កំពង់ឆ្នាំង៖រថយន្ត១គ្រឿងដឹកឈើក្រញូង២២ដុំ ត្រូវបានសមត្ថកិច្ចរដ្ឋបាលព្រៃឈើបរិបូណ៌សហការជាមួយកងរាជអាវុធហត្ថខេត្តប៉ុស្តិសន្តិសុខឈរជើងនៅក្នុងស្រុកបរិបូរណ៌ ស្ទាក់ចាប់បាន។ករណីបង្ក្រាបបានរថយន្តដឹកឈើក្រញូងខាងលើនេះបាន
ធ្វើឡើងនៅវេលាម៉ោង៣និង៣០នាទីល្ងាចថ្ងៃទី១៦ ខែកញ្ញា ឆ្នាំ២០១៤ នៅចំណុចខាងមុខភូមិត្រពាំងចាន់ ឃុំត្រពាំងចាន់ ស្រុកបរិបូណ៌។ សមត្ថកិច្ចកងរាជអាវុធហត្ថខេត្តប៉ុស្តិសន្តិសុខ ប្រចាំការនៅក្នុងឃុំត្រពាំងចាន់ ស្រុកបរិបូរណ៌បានអោយដឹងថា៖មុនពេលបង្ក្រាបរថយន្តដឹកឈើប្រណិតខាងលើនេះ គឺសមត្ថកិច្ចបានទទួលព័ត៌មានពីប្រភពរបស់ខ្លួនថាមានរថយន្តដឹកឈើ
ប្រណិតពីខេត្តពោធិសាត់ឆ្ពោះទៅកាន់ទីក្រុងភ្នំពេញ ពេលនោះសមត្ថកិច្ចអាវុធហត្ថខេត្ត ក៏បានសហការគ្នាជាមួយសមត្ថកិច្ចសង្កាតយ់រដ្ឋបាលព្រៃឈើបរិបូរណ៍ ធ្វើការប្រដេញតាមពីក្រោយរថយន្តល្មើស និងស្ទាក់ចាប់បាននៅចំណុចខាងលើ ប៉ុន្តែពេលចាប់បាន អ្នកបើកបររថយន្តបានចុះរត់គេចខ្លួនបាត់ស្រមោល។ នៅក្នុងកិច្ចប្រត្តិបត្តិការបង្ក្រាបនេះ សមត្ថកិច្ចដកហូតបានឈើ
ក្រញូងចំនួន២២ដុំនិងរថយន្តមួយគ្រឿងម៉ាកកាមរីសេរី៩៥ពណ៍ស្លែ ពាក់ស្លាក ភ្នំពេញ2C-3887 វត្ថុតាងខាងលើនេះ ត្រូវបានសមត្ថកិច្ចជំនាញកសាងសំណុំរឿងតាមនិតិវិធីបញ្ជូន មកខណ្ឌ័រដ្ឋបាលព្រៃឈើកំពង់ឆ្នាំង ដើម្បីកសាងសំណុំរឿងបន្តតាមនិតិវិធីបញ្ជូនទៅសាលាដំបូងខេត្ត ៕ កំពង់ឆ្នាំង,ថ្ងៃទី១៧.០៩.២០១៤ Bun rithy
