ក្រចេះ៖ លោកឧត្តសេនីយ៍ត្រី លន់ សុផាត ស្នងការនគរបាលខេត្តក្រចេះ បានអញ្ចើញចុះសាកសួរសុក្ខដល់កងកម្លាំងនគរបាលនៅទីបញ្ជាការវរៈការពាព្រំដែនគោកលេខ៦១៩ ចំណុះស្នងការរដ្ឋាននគរបាលខេត្តក្រចេះ និង បានពាំនាំនូវថវិកា សម្ភារៈជាគ្រឿងឧប្បភោគ បរិភោគ ចែកជូនដល់កងកម្លាំងនគបាលកាលពីព្រឹកថ្ងៃទី២៦ កញ្ញា ឆ្នាំ២០១៤។
ចំនួន ១លានរៀល
មានប្រសាសន៍សំណេះសំណាលទៅកាន់កងកម្លាំងនគរបាលនាឪកាសនោះ លោកឧត្តសេនីយ៍ត្រី លន់ សុផាត បានពាំនាំនូវការផ្តាំផ្ញើសួរសុខទុក្ខ ពីសំណាក់លោកនាយឧត្តមសេនីយ៍ អគ្គស្នងការនគរបាលជាតិ អភិបាលខេត្តក្រចេះ ដល់កងកម្លាំងនគរបាល ការពារព្រំដែនគោកខេត្តក្រចេះ ក្នុងពិធីបុណ្យភ្ជុំបិណ្ឌឆ្នាំនេះ ។
លោក ឧត្តមសេនីយ៍ លន់ សុផាត ស្នងការបានជម្រុញអោយកងកម្លាំង នគរបាលវរៈការពារព្រំដែនគោក លេខ៦១៩ បន្តការខិតខំបំពេញការងារ ហ្វឹកហ្វឺន និងប្រចាំការឲ្យបានជាប់លាប់ ដើម្បីការពារសុខសុវត្ថិភាពនៅ តាមខ្សែរបន្ទាត់ព្រំដែន កម្ពុជា-វៀតណាម ។
ក្នុងដំណើរសាកសួរសុខទុក្ខនាឪកាសនោះ លោក បាននាំយកនូវសម្ភារៈជាគ្រឿងឧប្បភោគ បរិភោគ ទៅចែកជូនដល់កងកម្លាំងនគបាលមាន អង្ករ១តោន ថវិការ២លានរៀល ទឹកត្រី៥យួរ ម៉ី២០កេស និងភេសជះ១០កេសផងដែរ ។ដោយផន សុខជាតិ
