បន្ទាយមានជ័យ៖ក្នុងឱកាសបុណ្យកាន់វេនបិណ្ឌ និងភ្ជុំបិណ្ឌ លោកឧត្តមសេនីយ៍ត្រី បោន ប៊ិន មេបញ្ជាការកងរាជអាវុធហត្ថខេត្ត
បន្ទាយមានជ័យ បានអញ្ជេីញជួបសំណេះសំណាល ជាមួយនិវត្តន៍ជន នៃបញ្ជារការរដ្ឋានកងអាវុធហត្ថខេត្ត ចំនួន ៤២នាក់ នារសៀលថ្ងៃអង្គារ ទី២០ ខែកញ្ញា ឆ្នាំ២០២២។
ក្នុងពិធីសំណេះសំណាល ក៏មានការចូលរួមពីសំណាក់លោកមេបញ្ជាការរង លោកនាយសេនាធិការរង លោកប្រធាន អនុប្រធានមន្ទីរ លោកនាយ នាយរងការិយាល័យផងដែរ ។
លោកឧត្តមសេនីយ៍ត្រី បោន ប៊ិន ក៏បានថ្លែងនូវក្តីអំណរគុណចំពោះនិវត្តន៍ជន ដែលបានកសាងស្នារដៃជូនជាតិមាតុភូមិយ៉ាងច្រេីន ដោយបានលះបង់ សាច់ស្រស់ ឈាមស្រស់ និងក្រុមគ្រួសារ ដេីម្បីប្រទេសជាតិ រហូតទទួលបានសុខសន្តិភាព ។
លោកឧត្តមសេនីយ៍ត្រី បោន ប៊ិន បានលេីកឡេីថា ការលះបង់របស់បងប្អូននិវត្តន៍ជន គឺបានបន្សល់ទុកនូវស្នារដៃល្អៗចំពោះប្រទេសជាតិយេីងផងដែរ ។
លោកឧត្តមសេនីយ៍ត្រី បានលេីកឡេីងបន្តថា ក្នុងនាមអាវុធហត្ថ ពិសេស ឯកឧត្តម នាយឧត្តមសេនីយ៍ សៅ សុខា អគ្គមេបញ្ជាការរង នៃកងយោពលខេមរភូមិន្ទ មេបញ្ជាការកងរាជអាវុហត្ថលេីផ្ទៃប្រទេស តែងតែគិតគូរពីសុខទុក្ខរបស់បងប្អូននិវត្តន៍ជន ហើយបានណែនាំដល់គ្រប់បណ្តាអង្គភាពកងរាជអាវុធហត្ថទូទាំងរាជធានី-ខេត្ត ត្រូវយកចិត្តទុកដាក់ចំពោះបងប្អូននិវត្តន៍ជន ពិសេសនៅពេលមានបុណ្យទាន ។
លោកឧត្តមសេនីយ៍ត្រី ក៏បានបញ្ជាក់ទៀតថា បញ្ជាការដ្ឋានកងរាជអាវុធហត្ថខេត្តបន្ទាយមានជ័យ ក៏មានគិលានដ្ឋានសម្រាប់ព្យាបាលជម្ងឺដោយមានវេជ្ជបណ្ឌិតសម្រាប់ព្យាបាលដល់កងកម្លាំងកំពុងបម្រើការងារក្នុងអង្គភាពផងដែរ ។
នាឱកាសនោះដែរលោកឧត្ដមសេនីយ៍ត្រី មេបញ្ជាការបានផ្ដាំផ្ញើដល់បងប្អូននិវត្តន៍ជនទាំងអស់ បើមានក្រុមគ្រួសារមានបញ្ហាសុខភាព អាចមកពិនិត្យពិគ្រោះ និងព្យាបាលជម្ងឺដោយឥតគិតថ្លៃនៅបញ្ជាការដ្ឋានកងរាជអាវុធហត្ថខេត្តយើងទៀតផង ។
ក្រោយពីបញ្ចប់កិច្ចសំណេះសំណាល លោកឧត្តមសេនីយ៍ត្រី បោន ប៊ិន ក៏បានប្រគល់អំណោយជូនបងប្អូននិវត្តន៍ជនទាំង៤២នាក់ ក្នុងម្នាក់ៗទទួលបាន អង្ករ២៥គីឡូក្រាម, ត្រីខ២យួរ,មី១កេស, ទឹកសុទ្ធ១យួរ រួមនឹងថវិកា៣០ម៉ឺនរៀលផងដែរ ៕ដោយ៖ ឃិន គន្ធា
