កំពង់ឆ្នាំង៖ ឯកឧត្តមវេជ្ជបណ្ឌិត អ៊ុយ សំអាត ប្រធាននាយកដ្ឋានគ្រប់គ្រងគ្រោះមហន្តរាយកាកបាទក្រហមកម្ពុជាតំណាងដ៏ខ្ពង់ខ្ពស់របស់សម្តេចគតិព្រឹត្តបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា នៅព្រឹកថៃ្ងទី២៦ ខែកញ្ញា ឆ្នាំ២០១៤ នេះរួមដំណើរដោយឯកឧត្តម ឈួរ ច័ន្ទឌឿន ជាប្រធានកិត្តិយសគណៈកម្មាធិការសាខាកាកបាទក្រហមខេត្តកំពង់ឆ្នាំង ឯកឧត្តម អ៊ុន សំអុល ប្រធាន គណៈកម្មាធិការសាខាកាកបាទក្រហមខេត្ត និងសមាជិកសមាជិកាសាខាកាកបាទក្រហមខេត្តកំពង់ឆ្នាំងជាច្រើនទៀត បានចុះសាកសួរ
សុខទុក្ខ និងនាំយកអំណោយរបស់កាកបាទក្រហមកម្ពុជាជូនដល់យុវជន នី វណ្ណឌី ហៅពៅ អាយុ២០ឆ្នាំ ។
យុវជនជនរូបនេះត្រូវគេព្រួតវាយបណ្តាលរងរបួសធ្ងន់ធ្ងរ កាលពីវេលាម៉ោង៨យប់ ថ្ងៃទី១៨ ខែកញ្ញា ឆ្នាំ២០១៤ នៅផ្ទះគ្មានលេខ ក្រុម១៧ ភូមិ២ ផ្លូវលេខ១៨៥Z នៅក្នុងសង្កាត់ទំនប់ទឹក ខ័ណ្ឌចំការមន រាជធានីភ្នំពេ ញ ដោយត្រូវកូនម្ចាស់ផ្ទះចោទថាចោរស្រែកឆោរឡោឡើង 
ធ្វើអោយប្រជាពលរដ្ឋក្នុងភូមិព្រួតគ្នាវាយធ្វើអោយរបួសយ៉ាងធ្ងន់ធ្ងរ ដែលឥឡូវនេះរូបគេកំពុងសំរាកព្យាបាលរបួសនៅក្នុងមន្ទីរពេទ្យខេត្តកំពង់ឆ្នាំង។
លោក ប្រាក់ សោភ័ណ្ឌ នាយកប្រតិបត្តិសាខាកាកបាទក្រហមខេត្តអោយដឹងថា៖ អំណោយកាកបាទក្រហមកម្ពុជា ដែលយកមកប្រគល់អោយគ្រួសារយុវជនរងគ្រោះ ដែលត្រូវគេព្រួតវាយខាងលើនេះរួមមាន៖ អង្កចំនួន២០០គីឡូក្រាម ,មី៥កេះ ,ឃីត៥កញ្ចប់ ,ត្រីខ៥យួរ,តង់២ ,ទឹកដោះគោ២យួរ,ស្ករស១គីឡូក្រាមនិងថវិកា៥លានរៀល សប្បុរសជនឧបត្ថម្ភតាមរយៈ
ទូរទស្សន៍ហង្សមាស១.២០០.០០០រៀល។ក្រៅពីនេះកាកបាទក្រហមកម្ពុជា បានឧបត្ថម្ភថវិកាដល់អ្នកកំដរអ្នកជំងឺនៅមន្ទីរពេទ្យខេត្តនូវអង្ករ១០០គីឡូក្រាម និងថវិកា១លានរៀលទៀតផងដែរ។
មានប្រសាសន៍ក្នុឱកាសនោះឯកឧត្តមវេជ្ជបណ្ឌិត អ៊ុយ សំអាត បានមានប្រសាសន៍ពាំនាំនូវប្រសាសន៍ផ្តាំផ្ញើរសាកសួរសុខទុក្ខ ពីសំណាក់សម្តេចគតិព្រឹទ្ធិបណ្ឌិតប៊ុន រ៉ានី ហ៊ុន សែន ប្រធានកាកបាទក្រហមកម្ពុជា សម្តេចតែងតែគិតគូរពីសុខទុក្ខរបស់ក្រុមគ្រួសារនិងសុខទុក្ខរបស់យុវជន នី វណ្ណឌី ដែលត្រូវគេព្រួតវាយកំពុងសំរាកព្យាបាលរបួសនៅក្នុងមន្ទីរពេទ្យខេត្ត
។
ឯកឧត្តមវេជ្ជបណ្ឌិត អ៊ុយ សំអាត បានមានប្រសាន៍ផ្តាំផ្ញើ ដល់អាជ្ញាធរដែនដីនិងប្រធានមន្ទីរពេទ្យ អោយខិតខំយកយកចិត្តទុកដាក់ជួយព្យាបាលរបួស របស់យុវជន នី វណ្ណឌី អោយឆាប់ជាបានទៅលំនៅដ្ឋានវិញហើយឯកឧត្តមវេជ្ជបណ្ឌិត សំណូមពរអោយយុវជន នី វណ្ណឌី ត្រូវចេះថែរក្សាសុខភាពអោយបានល្អនិងត្រូវអនុវត្តអោយបានតាមវេជ្ជបញ្ជារបស់លោកគ្រូពេទ្យខេត្ត។
ក្រុមគ្រួសារយុវជន នី វណ្ណឌី អោយដឹងថា នី វណ្ណឌី គឺជាក្មេងកំព្រាមានបងប្អូន១០នាក់ គេជាកូនពៅទី១០ ឪពុកម្តាយបានស្លាប់ចោលអស់តាំងពីនីតូច សព្វថ្ងៃរស់នៅជាមួយគ្រួសារបងទី១។កាលពីជាង១ឆ្នាំមុនគេបានទៅធ្វើការជាកម្មករឡនំបុ័ងនៅក្រុងភ្នំពេញ ក្រោយមកក៏បានទៅធ្វើជាកម្មករអោយផ្ទះលោកធំម្នាក់ ហើយក៏មានការចោទប្រកាន់ថាជាចោរ និងត្រូវបានគេព្រួតវាយរហូតរបួសធ្ងន់ធ្ងរតែម្តង។ ក្រុមគ្រួសារជនរងគ្រោះ បានសម្តែងនៅទឹកចិត្ត
សប្បាយរីករាយចិត្តយ៉ាងខ្លាំង ចំពោះការផ្តល់អំណោយសប្បុរសធម៌របស់កាកបាទក្រ ហមកម្ពុជា និងសូមគោរពជួនពរសម្តេចអគ្គមហាសេនាបតីតេជោ ហ៊ុនសែន និងសម្តេចគតិព្រឹត្តិបណ្ឌិត ប៊ុនរ៉ានី ហ៊ុនសែន សូមសម្តេចទាំង២និងក្រុមគ្រួសារជួបនឹងជ័យជំនះគ្រប់ពេលវេលា៕ ប៊ុនរិទ្ធី
