ខេត្តព្រះសីហនុៈ
បុរសម្នាក់ត្រូវបានកម្លាំងជំនាញការិយាល័យប្រឆាំងបទល្មើសគ្រឿងញៀន នៃស្នងការដ្ឋាននគរបាលខេត្តព្រះសីហនុ ធ្វើការឃាត់ខ្លួនកាលពីវេលាម៉ោង១១ និង២៥នាទី ថ្ងៃទី ២៥ ខែកញ្ញា ឆ្នាំ២០១៤ នៅភូមិបត់គគី ឃុំអូរឧញ៉ាហេង ស្រុកព្រៃនប់ ខេត្តព្រះសីហនុសង្សយ័ករណីជួញដូរគ្រឿងញៀន ។
លោកវរសេនីយ៏ឯក សាន់ ប៊ុនថន ស្នងការរងខេត្តព្រះសីហនុ ទទួលបន្ទុកកណ្តាលប្រឆាំងបទល្មើស ឪ្យដឹងថា ក្នុងប្រតិបត្តិការបង្គ្រាបមុខសញ្ញាចែកចាយ ជួញដូរគ្រឿងញៀន កម្លាំងជំនាញបានធ្វើការស្រាវជ្រាវរកមុខសញ្ញា និងជនសង្ស័យជួញដូរគ្រឿងញៀននៅក្នុងខេត្តព្រះសីហនុ រហូតកំណត់មុខសញ្ញាឈានទៅធ្វើការឃាត់ខ្លួនបានជនសង្ស័យ និងវត្ថុតាង
មួយចំនួន ។
លោកវរសេនីយ៏ឯក សាន់ ប៊ុនថន ឲ្យដឹងបន្តថា ជនសង្សយ័ជួញដូរគ្រឿងញៀនមានឈ្មោះ ឆាយ មាន ភេទប្រុស អាយុ ៤០ឆ្នាំ ជនជាតិខ្មែរ មានមុខរបរបើកបររថយន្តតាក់ស៊ី មានទីលំនៅភូមិបត់គគី ឃុំអូរឧញ៉ាហេង ស្រុកព្រៃនប់ ខេត្តព្រះសីហនុ ។
លោកវរះសេនីយ៌ត្រី តាក សារិទ្ធ នាយការិយាល័យប្រឆាំងបទល្មើសគ្រឿងញៀន នៃស្នងការដ្ឋាននគរបាលខេត្តព្រះសីហនុបានឲ្យដឹងថា កម្លាំងមន្ត្រីជំនាញបានធ្វើការដកហូត
វត្ថុតាងនាពេលនោះរួមមាន ទី១ ថ្នាំញឿនប្រភេទមេតំហ្វេតាមីន(iceទឹកកក) ចំនួន ០១កញ្ចាប់ធំ និង១៣កញ្ចប់តូច មានទម្ងន់ ស្មើនឹង ២.៣ក្រាម ទី២ ទូរសព្ទ័ដៃចំនួន០១គ្រឿង ។
លោកវរះសេនីយ៌ត្រី តាក សារិទ្ធ បានឲ្យដឹងថា ករណីខាងលើកម្លាំងជំនាញកំពុងធ្វើការសាកសួរ កសាងសំណុំរឿង ដើម្បីបញ្ជូនជនសង្សយ័ និងវត្ថុតាងទៅកាន់សាលាដំបូងខេត្តព្រះសីហនុ ចាត់វិធានការទៅតាមផ្លូវច្បាប់ ៕ ប៊ុនរិទ្ធី
