ឧត្តរមានជ័យ: មានហេតុការណ៏គ្រោះថ្នាក់ចរាចរណ៏មួយបង្កឡើងដោយនារីវ័យក្មេងម្នាក់បើករថយន្តមួយគ្រឿងម៉ាក លុចសុីសRX300ពណ៌ទឹកមាសពាក់ស្លាកលេខ2A បន្ទាយមានជ័យ6820បើកបរប៉ោះប៉ួយយ៉ាងលឿនទិសដៅពីជើងទៅត្បូងបានរ៉េចង្កូតទៅបុកជាមួយបង្គោលភ្លើងបាក់រៀបដល់ដីនិងឡានបែកកង់ទៅមុខលែងរួចបណ្តាលឲ្យខ្ទេចខ្ទីរថយន្តយ៉ាងដំណំមិនមានគ្រោះថ្នាក់ដល់មនុស្សទេ។
ហេតុការណ៏ករណីគ្រោះថ្នាក់ចរាចរណ៏នេះបានកើតឡើងនៅថ្ងៃទី០៣ខែមករាឆ្នាំ២០២៣ ស្ថិតនៅត្រង់ចំណុចផ្លូវជាតិលេខ៦៨ភូមិដូនកែនសែនជ័យ សង្កាត់សំរោង ក្រុងសំរោង ខេត្តឧត្តរមានជ័យ។
ប្រភពពីចេញពីកន្លែងហេតុបានប្រាប់ឲ្យដឹងថា ចំពោះករណីគ្រោះថ្នាក់ចរាចណ៏នេះដែរ មុនពេលកើតហេតុគាត់បានឃើញរថយន្តខាងលើបើកបរលើផ្លូវយ៉ាងលឿនទិសដៅពីជើងទៅត្បូង លុះមកដល់កន្លែងកើតហេតុក៏បានរ៉េចង្កូតមិនដឹងជាគេចទៅនឹងអ្វីនោះទេបានបុកជាមួយបង្គោលភ្លើងបណ្តាលឲ្យបាក់ ដល់ដីចំណែកឯរថយន្តដាច់ក្រឡេបែកកង់ទៅមុខលែងរួចតែម្តង។
អ្នកឃើញហេតុការដដែលបានបញ្ជាក់បន្ថែមថា នៅក្រោយពេលកើតហេតុភ្លាមៗគាត់បានឃើញអ្នកបើកបរចេញពីក្នុងឡានជាមនុស្សស្រីហើយអ្នករួមដំណើរក៏មានកូនក្មេងតូចផងដែរតែពុំមានការរងរបួសអីឲ្យធ្ងន់ធ្ងរនោះទេ គ្រាន់តែខូតខាតរងរថយន្តផ្នែកខាងមុខយ៉ាងច្រើនធ្លាក់កាង មុខក្រពិតផ្ទាល់ខាងស្តាំ បែកកាឡេ បែកកង់នឹងបាក់បង្គោលភ្លើងរៀបដល់អស់មួយ។ដោយ:ចាន់ ធី
