ខេត្តបន្ទាយមានជ័យ: រថយន្តកាមរីមួយគ្រឿងលួចដឹកឈើដឹកមកដល់ចំណុចស្រុកស្វាយចេកក៏វា៉ក់និងប៉ូលីសកំពុងវាស់គ្រោះថ្នាក់ចរាចរហើយក៏បើកថយក្រោយវិញយ៉ាងលឿនតែត្រូវប៉ូលិសស្រុកស្វាយចេក និងស្រុកថ្មពួក សហការដេញតាម ហើយស្ទាក់ចាប់បាននៅក្នុងរថយន្តក៏ឃើញឈើក្រញូងខុសច្បាប់ ចំនួន២០ ដុំ។រថយន្តកាមរីដែលលួចដឹកឈើ ក្រញូងត្រូវបូ៉លីសស្ទាក់ចាប់បាននៅវេលាម៉ោងជាង៩យប់ ថ្ងៃទី១៩ ខែកញ្ញា ឆ្នាំ២០១៤ លើផ្លូវជាតិលេខ៥៦ ក្នុងស្រុកថ្មពួក ខេត្តបន្ទាយមានជ័យ។លោកអ៊ុកសុជាតិ អធិការនគរបាលស្រុកថ្មពួក បានអោយដឹងថា:នៅយប់នោះថ្ងៃទី១៩នោះ ប៉ូលិសស្ទាក់ចាប់បាន រថយន្ត
តូយ៉ូតាកាមរីហើមចង្កូតឆ្វេងឆ្នាំ១៩៩៥ ពណ៌ស្លែ ពាក់ស្លាកលេខ ២G០៤០៤ អ្នកបើកបរ ពុំទាន់ស្គាល់អត្តសញ្ញាណ បានគេចខ្លួនបាត់។លោកបានបន្តថា: មុនស្ទាក់ចាប់បាន រថយន្តនេះបើកពីទិសខាងជើងទៅខាងត្បូង (ពីព្រំដែនកម្ពុជា ថៃ) លុះបើកមកដល់ភូមិសាស្ត្រ ស្រុកស្វាយចេកពេលនោះអ្នកបើកបានឃើញគ្រោះថ្នាក់ចរាចរណ៍ មានប៉ូលិស នៅខាងមុខ អ្នកបើកបររថយន្តនេះ ក៏បានបត់ថយក្រោយ យ៉ាងលឿនបូ៉លីសគួរសង្ស័យក៏បានដេញតាម ស្ទាក់ចាប់បាន ក៏ឆែកឃើញ
ក្នុងរថយន្ត មានកំណាត់ឈើក្រញូងខ្ចីៗ ចំនួន ២០ដុំ។ស្របពេលនោះលោកអាត់ខែម ស្នងការនគរបាលខេត្តបន្ទាយមានជ័យ បានចាត់អោយនគរបាលការិយាល័យប្រឆាំង បទល្មើសសេដ្ឋកិច្ចខេត្ត មួយក្រុមទៅទទួលយកវត្ថុតាង និងមធ្យោបាយបទល្មើសនេះ មករក្សាទុក សហការនឹងរដ្ឋបាលព្រៃឈើ និងកសាងសំណុំរឿង បញ្ជូនទៅតុលាការផងដែរ៕គង្គា
