ខេត្តឧត្ដរមានជ័យ៖ ឯកឧត្ដម នាយឧត្តមសេនីយ៍កិត្តិសង្គហបណ្ឌិត គន់ គីម អនុប្រធាន និងជាអគ្គលេខាធិការសមាគមអតីតយុទ្ធជនកម្ពុជា បានអញ្ជើញសាកសួរសុខទុក្ខ អតីតយុទ្ធជន ចំនួន៣៨គ្រួសារមកពីខេត្តព្រៃវែង ដែលស្ម័គ្រចិត្តទៅរស់នៅលើសម្បទានដីសង្គមកិច្ចស្ថិតនៅភូមិស្រះទឹកតេជោសែនជ័យ ឃុំចុងកាល់ ស្រុកចុងកាល់ ដែលជាអំណោយរបស់សម្តេចតេជោ ហ៊ុន សែន ប្រធានសមាគមអតីតយុទ្ធជនកម្ពុជា និងសម្តេចកិត្តិព្រឹទ្ធបណ្ឌិត ប៊ុនរ៉ានី ហ៊ុនសែន ។
ថ្ងៃអង្គារ ៦កេីត ខែមិគសិរ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី២៩ ខែវិច្ឆិកា ឆ្នាំ២០២២ វេលាម៉ោង ៨និង៣០នាទីព្រឹក លោកឧត្តមសេនីយ៍ទោ ហួត សុធី ស្នងការនគរបាលខេត្ត និងជាប្រធានគណ:កម្មាធិការ ស.អ.ក ខេត្តឧត្តរមានជ័យ បានដឹកនាំកម្លាំងចូលរួម និងការពារសន្តិសុខសណ្ដាប់ធ្នាប់ជូន ឯកឧត្តម នាយឧត្តមសេនីយ៍ កិត្តិសង្គហបណ្ឌិត គន់ គីម អនុប្រធាន និងជាអគ្គលេខាធិការសមាគមអតីតយុទ្ធជនកម្ពុជា បានអញ្ជើញជួបសំណេះសំណាលនិងសួរសុខទុក្ខជាមួយ បងប្អូនអតីតយុទ្ធជនកម្ពុជា ចំនួន ៣៨គ្រួសារ ដែលស្ថិតនៅភូមិស្រះទឹកតេជោសែនជ័យ(បាត់ថ្កៅ) ឃុំចុងកាល់ ស្រុកចុងកាល់ ខេត្តឧត្ដរមានជ័យ ។
ក្នុងនោះផងដែរ ឯកឧត្តម នាយឧត្តមសេនីយ៍ កិត្តិសង្គហបណ្ឌិត ក៏បានពាំនាំយកអំណោយដ៏ថ្លៃថ្លារបស់ សម្ដេចអគ្គមហាសេនាបតីតេជោ ហ៊ុន សែន ប្រធានសមាគមអតីតយុទ្ធជនកម្ពុជា និងសម្ដេចកិត្តិព្រឹទ្ធបណ្ឌិត ប៊ុនរ៉ានី ហ៊ុនសែន ចែកជូនដល់បងប្អូនអតីតយុទ្ធជន ដែលមានភាពខ្វះខាត ដោយក្នុងមួយគ្រួសារៗទទួលបាន អង្ករចំនួន ០១ការ៉ុង ២៥គីឡូក្រាម មី ០១កេះ ទឹកស៊ីអ៊ីវ ១យួរ ទឹកត្រី ១យួរ ត្រីខ ១យួរ ផ្ទាំងសូឡា ០១គ្រឿង ដេីមស្វាយចំនួន ០៥ដេីម និងថវិកាចំនួន ១០ម៉ឺនរៀល៕ដោយ:ចាន់ ធី
