កំពង់ឆ្នាំង៖ យុវជនប្រើប្រាស់ថ្នាំញៀនម្នាក់ក្នុងចំណោមបក្ខពួក២នាក់ ត្រូវបានសមត្ថកិច្ចនគរបាលស្រុកកំពង់ត្រឡាចចាប់ឃាត់ខ្លួន ខណៈដែលជននេះកំពុងប្រើប្រាស់ថ្នាំញៀន នៅក្នុងផ្ទះដែលគ្មានមនុស្សនៅមួយកន្លែង។ការចាប់ខ្លួននេះបានធ្វើឡើងនៅវេលាម៉ោង៩និង៣០នាទីយប់ថ្ងៃទី១៧ ខែកញ្ញា ឆ្នាំ២០១៤ ស្ថិតក្នុង ភូមិសាលាលេខ៥ ឃុំអូរឬស្សី ស្រុកកំពង់ត្រឡាច។
លោក ហ៊ុន វាសនា អធិការនគរបាលស្រុកកំពង់ត្រឡាចបាននិយាយអោយដឹងថា៖ ដោយមានសេចក្តីរាយការណ៏ពីប្រជាពលរដ្ឋល្អ ថាមានក្មេងកំពុងប្រើប្រាសថ្នាំញៀនក្នុងផ្ទះមួយកន្លែងដែលកំពុងសាសង់ខាងលើនេះគ្មានបនុស្សនៅ លោកបានចាត់អោយមន្ត្រីរបស់លោកមានគ្នា៤នាក់ចុះទៅពិនិត្យក្នុងនៅផ្ទះកំពុងសាងសង់ខាងលើនេះ ហើយបានប្រទះឃើញក្មេងកំពុងប្រើប្រាស់ថ្នាំញៀន ចំនួន២នាក់ សមត្ថកិច្ចចាប់ខ្លួនបានម្នាក់ តែម្នាក់ទៀតបានរត់រួច ។ យុវជនប្រើប្រាស់ថ្នាំញៀននេះមានឈ្មោះ អេង រដ្ឋា ហៅខ្លឹង អាយុ២១ឆ្នាំ មានទីលំនៅភូមិធ្លកឬស្សី ឃុំសេដ្ឋី ស្រុកសាមគ្គីមានជ័យ តែបានមកស្នាក់នៅធ្វើជាកម្មករសំណង់ភូមិឃុំកើតហេតុខាងលើ។
នៅចំពោះមុខសមត្ថកិច្ច ជនសង្ស័យខាងលើបានសារភាពថា៖ រូបគេបានទិញថ្នាំញៀនម៉ាទឹកកនេះមួយ កញ្ចប់តូចនេះពីអ្នកលក់ម្នាក់ដែលមិនស្កាល់ឈ្មោះ ក្នុងតម្លៃ១០ដុល្លាហើយបាននាំគ្នាយកមកប្រើប្រាស់ ជាមួយមិត្តភ័ក្រម្នាក់ទៀតនៅក្នុងផ្ទះកំពុងសាសសង់ខាងលើនេះ តែនៅពេលកំពុងប្រើប្រាស់ស្រាប់តែត្រូវនគរបាលចាប់ខ្លួនតែម្តង ចំណែកគ្នាគេម្នាក់ទៀតដឹងខ្លួនទាន់បានរត់រួចខ្លួន។ ជនញៀនថ្នាំរូបនោះ រួមជាមួយវត្ថុតាងមានប្រដាប់ប្រើប្រាស់ថ្នាំញៀន ត្រូវបាននគរបាលស្រុក កំពង់ត្រឡាចកសាងសំណុំរឿងបញ្ជូនមកស្នងការដ្ឋាននគរបាលខេត្ត ដើម្បីកសាងសំណុំរឿងតាមនិតិវិធីបញ្ជូនទៅតុលាការខេត្ត៕
