នៅក្នុងជំនួបទ្វេរភាគី ជាមួយ ឯ.ឧ PrasithSayasitឯកអគ្គរដ្ឋទូតឡាវទើបតែងតាំថ្មី នាព្រឹកថ្ងៃទី ២៦ កញ្ញា នៅវិមានសន្តិភាព សម្តេច តេជោ ហ៊ុនសែន នាយករដ្ឋមន្ត្រី បានស្នើឲ្យ រដ្ឋាភិ បាលឡាវ តាមរយៈ ឯកអគ្គរដ្ឋទូតឡាវទើបតែងតាំថ្មី ពិចារណាកែសំរួល គោលការណ៍ អាហារូប ករណ៍ដល់និស្សិតកម្ពុជាដែលទៅធ្វើការសិក្សានៅប្រទេសឡាវ។ ក្នុងនោះដែរ សម្តេចតេជោ មាន ប្រសាសន៍ថាសម្តេចបានណែនាំក្រសួង សេដ្ឋកិច្ច និងហិរញ្ញវត្ថុកម្ពុជាពិភាក្សាលើករណីផងដែរ ។
ឯ.ឧ អ៊ាង សុផល្លែត ជំនួយការសម្តេចតេជោនាយករដ្ឋមន្ត្រីបានឱ្យដឹងថា ក្នុ្ងងអណត្តិនេះ លោក PrasithSayasit ដែលជាឯកអគ្គរដ្ឋទូតឡាវ នឹងខិតខំឲ្យអស់ពីកំលាំងកាយចិត្តធ្វើយ៉ាងណាឲ្យទំនាក់ទំនងដែល មានស្រាប់នេះ រឹងមាំថែមទៀតតាមរយៈការជំរុញកិច្ចសហប្រតិបត្តិការ និង អនុស្សារណៈ ទាំងឡាយនិងអនុវត្តនូវសេចក្តីសំរេចចិត្តរបស់ថ្នាក់ដឹកនាំប្រទេសទាំងពីរ។
សម្តេចតេជោ បានសំដែងនូវការឯកភាព នូវការលើកឡើងទាក់ទង រវាងប្រទេសទាំងពីរជាមួយនឹងការ ប្រឹងប្រែងរបស់ ឯកឧត្តម នូវការជំរុញកិច្ចសហប្រតិបត្តិការដែលមានស្រាប់ និងកិច្ចសហប្រតិបត្តិការដទៃដែលនឹងអាចមានជាបន្តបន្ទាប់។ សម្តេចតេជោ បានស្នើសុំឲ្យ អគ្គរដ្ឋទូតធ្វើការជាមួយ ស្ថាប័ន កម្ពុជាទាំងអស់ ដើម្បីធ្វើយ៉ាងណា ជំរុញទំនាក់ទំនងនេះឲ្យកាន់តែល្អប្រសើរថែមទៀត។ សម្តេចបញ្ជាក់ថា ទំនាក់ទំនង ប្រទេសទាំងពីរពិសេសហើយ ប៉ុន្តែគប្បីណាស្វែងរកវិធី យ៉ាងណាធ្វើឲ្យទំនាក់ទំនងនេះកាន់តែរឹងមាំថែមទៀត ៕
ឯកអគ្គរដ្ឋទូតហ្វីលីពីនបញ្ចប់អាណត្តិថ្លែងអំណរគុណចំពោះកម្ពុជា
>>>><<<< ឯ.ឧ Neo A Wong ឯកអគ្គរដ្ឋទូតហ្វីលីពីនដែលបញ្ចប់អាណត្តិបេសកកម្មការទូតរយៈពេល៦ឆ្នាំនៅកម្ពុជាបានគោរពថ្លែងអំណរគុណចំពោះសម្តេចតេជោនាយករដ្ឋមន្ត្រី មន្ត្រីរាជការនិងប្រជាជនកម្ពុជាទាំងអស់ដែលផ្តល់នូវកិច្ចសហប្រតិបត្តិការយ៉ាងល្អធ្វើឱ្យបេសកកម្មការទូតរបស់ឯកឧត្តមបានទទួលនូវលទ្ធផលគួរជាទីមោទនភាពបំផុត។.
ឯ.ឧ អ៊ាង សុផល្លែតជំនួយការសម្តេចតេជោនាយករដ្ឋមន្ត្រីឱ្យដឹងថានៅក្នុងជំនួបជម្រាបលានៅវិមានសន្តិភាព កាលពីថ្ងៃទី២៦ ខែកញ្ញាឆ្នាំ២០១៤ ឯកឧត្តម Neo A Wong បានជម្រាបជូនសម្តេចតេជោនាយករដ្ឋមន្ត្រីថាមោទនភាពនោះមានពាក់ព័ន្ធទៅនឹងកិច្ចសហប្រតិបត្តិការនៃការជំរុញពាណិជ្ជកម្ម សេដ្ឋកិច្ច វិនិយោគនិងការហោះហើរត្រង់ពីកម្ពុជាទៅកាន់ហ្វីលីពីននិងពីហ្វីលីពីនមកកាន់កម្ពុជានិងការចុះហត្ថលេខាលើអនុស្សរណៈនាំអង្ករចេញពីកម្ពុជាទៅកាន់ហ្វីលីពីន។ ឯកឧត្តមឯកអគ្គរដ្ឋទូតបានថ្លែងថាបច្ចុប្បន្ននេះមានការហោះហើរត្រង់ពីកម្ពុជាទៅកាន់ហ្វីលីពីននិងពីហ្វីលីពីនមកកាន់កម្ពុជាមានចំនួន៤ជើងក្នុងមួយសប្តាហ៍ហើយការហោះហើរនោះនឹងមានការកើនឡើងថែមទៀតទៅតាមសេចក្តីត្រូវការរបស់អតិថិជន។
ដោយឡែកពាក់ព័ន្ធទៅនឹងការនាំអង្ករពីកម្ពុជាទៅកាន់ហ្វីលីពីនឯកឧត្តមឯកអគ្គរដ្ឋទូតមានប្រសាសន៍ជម្រាបជូនសម្តេចតេជោដែរថាកម្ពុជាបានទទួលនូវភាពស្របច្បាប់តាមរយៈការចុះហត្ថលេខាលើអនុស្សរណៈសម្រាប់ការចូលដេញថ្លៃក្នុងការផ្គត់ផ្គង់អង្ករដើម្បីនាំចូលប្រទេសហ្វីលីពីនហើយហ្វីលីពីននឹងធ្វើការដេញថ្លៃទិញអង្ករពីប្រទេសនានាជារៀងរាល់ឆ្នាំដោយឡែកប្រទេសកម្ពុជាគឺជាប្រទេសទី៤ដែលទទួលបាននូវសិទ្ធិស្របច្បាប់ក្នុងការដេញថ្លៃនាំអង្ករចូលប្រទេសហ្វីលីពីន។ ឯកឧត្តមឯកអគ្គរដ្ឋទូតក៏បានថ្លែងអំណរគុណជូនចំពោះរដ្ឋាភិបាលកម្ពុជាដែលបានជួយផ្តល់នូវថវិកាជួយដល់ជនរងគ្រោះដោយសារខ្យល់ព្យុះ រ៉ូហាន់យ៉ាក្នុងប្រទេសហ្វីលីពីនកាលពីពេលកន្លងមក។
នៅក្នុងជំនួបនោះសម្តេចតេជោនាយករដ្ឋមន្ត្រីបានថ្លែងអំណរគុណជូនចំពោះឯកឧត្តមឯកអគ្គរដ្ឋទូតដែលបានខិតខំប្រឹងប្រែងក្នុងការលើកស្ទួយទំនាក់ទំនងនៃប្រទេសទាំងពីរនិងចំពោះការយកចិត្តទុកដាក់ក្នុងការជំរុញឱ្យមានការហោះហើរត្រង់ពីហ្វីលីពីនមកកាន់កម្ពុជា និងការទទួលបាននូវភាពស្របច្បាប់ក្នុងការចូលដេញថ្លៃផ្គត់ផ្គង់អង្ករកម្ពុជាទៅកាន់ប្រទេសហ្វីលីពីន។ តាមរយៈកិច្ចសន្ទនានោះសម្តេចតេជោនាយករដ្ឋមន្ត្រីបានផ្តល់នូវអនុសាសន៍ថាគប្បីយើងពិនិត្យមើលកិច្ចសហប្រតិបត្តិការដទៃទៀតជាពិសេសកិច្ចសហប្រតិបត្តិការលើវិស័យទេសចរណ៍ពោលគឺចំពោះភ្ញៀវទេសចរហ្វីលីពីនមកកាន់កម្ពុជាឬភ្ញៀវទេសចរមកកាន់ហ្វីលីពីនហើយបន្តមកកាន់កម្ពុជាទៀតនិងការហោះហើរត្រឡប់ពីកម្ពុជាទៅកាន់ហ្វីលីពីនវិញផងដែរ។សម្ដេចបានផ្តល់នូវសេចក្តីសង្ឃឹមថាប្រទេសទាំងពីរមានសក្ដានុពលខ្លាំងក្នុងការជំរុញកិច្ចសហប្រតិបត្តិការជាមួយគ្នាឲ្យកាន់តែប្រសើរឡើង។
ជាមួយគ្នានេះសម្ដេចតេជោក៏បានថ្លែងនូវអំណរគុណជូនចំពោះរដ្ឋាភិបាលហ្វីលីពីនផងដែរចំពោះជំនួយទាំងឡាយដែលជួយដល់កម្ពុជាជាពិសេសពាក់ព័ន្ធដល់ ការបណ្តុះបណ្តាលធនធានមនុស្សក៏ដូចជាការផ្លាស់ប្ដូរបទពិសោធន៍ទៅវិញទៅមកទាំងនៅក្នុងក្របខ័ណ្ឌទ្វេភាគី ពហុភាគី តំបន់ និងអន្តរជាតិដែលមានការយកចិត្តទុកដាក់ដូចគ្នានោះ៕ 6A ព្រះមហាក្សត្រ ចេញព្រះរាជក្រឹត្យ លុបឈ្មោះឧត្ដមសេនីយ៍ឯក ខូវ សម្បត្ដិ ចេញពីក្របខណ្ឌ កងទ័ព
ឧត្តមសេនីយ៍ឯក នៃកងយោធពលខេមរ ភូមិន្ទ និងជាមេបញ្ជាការរង នៃកងរាជអាវុធហត្ថ លើផ្ទៃប្រទេស ត្រូវបានព្រះមហាក្សត្រឡាយព្រះហស្ថលេខាលើព្រះរាជក្រឹត្យ បញ្ចប់ក្របខណ្ឌជាមន្ដ្រីកងយោធពលខេមរភូមិន្ទហើយ ។
យោងតាមព្រះរាជក្រឹត្យedចុះថ្ងៃទី០៨ ខែកញ្ញា ឆ្នាំ២០១៤ កន្លងទៅនេះ ចុះហត្ថ លេខាដោយសម្ដេចធម្មពោធិសាល ជា ស៊ីម ប្រមុខរដ្ឋស្ដីទី បានសម្រេចលុបឈ្មោះឧត្ដម សេនីយ៍ឯក ខូវសម្បត្ដិ អត្ដលេខ ០០៤៣២៦ ចេញពីក្របខណ្ឌនៃកងយោធពលខេមរភូមិន្ទ ។
ព្រះរាជក្រឹត្យខាងលើនេះ ត្រូវបានគេឃើញបង្ហោះនៅលើបណ្ដាញទំនាក់ទំនងសង្គមជាច្រើន តែគេមិនបានដឹងមូលហេតុនិងរឿងរ៉ាវពិត នៃការចេញ ព្រះរាជក្រឹត្យលប់ឈ្មោះឧត្ដមសេនីយ៍ឯក ខូវ សម្បត្ដិចេញពីក្របខណ្ឌកងយោធពលខេមរភូមិន្ទ ខាងលើនេះនោះឡើយ ។ ប៉ុន្ដែគេគ្រាន់តែដឹងថា កន្លងមកឧត្ដមសេនីយ៍ ខូវ សម្បត្ដិ ក្រៅពីមានមុខរបររកស៊ីធំដុំមួយចំនួននោះលោកក៏មានតួនាទីជាមេបញ្ជាការរងកងរាជអាវុធហត្ថលើផ្ទៃប្រទេសផងដែរ ។ ពាក់ព័ន្ធទៅនឹងព្រះរាជក្រិត្យលុបឈ្មោះចេញពីក្របខណ្ឌកងទ័ពខាងលើនេះ នៅរសៀលថ្ងៃទី២៦ ខែ កញ្ញា នេះក្រុមការងារយើង មិនអាចធ្វើការសាកសួរព័ត៌មានឱ្យដឹងជាផ្លូវការនៅឡើយនោះទេ ៕ដោយផន សុខជាតិ
