ភ្នំពេញ៖ យុវជនពីរនាក់ត្រូវរងរបួសធ្ងន់ធ្ងរបន្ទាប់ពីពួកគេជិះម៉ូតូមួយគ្រឿងម៉ាកវីវ៉ា ពណ៌ខ្មៅ ពាក់ស្លាកលេខ ហើយត្រូវយុវពីរនាក់ផ្សេងទៀតមិនស្គាល់អត្តសញ្ញាណបានជិះមកធាក់ពីក្រោយបណ្តាលឲ្យដួលបោកផ្ទប់ទៅនឹងថ្នល់។ ហេតុការណ៍នេះកើតឡើងកាលពីវេលាម៉ោង២១និង០០នាទីយប់ថ្ងៃទី២៦ កុម្ភះ ឆ្នាំ២០១៤ ស្ថិតនៅលើស្ពានព្រះមុន្នីវង្សចាស់ ក្នុងច្បារអំពៅទី១ ខណ្ឌមានជ័យ។
តាមសាក្សីនៅកន្លែងកើតហេតុបានឲ្យដឹងថា នៅមុនពេលកើតហេតុគេសង្គេតឃើញ យុវជនរងគ្រោះទាំងពីរនាក់ខាងលើជិះម៉ូតូមួយគ្រឿងម៉ាកវីវ៉ា ធ្វើដំណើរឆ្លងស្ពានព្រះមុន្នីវង្សចាស់ ក្នុងទិសដៅពីលិចទៅកើត ក្នុងល្បឿនយ៉ាងលឿន លុះមកដល់ពាក់កណ្តាលស្ពានក៏ត្រូវយុវជនពីរ
នាក់ផ្សេងទៀត មិនស្គាល់អត្តសញ្ញាណច្បាស់លាស់ បានជិះម៉ូតូមកធាក់ពីក្រោយបណ្តាលឲ្យយុវជនទាំងពីរនាក់ដែលជិះម៉ូតូវីវ៉ាដួលបោកផ្ទប់ទៅនឹងថ្នល់រងរបួសធ្ងន់ទាំងពីរនាក់ ម្នាក់សន្លប់ស្តូកស្តឹង និងម្នាក់ទៀតរងបួសក្បាល ត្រូវបានរថយន្តសាមុយមកដឹកយកទៅសង្គ្រោះនៅ
មន្ទីរពេទ្យភ្លាមៗ រីឯជនបង្កក្រោយកើតហេតុបានជិះរត់គេចបាត់ស្រមោលសូន្យឈឹង។ ក្រោយកើតុសមត្ថកិច្ចមូលដ្ឋានបានចុះអន្តរាគមន៍វាស់វែងនិងយកម៉ូតូជនរងគ្រោះទៅរក្សាទុកនៅនគរបាលប៉ុស្តិ៍រដ្ឋបាលច្បារអំពៅទី១ រងចាំម្ចាស់មកទទួលយកទៅវិញ៕
