះមុខសមត្ថកិច្ចថា ខ្លួនពិតជាបានលួងលោមក្មេងស្រីឈ្មោះ ន ស ណ យកទៅរំលោភបានសម្រេចចំនួន២លើកក្នុងថ្ងៃតែមួយមែន ដោយលើកទី១រំលោភនៅក្នុងផ្ទះនិងលើកទី២រំលោភក្នុងទ្រុងមាន់។ ក្រោយពីបានស្រង់ចម្លើយ ជនសង្ស័យត្រូវបានសមត្ថកិច្ចសាងសំណុំរឿងបញ្ជូនទៅសាលាដំបូងខេត្តកំពត ចាត់ការបន្តនៅព្រឹកថ្ងៃទី១៧ខែកញ្ញា ឆ្នាំ២០១៤នេះហើយ៕Bun rithy
