ហេតុការណ៍ចោរឆក់ខ្សែរកនេះបានកើតឡើងកាលពីរសៀលថ្ងៃទី០៤ ខែវិច្ឆិកា ឆ្នាំ២០២២ ចំណុចមាត់ស្ទឹងសែន លើសួនច្បារខាងលិចឆាកប្រគុំតន្ត្រី ស្ថិតនៅក្នុងភូមិទី៧ សង្កាត់កំពង់ធំ ក្រុងស្ទឹងសែន ខេត្តកំពង់ធំ ក្នុងពិធីបុណ្យអុំទូក ដែលបានរៀបចំឡើងដោយអាជ្ញាធរខេត្តរយៈពេលពីរថ្ងៃ គឺថ្ងៃទី៤ និងទី៥ ខែវិច្ឆិកា ឆ្នាំ២០២២!
ពាក់ព័ន្ធករណីចោរឆក់ខ្សែរកខាងលើនេះផងដែរ លោកវរសេនីយ៍ឯក គឹម សុខមករា អធិការនគរបាលក្រុងស្ទឹងសែនប្រាប់ថា! ជនរងគ្រោះឈ្មោះ ថៃ នីតា ភេទស្រី អាយុ៣ឆ្នាំ ដែលមានម្តាយឈ្មោះ ធាយ សម្ផស្ស អាយុ២៩ឆ្នាំ
មុខរបរលក់ដូរ រស់នៅភូមិស្លែង ឃុំក្តីដូង ស្រុកកំពង់ស្វាយ នៅមុនពេលកើតហេតុ ម្តាយកុមារីរងគ្រោះបានពរកូនស្រីដេីរមកមេីលការប្រណាំងទូក) ហើយក៏ត្រូវបានជនសង្ស័យឈ្មោះ អឿ ច័ន្ទវណ្ណៈ ភេទប្រុស អាយុ២៦ឆ្នាំ មុខរបរមិនពិតប្រាកដ រស់នៅផ្ទះលេខ២៧ ផ្លូវ៦១៤ ភូមិទី១៩ សង្កាត់
បឹងកក់ទី២ ខណ្ឌទួលគោកភ្នំពេញធ្វើសកម្មភាពឆក់ខ្សែរករួចរត់គេច ស្ត្រីជាម្តាយឃើញទាន់ក៏ស្រែក ហើយក៏ត្រូវបានក្រុមសមត្ថកិច្ចយើងធ្វើការឃាត់ខ្លួនបានភ្លាមៗរួមនឹងវត្ថុតាងមានខ្សែកមាស០១ខ្សែទម្ងន់៣,៥ជី ធ្វើអំពីលោហៈ ពណ៌លឿងនិងមានបណ្តោងរូបហង្សចំនួន០១បណ្តាលឲ្យខ្សែក ប្រវែង៣៧សង់ទីម៉ែត្រត្រូវដាច់!
លោកអធិការបន្តរថា!នៅពេលដែលជនសង្ស័យធ្វើសកម្មភាពនោះ បើកុំតែបានកម្លាំងសមត្ថកិច្ចយើងនៅទីនោះច្រើន កុំអីប្រហែលជាបងប្អូនប្រជាពលរដ្ឋយើងលោកនាំគ្នាវាយទ្រោមខ្លួនហើយមើលទៅ ពីព្រោះតែឲ្យតែឮពាក្យថាចោរពលរដ្ឋលោកស្អប់ណាស់!
នៅចំពោះមុខសមត្ថកិច្ចជនសង្ស័យបានសារភាពថា ពួកគេមានគ្នា៣នាក់ប្រុសពីរស្រីម្នាក់ ក្រុមរបស់គេបានជិះឡានតាក់ស៊ីមកពីភ្នំពេញទៅធ្វើសកម្មភាពលួចនិងឆក់ខ្សែរកនៅក្នុងខេត្តកណ្តាលក្នុងពិធីបុណ្យអំទូកបានចំនួនបួនលើករួចមកហើយ ទើបនាំគ្នាមកធ្វើសកម្មភាពនៅខេត្តកំពង់ធំបន្តទៀត មុនធ្វើសកម្មភាពពួកគេបានដើរមើលអ្នកណាមានពាក់មាសប្រាក់ ហើយក៏បានឃើញក្មេងស្រីខាងលើ ពួកគេក៏ឲ្យបក្សពួកប្រុសម្នាក់ដើរពីមុខម្តាយកុមារីរងគ្រោះ ហើយក៏ឆក់ខ្សែរកនោះបោះមកឲ្យរូបគេ អ្នកឆក់រត់គេចបាត់ទៅ ពេលរូបគេទទួលបានខ្សែរកខំរត់គេចដែរក៏ត្រូវសមត្ថកិច្ចចាប់បាន!
ករណីនេះសមត្ថកិច្ចកំពុងធ្វើការស្រាវជ្រាវរកបក្សពួកនិងចងក្រងសំណុំរឿងតាមនីតិវិធី !
ជុំវិញអំពើចោរកម្មនេះ អាជ្ញាធរខេត្ត និងលោកស្នងការនគរបាលខេត្ត ក៏ដូចជាអធិការនគរបាលក្រុងសូមអំពាវនាវដល់បងប្អូនប្រជាពលរដ្ឋតើងទាំងអស់ដែលបានអញ្ជើញមកមើលពិធីបុណ្យអំទូក ឬក៏ចូលរួមក្នុងពិធីបុណ្យទានផ្សេងៗក្តី បើមានពាក់មាសប្រាក់និងរបស់មានតំលៃសូមឲ្យមានការប្រុងប្រយ័ត្នជាប់ជានិច្ចដើម្បីសេចក្តីសុខនិងសុវត្ថិភាពរបស់បងប្អូន៕ដោយ ថុក សុខា
