កំពង់ឆ្នាំង៖ រឿងរ៉ាវអំពើហ្សឹង្សាក្នុងគ្រួសារមួយដែលបុរសជាប្តីបានធ្វើមកលើប្រពន្ឋ ទោះបីរឿងនេះបានកើតឡើងយូរបន្តិចមែន តែវាបានឌឹតជាប់អ្នកក្នុងអារម្មណ៏ចំពោះអ្នកដែលបានឃើញរូបភាពវីឌីអូឃ្លីប មួយ និងជាពិសេសអ្នកដែលបានឃើញហើយជួយនិងថតបាននៅក្នុងហេតុការណ៏នេះដោយផ្ទាល់តែម្តង ដែលមកដល់ពេលនេះសមត្ថកិច្ច និងស្ថាប័នច្បាប់មិនទាន់មានវិធានការណ៏ណានៅឡើយ ចំពោះជនដៃដល់ជាប្តី ធ្វើអោយការក្តីសង្ឃឹមរបស់ស្ត្រីរងគ្រោះក្លាយទៅជាអស់ជំនឿទៅអ្នកកាន់ច្បាប់។
អំពើហឹង្សាក្នុងគ្រួសារនេះបានកើតឡើងកាលពីយប់ ថ្ងៃទី ០៥ខែ សីហា ឆ្នាំ២០១៤នៅក្នុង ភូមិទួលទ្រា ឃុំស្វាយជ្រុំ ស្រុករលាប្អៀរ។នៅក្នុងរូបភាពវីឌីអូឃ្លីបមួយដែលថតដោយទូរស័ព្ទដៃមានរយៈពេល ២២នាទីនិង៤៧វិនាទីបានបង្ហាញនូវសកម្មភាពអំពើហឹង្សាយ៉ាងព្រៃផ្សៃមួយដែលបង្កឡើងដោយបុរសជាប្តី បានជិៈសង្កត់ពី លើប្រពន្ឋដោយបានប្រើកណ្តៀវត្រកង ក ប្រពន្ឋសង្កត់ក្បាលនិងផ្ទប់ទៅដី បើសិនជា ប្តីកន្ត្រាក់កណ្តៀវតែមួយខ្វាច់ ក ប្រពន្ឋពិតជានឹងដាច់ស្លាប់ពុំខានឡើយ។
រយៈពេលជាង២២នាទី នៃការរើបំរះ របស់ស្ត្រីរងគ្រោះ ពិតជាសែនតក់ស្លុត ព្រោះ ក បានភ្ជុង ជាប់ដោយកណ្តៀវ និងដៃម្ខាងរបស់ប្តីបានសង្កត់ក្បាលជាប់ ព្រមជាមួយសំដី គម្រាម “នៅអោយស្ងៀម បើហ៊ានរើនិងដាច់ ក ហើយ អញសុខចិត្តចូលគុក តើស្ត្រីរងគ្រោះរន្ឋត់យ៉ាងណា។ពេលខ្លះនាងនៅពីក្រោមបានប្រឹងរើបំម្រាស់បានរួចម្តងៗដែរ ដោយប្រឹងយកដៃចាប់ផ្លែកណ្តៀវទាញចេញនិងរើ ធ្វើអោយដៃទាំង២មុតដាច់ឈាមរហាម ប្រឡាក់ពេញខ្លួនប្រាណ ។
ទោះយ៉ាងនេះក្តី កម្លាំងរបស់ស្ត្រីមិនអាចទៅរូចឡើយ ។ក្នុងរូបភាព ដែលមានដោយសម្រែកស្រែកដោយក្តីរន្ឋត់ និងការសំពះអង្វ ពីសំណាក់ក្រុមគ្រួសារ គឺមានគ្នាពី ៥ទៅ៦នាក់ នៅតែមិនអាចជួយស្រី្តរងគ្រោះពីកណ្តាប់ដៃរបស់ប្តីកំណាចនោះបាន ហើយរយៈពេលជាង២២នាទីនេះ ទំនងជាប្តីអស់កម្លាំងទើបប្រពន្ឋឆក់ឱកាស រត់គេចខ្លួនបាន ។ អ្នកស្រី យ៉ាន់ ថុន គ្រូបង្គោល ប្រចាំឃុំស្វាយជ្រុំ ស្រុករលាប្អៀរបាននិយាយអោយដឹងថាៈ រឿងហេតុកើតអំពើហង្សាយ៉ាងព្រៃផ្សៃនេះ គាត់ទើបតែបានឃើញតាមវីដេអូឃ្លីបនៅយប់ថ្ងៃទី ១៩ ខែសីហានេះទេ។
គ្រួសារនេះមានប្តីឈ្មោះ ហួន សុផៃ អាយុ៤៥ ឆ្នាំ ប្រពន្ឋឈ្មោះ ឡូត បឿន អាយុ៤៣ឆ្នាំ គ្រួសារនេះមានកូនប្រុស ២នាក់។ នៅយប់ថ្ងៃទី ០៥ ខែ សីហា ពិតជាមានអំពើហឹង្សានេះមែន តែគាត់គ្រាន់តែដឹង និងមិនបានឃើញឡើយ ។ក្រោយមកគ្រួសារនេះបានលែងលះគ្នា នៅថ្ងៃទី ២០ ខែសីហា នៅត្រឹមសាលាឃុំស្វាយជ្រុំ ហើយក្រោយពីការលែងលះគ្នា បុរសជាប្តីបានទៅនៅផ្ទះរបស់គេវិញ នៅភូមិទ្រាជើង ឃុំស្រែថ្មី ស្រុករលាប្អៀរ ។ 
ជួបជាមួយ ស្ត្រីរងគ្រោះ តាមទូរសព្ទ័គាត់បានរៀបរាប់ថា៖ គាត់ជាស្ត្រីមេម៉ាយមានកូនស្រីម្នាក់ នៅឆ្នាំ២០០០ គាត់បានរៀបការជាមួយបុរសម្នាក់ទៀតឈ្មោះ ហួន សុផៃ និងបានកូនប្រុសចំនួន២នាក់ សព្វថ្ងៃនេះពួកគេមានអាយុ១០ និង១៣ឆ្នាំ នៅពេលចូលបវេសនកាលវិញ ពួកគេនឹងចូលរៀន ថ្នាក់ ទី៤ និង ថ្នាក់ទី៧ ហើយ ។ គាត់បានរៀបរាប់ថា ពួកគាត់មិនដែលមានជម្លោះគ្នាខ្លាំងក្លាទេជាង១០ឆ្នាំកន្លងទៅនេះ ក៏ប៉ុន្តែ កាលពីជាង១ឆ្នាំមុន កូនស្រីគាត់ (កូនដើម) បានចេញទៅធ្វើការនៅភ្នំពេញបាត់ទៅ ។
ចាប់ពីពេលនោះ មកប្តីគាត់បានធ្វើបាបគាត់រហូតនៅពេលស្រវឹងម្តងៗ ។ នៅល្ងាចថ្ងៃកើតហេតុទី ០៥ ខែសីហា ឆ្នាំ២០១៤ ប្តីគាត់បានផឹកទឹកត្នោតជូរជាមួយកូនក្មួយ និងមិត្តភក្រ័របស់គាត់ មិនដឹងថាប្តីគាត់ផឹកអស់ប៉ុន្មាននោះ ទេ តែពេលបែកគ្នាអស់ប្តីគាត់បាន ទៅផឹកស្រានៅតៀមស្រាបន្តទៀត ។ ចំណែកគាត់មិនបានរង់ចាំប្តីទេ ក៏បានចូលដេកក្នុងមុងមុនទៅ ។
ស្រាប់តែម៉ោងជាង៩យប់ ប្តីគាត់បានត្រឡប់មកវិញរករឿងគាត់ដោយគ្មានមូលហេតុតែម្តង ភ្លាមនោះគាត់បានចុះមកដីព្រោះខ្លាចប្តីវាយ ស្រាប់តែប្តីគាត់ស្ទុះមកពីក្រោយ និងមានកណ្តៀវនៅដៃស្រាប់ផង បានមកចាប់គាត់បោកដួលទៅដី ហើយជិៈពីលើគាត់ ជាប់ ព្រមជាមួយនោះប្តីគាត់បានយកកណ្តៀវថ្ពក់កគាត់ជាប់ពីក្រោម និងបានសង្កត់ក្បាលគាត់ជាប់ពីលើ គាត់បានព្យា យាមរើ តែរើមិនរួច ព្រមជាមួយនោះគាត់ខំអង្វរប្តីអោយដោះលែង តែប្តីមិនលែងរហូតមានអ្នកភូមិ បងប្អូនបានមកសំពះអង្វទៀត ក៏ប្តីគាត់នៅតែមិនលែង ។
អំពើហឹង្សានេះមានរយៈពេលជិតកន្លះម៉ោង ទើបគាត់ឈ្លាតឱកាសរើ និងរត់រួច ។ ស្ត្រីរូបនោះបានបន្តថាៈ ក្រោយមកគាត់បានប្តឹងលែងលះគ្នា នៅសាលាឃុំ ស្វាយជ្រុំ ហើយប្តី គាត់បានត្រឡប់ទៅផ្ទះគាត់វិញទៅ ទុកកូន២នាក់នៅនឹងគាត់ ។គាត់បានប្តឹងទៅសិទ្ឋមនុស្ស និង តុលា ការ រួចហើយពីរឿងអំពើហង្សាមកលើគាត់នេះ ប៉ុន្តែមិនទាន់មានការដោះស្រាយអ្វីនៅឡើយ ទេមក ដល់ពេលនេះ ។
ក្រោយពីបានរៀបរាប់រឿងរ៉ាវដ៏រន្ធត់របស់គាត់ចប់មកស្ត្រីរងគ្រោះបានអង្វរដល់សមត្ថកិច្ច ពីសេសស្ថាប័នតុលាការខេត្ត តាមរយះអ្នកសារព័ត៌សូមមេត្តាជួយចំណាត់ការរឿងនេះអោយបានឆាប់ផង ព្រោះគាត់មានការព្រួយបារម្មណ៏ពីសុវត្ថិភាពផ្ទាល់ខ្លួនខ្លាំងណាស់រហូតមកដល់ពេលនេះ ។ នៅក្នុងរឿងនេះសមត្ថកិច្ចមូលដ្ឋាន ក៏ដូចជានគរបាលខេត្តបានអោយអ្នកយកព័ត៌យើងដឹងថា៖ពួកលោកបាននិងកំពុងចាត់ការហើយ ( ប៉ុន្តែគេរិះគន់ថា ពាក្យថាកំពុងចាត់ការហើយៗៗ…ៗតែមាត់តែមកដល់ពេលនេះជាង១ខែហើយមិនទាន់ឃើញធ្វើអ្វីនៅឡើយជនដៃដល់ដើរហើរយ៉ាហរំភើយធម្មតា )។
ចំណែកបុរសជាប្តីមិនអាចសុំការបំភ្លឺបានទេព្រោះគ្មានលេខទូរសព្ទ័ទាក់ទង និងរកគាត់មិនឃើញ ប៉ុន្តែអ្នកយកព័ត៌មានយើងនិងព្យាយាមរកបុរសដែលត្រូវប្រពន្ធចោទប្រកាន់ខាងលើបន្តទៀត ដើម្បីបំភ្លឺបញ្ជាក់ការពិត៕ JHON NY
