កំពង់ចាម: សមាជិកគណបក្សខ្មែរស្រឡាញ់ជាតិ ចំនួន១៥១នាក់ មកពីស្រុកចំនួន៥ គឺស្រុកកងមាស,បាធាយ,ជើងព្រៃ,ព្រៃឈរ និងស្រុកចំការលើ បានសុំលាឈប់ពីគណបក្សរបស់ខ្លួន ហើយបានសុំចូលរួមជីវភាពនយោបាយជាមួយគណបក្សប្រជាជនកម្ពុជា ដែលបានធ្វើឡើង នៅទីស្នាក់ការគណបក្សប្រជាជនកម្ពុជាខេត្តកំពង់ចាម នារសៀលថ្ងៃទី២៤ ខែធ្នូ ឆ្នាំ២០២២ ។
ក្នុងឱកាសនោះ ឯកឧត្តម អ៊ុន ចាន់ដា សមាជិកគណៈកម្មាធិការកណ្តាល និងជាប្រធានគណៈកម្មាធិការគណបក្សប្រជាជនកម្ពុជាខេត្តកំពង់ចាម បានសម្ដែងការស្វាគមន៍ ប្រកបដោយក្តី រីករាយ និងស្និទ្ធស្នាលបំផុត ចំពោះបងប្អូន ដែលមានស្មារតីភ្ញាក់រលឹក វិលមកសុំរួមរស់ ជីវភាព នយោបាយ ជាមួយគណបក្សប្រជាជនកម្ពុជា អាស្រ័យ ដោយបានមើលឃើញពី ភាពដឹកនាំត្រឹមត្រូវ និងការរីកចម្រើនលើគ្រប់វិស័យ ក្រោមការដឹកនាំ របស់ គណបក្សប្រជាជនកម្ពុជា ដែលមានសម្តេចតេជោ ហ៊ុន សែន ជាប្រធានគណបក្ស និង ជានាយករដ្ឋមន្ត្រី ។
ក្នុងឱកាសនោះដែរ ឯកឧត្ដមប្រធានគណបក្សខេត្ត បានមានមតិផ្តាំផ្ញើចំពោះសមាជិគណបក្សថ្មីដូចតទៅ៖
១. សូមបងប្អូនបន្តធ្វើចលនាអូសទាញ មិត្តភ័ក្ត សាច់ញាតិនៅក្នុងគណបក្សដ៏ទៃ ឲ្យចូលរួម គាំទ្រ និងបោះឆ្នោតជូនគណបក្សប្រជាជនកម្ពុជា ដើម្បីកសាងអភិវឌ្ឍប្រទេសជាតិ។
២. សូមបងប្អូនរក្សាភាពស្មោះត្រង់ចំពោះគណបក្ស ដូចការប្តេជ្ញាចិត្ត កុំក្បត់គណបក្ស បងប្អូនក្នុងគណបក្សទទួលបងប្អូនដោយស្មារតីសាមគ្គី ដោយមិនមានការរើសអើង ។
៣.សូមជ្រាបថា គណបក្សប្រជាជនកម្ពុជា ជាគណបក្សដែលមានប្រវត្តិយូរជាង គណបក្ស ណាទាំងអស់ និងមានស្នាដៃជាសមិទ្ធផល យ៉ាងច្រើន ឥតគណនា ចំពោះប្រទេសជាតិ ប្រឆាំងអាណានិគម និងការឈ្លាពានរបស់បរទេស គ្រប់ជំនាន់ រំដោះប្រទេសពីរបបប្រល័យ ពូជសាសន៍ ការបញ្ចប់សង្គ្រាម និងបង្រួបបង្រួមជាតិ នាំមកនូវលទ្ធិប្រជាធិបតេយ្យ សេរី ពហុបក្ស និងធ្វើឲ្យប្រទេសជាតិ មានសុខ សន្តិភាព និងការអភិវឌ្ឍរហូតបច្ចុប្បន្ន។
ដូច្នេះសូមបងប្អូនមានការជឿជាក់ លើការដឹកនាំរបស់គណបក្សប្រជាជនកម្ពុជា ដែលមាន សម្ដេចតេជោ ហ៊ុន សែន ជាប្រមុខ និងបោះឆ្នោត ជូនគណបក្សប្រជាជនកម្ពុជា ដើម្បីបន្ត ថែរក្សាសុខសន្តិភាព និងការអភិវឌ្ឍប្រទេសជាតិ ជានិរន្តរ៍តរៀងទៅ ៕
