កំពង់ឆ្នាំង៖ក្រុមប្រឹក្សាខេត្ត ស្រុក ក្រុង ឃុំ សង្កាត់ មកពីស្រុករលាប្អៀរ និងក្រុងកំពង់ឆ្នាំង បានមកចូលរួមវគ្គបណ្តុះបណ្តាល ស្តីពីការត្រួតពិនិត្យបញ្ជីឈ្មោះបោះឆ្នោតក្នុងឆ្នាំ២០១៤ ដែលមានរយះពេលពេញមួយថ្ងៃ នៅក្នុងទីស្នាក់ការគណះកម្មការរៀបចំការបោះឆ្នោតជាតិខេត្តកំពង់ឆ្នាំង នៅព្រឹកថ្ងៃទី២៥ ខែកញ្ញា ឆ្នាំ២០១៤។កម្មពីធីបណ្តុះបណ្តាលនេះ មានការចូលរួមពីលោកស្រី នួន ចាន់នី ប្រធានគណះកម្មការរៀបចំការបោះឆ្នោតជាតិខេត្តកំពង់ឆ្នាំង លោក គុយ ចន្ថា សមាជិកក្រុមប្រឹក្សាខេត្ត និងក្រុមប្រឹក្សាមកពីស្រុក ក្រុង ឃុំ សង្កាត់ និងស្មៀន សរុបមានការចូលរួមចំនួន៥៩នាក់។
លោកស្រី នួន ចាន់នី ប្រធានគណះកម្មការរៀបចំការបោះឆ្នោតខេត្តបានលើកឡើងថា៖ជារៀងរាល់ឆ្នាំមុនពេលបោះឆ្នោតតែងតែមានការបើកវគ្គបណ្តុះបណ្តាលដល់មន្ត្រីក្រុមប្រឹក្សាខេត្ត ស្រុក ក្រុង ឃុំ សង្កាត់ ស្មៀន ហើយសារៈសំខាន់នៃការពិនិត្យបញ្ជីឈ្មោះ និងចុះឈ្មោះបោះឆ្នោតឆ្នាំ២០១៤ ដើម្បីផ្តល់សិទ្ធប្រជាពលរដ្ឋខ្មែរចុះឈ្មោះបោះឆ្នោត ជាពិសាសផ្តល់ឧឱកាសជូនប្រជាពលរដ្ឋខ្មែរដែលបានផ្លាស់ទីលំនៅក្នុងឃុំសង្កាត់ថ្មីៗ ក្នុងនោះអ្នកទើបគ្រប់អាយុបោះឆ្នោត ចាប់ពីអាយុ១៨ឆ្នាំគិតដល់ថ្ងៃទី៣១ធ្នូ២០១៤។ក្នុងពេលនោះដែល បានចុះឈ្មោះបោះឆ្នោតហើយ និងដែលមានឈ្មោះភេទថ្ងៃខែឆ្នាំកំណើតនិងអាសយ័ដ្ឋានមិនត្រឹមត្រូវតាមឯកសារបញ្ជាក់អត្តសញ្ញាណរបស់ខ្លួននោះ អាចសុំធ្វើការកែតម្រូវវិញបាន។
លោកស្រីបានបញ្ជាក់បន្ថែមទៀតថា ក្នុងនោះលក្ខណះ៤យ៉ាងសម្រាប់ការចុះឈ្មោះបោះឆ្នោត គឺ១.ត្រូវមានឯកសារបញ្ជាក់អត្តសញ្ញាណ ២.ត្រូវមានអត្តសញ្ញាណបណ្ណ័សញ្ជាតិខ្មែរ ៣.ត្រូវមានអាយុ១៨ឆ្នាំឡើងទៅ ៤.ត្រូវមានទីលំនៅក្នុងឃុំសង្កាត់ដែលសាម៉ីខ្លួនសុំចុះឈ្មោះបោះឆ្នោត។ ការបិទប្រកាស់គឺនៅសាលាឃុំ សង្កាត់ និងត្រូវធ្វើការផ្សព្វ ផ្សាយបញ្ជីឈ្មោះបោះឆ្នោតចុងក្រោយ ត្រូវផ្សព្វផ្សាយនៅតាមភូមិអោយប្រជាពលរដ្ឋបានចុះឈ្មោះគ្រប់ៗគ្នា ចាប់ពីថ្ងៃទី០១រហូតដល់ថ្ងៃទី២០ ខែតុលា ឆ្នាំ២០១៤ ។
លោកស្រី នួន ចាន់នី ក៏បានបញ្ជាក់បន្ថែមទៀតថា នៅក្នុងថ្ងៃ
នេះដែរក៍មានបើកវគ្គបណ្តុះបណ្តាលដូចគ្នានៅតាមស្រុកកំពង់លែង និងស្រុកជ
លគីរី និងនៅថ្ងៃទី២៦ ខែកញ្ញា ខាងមុខនេះក៍មានបើកវគ្គនេះបន្តទៀត
នៅស្រុកបរិបូណ៌ ស្រុកទឹកផុស ស្រុកសាមគ្គឺមានជយ័ និងស្រុកកំពង់ត្រឡាចទៀតដែរ។
ការបើកវគ្គបណ្តុះបណ្តាល នេះគឺមានបំណងធ្វើអោយ ក្រុមប្រឹក្សា ឃុំ សង្កាត់ ផ្សព្វផ្សាយប
ងប្អូនប្រជាពលរដ្ឋយើងទាំងអស់បានយល់ច្បាស់ អំពីការពិនិត្យបញ្ជីឈ្មោះ និងចុះឈ្មោះបោះឆ្នោតអោយបានគ្រប់ៗគ្នា ដែលជាករណីយកិច្ចរបស់ប្រជាពលរដ្ឋ
ដើម្បីរើសតំណាងឃុំសង្កាត់របស់ខ្លួនក្នុងពេលខាងមុខនេះ៕ ដោយផន សុខជាតិ
