អាជ្ញាធរក្នុងតំបន់ បានឲ្យដឹងនៅព្រឹកថ្ងៃ អាទិត្យថា មនុស្ស ៧នាក់ ស្លាប់ និង ៤នាក់ផ្សេងទៀត រងរបួស បន្ទាប់ពីមានការបាក់ដី នៅចំកណ្តាលខេត្ត Hubei ប្រទេសចិន បណ្តាលឲ្យ ផ្ទះជាច្រើនខ្នងរងការ ខូចខាតយ៉ាងដំណំ។
ទីភ្នាក់ងារព័ត៌មានចិន ស៊ិនហួ ចេញផ្សាយនៅថ្ងៃអាទិត្យ ទី២៨ ខែកញ្ញា ឆ្នាំ២០១៤នេះ យោងទៅតាម ទីស្នាក់ការកណ្តាលជួយសង្គ្រោះបាននិយាយថា បើគិតត្រឹមម៉ោង ៩ យប់
កាលពីថ្ងៃសៅរ៍ ទី២៧ ខែកញ្ញា ឆ្នាំ២០១៤ នេះថា ក្រុមសង្គ្រោះ បានជួយមនុស្ស ៨ នាក់ ហើយ បានបញ្ជូនពួកគេទៅកាន់មន្ទីពេទ្យ ប៉ុន្តែ គួឲ្យសោកស្តាយ មនុស្ស ៤ នាក់ផ្សេងទៀតបានស្លាប់រួចទៅហើយ។
នៅព្រឹកថ្ងៃអាទិត្យនេះ ក្រុមការងារ សង្គ្រោះ បានរកឃើញសាកសព ៣ នាក់ផ្សេងទៀតដែលស្លាប់ក្នុងគ្រោះធម្មជាតិបាក់ដីនោះ។
អាជ្ញាធរក្នុងតំបន់បានបញ្ជូនបុគ្គលិករបស់ខ្លួនទៅកាន់តំបន់ក្បែរនោះដើម្បីស្ទង់ពីអាកាសធាតុ ការពារនឹង គ្រោះធម្មជាតិជាលើកទី ២។
មន្ត្រីម្នាក់បាននិយាយថា “ពួកយើងបានប្រកាសអាសន្នរួចមកហើយកាលពីរាត្រីថ្ងៃសុក្រ បន្ទាប់ពីមានភ្លៀង ធ្លាក់ដ៏ធំ ដែលជាហេតុបណ្តាលឲ្យមានការរអិលបាក់ដីដូច្នេះ”។
គួរបញ្ជាក់ផងដែរថា បើយោងទៅតាមអាជ្ញាធរឧតុនិយម បានឲ្យដឹងថា ភ្លៀងដ៏ធំមួយនោះ អាចនឹងបន្តនៅក្នុង តំបន់នោះ រយៈពេល ២ ទៅ ៣ ថ្ងៃទៀត៕
http://www.youtube.com/watch?v=zDnID6gaEl4
