សៀមរាប៖ កាលពីថ្ងៃទី២៤ កុម្ភះ ឆ្នាំ ២០១៤កន្លងទៅនេះ មានភាពភ្ញាក់ផ្អើលយ៉ាងខ្លាំងទាំងសមត្ថកិច្ច ទាំងប្រជាពលរដ្ឋក្នុងស្រុកជីក្រែងដោយលឺដំណឹងតៗគ្នា ថាមានករណីឃាតកម្ម ដោយកាប់មនុស្សបី កំណាត់ដាក់ក្នុងចេតិយ ដែលស្ថិតនៅវត្ត បុព្វសារាម នៅក្នុងភូមិ កំពង់ក្តី ស្រុកជីក្រែង ខេត្តសៀមរាប ដ៏រន្ធត់ធ្វើអោយមានភាពចលាចល ពេញស្រុកជីក្រែង ។
ជាការពិតនៅមុខចេតិយ មានមនុស្សជាច្រើននាក់ចង់ដឹងការពិត អំពីសាកសពនៅក្នុងចេតិយ ហើយធ្វើការសន្និដ្ឋានផ្សេងៗគ្នា ។ សមត្ថកិច្ចម្នាក់ក្នុងចំនោមសមត្ថកិច្ចទាំងឡាយ បានទៅតាមម្ចាស់ចេតិយនេះ ដើម្បីបំភ្លឺពីករណីនេះ លោកគ្រូ ប៊ុន គ្រីន រស់នៅភូមិកំពង់ក្តី១ ឃុំកំពង់ក្តី ជានាយកសាលា គំរូកំពុងក្តី ជាម្ចាស់ចេតិយនេះ មានប្រសាសន៍ថា ក្រណាត់សរ ដែលរុំសាកសពបីដុំ នៅក្នុងចេតិយនេះ មិនមែនសាកសពបី កំណាត់ទេ គឺជាសាកសពបុគ្គលចំនួន៣នាក់ គឺឪពុកម្តាយ និង ជីដូនរបស់លោក ។
អ្នកស្រី ពិន ស៊ីណាន ជាភរិយារបស់ លោកគ្រូ ប៊ុន គ្រីន មានប្រសាសន៍ថា សាកសព ឪពុកក្មេក ម្តាយក្មេក និង ជីដូនក្មេក របស់អ្នកស្រី ត្រូវបានដំកលទុកក្នុងចេតិយ នេះ ចំនួន ២ឆ្នាំមកហើយចំពោះជីដូនក្មេករបស់លោកស្រីបានបញ្ចុះក្នុងដីចំនួន ៣ឆ្នាំ ទើបលើកយកមកដំកល់ទុងក្នុងចេតិយ ប៉ុន្តែសក់របស់គាត់មិនរុសទាល់តែសោះ ។
មូលហេតុដែលមិនបូជាព្រោះប្រជាជនក្នុងស្រុកភូមិរបស់គាត់ភាគច្រើនដំកល់សពទុកបែបនេះឯង ។ ម្យ៉ាងវិញទៀតចេតិយរបស់អ្នកស្រី មានទ្វា និង គន្លិះសំរាប់បិតបាំង ប៉ុន្តែមកពីជនខិលខូច គាស់គន្លិះរកលុយកាក់នៅក្នុងចេតិយ ខ្វេះកកាយក្រណាត់ស ឃើញសក់របស់សព អ្នកស្រី ទើបសន្នដ្ឋានថា មានករណីឃាតុកម្មថ្មី ។ ដោយ អ៊ុក ផ្លុង និង ព្រំ សុខា
