កំពង់ឆ្នាំង៖ បុរសនិងស្ត្រី២នាក់បានស្លាប់ភ្លាមៗនៅនឹងកន្លែងកើតហេតុ ដោយសារគ្រោះថ្នាក់ចរាចរណ៏ មួយបានកើតឡើង នៅពេលម៉ូតូធំ១គ្រឿងបើកលឿនពេកវាក់អើនិងស្ត្រីម្នាក់ដើឆ្លងផ្លូវចាប់ហ្វាំងមិនទាន់ក៏បុក ប៉ើងទាំងម៉ូតូប៉ើងទាំងអ្នកដើរដួលបោកខ្លួនស្លាប់ទាំង២នាក់ ។
ហេតុការណ៍នេះបានកើតឡើងនៅវេលាម៉ោង៦និង១០នាទីព្រឹក ថ្ងៃទី១៨ ខែកញ្ញា ឆ្នាំ២០១៤ លើផ្លូវជាតិលេខ៥ ត្រង់ចន្លោះគីឡូម៉ែត្រលេខ ៥៤ និងលេខ៥៥ ស្ថិតក្នុង ភូមិច្រកល្មៀត ឃុំអូរឬស្សី ស្រុកកំពង់ត្រឡាច។ លោក ហ៊ុល វាសនា អធិការនគរបាលស្រុកកំពង់ត្រឡាច បាននិយាយអោយអ្នកយកព័ត៌មានយើងថា៖ម៉ូតូបង្កម៉ាក ហុងដាអ៊ិចអិល ពណ៏ខ្មៅគ្មានស្លាកលេខ ជាប្រភេទម៉ូតូធំ បើកបរដោយឈ្មោះ សាក់ ការីន អាយុ៥៥ឆ្នាំ មានទីលំនៅ ភូមិព្រៃពីស ឃុំជ្រេស ស្រុកកំពង់ត្រឡាច ។ 
ចំណែកស្ត្រីរងគ្រោះមានឈ្មោះ សា ម៉ៃយ៉ើ អាយុ៧០ឆ្នាំ មានទីលំនៅភូមិឃុំកន្លែងកើតហេតុ ។ មុនពេលកើតហេតុ ស្ត្រីរងគ្រោះបានដើរឆ្លងថ្នល់ជាតិពីលិចទៅកើត ដើម្បីហូបបបរពេលព្រឹក ស្រាប់តែពេលនោះមានម៉ូតូធំ មួយគ្រឿងដែលបើកបរដោយបុរសឈ្មោះ សាក់ ការីនបានបើកបរក្នុងល្បឿនយ៉ាងលឿន មកពីផ្សារកំពង់ត្រឡាច សំដៅទៅផ្ទះនៅភូមិព្រៃពីស ពេលវាក់អើចាប់ហ្វាំងមិនទាន់ក៏បាន បុកស្ត្រីរងគ្រោះយ៉ាងពេញទំហឹង បណ្តាលអោយប៉ើងទាំងម៉ូតូនិងមនុស្សជាង១០ម៉ែត្រ ហើយបានដួលបោកក្បាល និងខ្លួនស្លាប់ ទាង២នាក់តែម្តង ។
លោកអធិការបានអោយដឹងទៀតថាៈ ករណីគ្រោះថ្នាក់ខាលើនេះបណ្តាលមកពីអ្នកបើកបរម៉ូតូអ្នកបើកម៉ូតូធំនោះបើកល្បឿនលឿនពេកមិនប្រុងប្រយត្ន័លុះដល់វាក់និងស្ត្រីរងគ្រោះដើរកាត់ថ្នល់ហ្វាំងមិនទាន់ក៏បានបុកយ៉ាងពេញទំហឹងតែម្តង បណ្តាលអោយទាំងអ្នកបើកម៉ូតូនិងអ្នកដើរឆ្លងផ្លូវស្លាប់ទាំង២នាក់ភ្លាមៗតេម្តងនៅកន្លែងកើតហេតុ។ ជនរងគ្រោះទាំង២នាក់ ត្រូវបានក្រុមគ្រួសារដឹកបញ្ជូនយកទៅធ្វើនៅលំនៅដ្ឋានរៀងៗខ្លួនដើម្បីធ្វើបុណ្យទៀនតាមប្រណី ។ចំណែកម៉ូតូធំ ដែលជាម៉ូតូបង្កគ្រោះថ្នាក់ ត្រូវបានសមត្ថកិច្ចនាំយកមករក្សាទុកនៅអធិការដ្ឋាននគរបាលស្រុកកំពង់ត្រឡាច ដើម្បីកសាងសំណុំរឿងដោះស្រាយតាមផ្លូវច្បាប់ ៕
