កំពង់ឆ្នាំង៖ ដោយសារក្នុងរយៈពេល៣ថ្ងៃនៃពិធីបុណ្យភ្ជុំបិណ្យឆ្នាំ២០១៤នេះ អត្រានៃការស្លាប់ដោយគ្រោះថ្នាក់ចរាចរណ៍បានកើនឡើងជាងឆ្នាំកន្លងទៅ ដែលកំណើននៃការស្លាប់នេះ បានធ្វើអោយប្រមុខ
រាជរដ្ឋាភិបាលកម្ពុជា មានការព្រួយបារម្ភយ៉ាងខ្លាំង។នៅយប់ថ្ងៃទី២៦ ខែកញ្ញា ឆ្នាំ២០១៤នេះ ចាប់ពីម៉ោង ៧យប់ទៅម៉ោង៨យប់នគរបាលនាយកដ្ឋានសណ្តាប់ធ្នាប់សាធារណៈនៃក្រសួងមហាផ្ទៃ រួមនឹងនគរបាលចរាចរណ៍ផ្លូវគោកខេត្ត បានសហការជាមួយយុវជនកាកបាទក្រហមកម្ពុជា ចុះធ្វើការត្រួតពិនិត្យ និងអប់រំផ្ស ព្វផ្សាយក្រោមប្រធានបទ«ការបើកបរក្រោមឥទ្ធិពលស្រវឹង និងការបើកបរមិនពាក់មួកសុវត្ថិភាព»នៅចំណុច
ឆ្នាំងមាសដំរីស ស្ថិតក្នុងភូមិទួលក្រឡាញ់ សង្កាត់កំពង់ឆ្នាំង ក្រុងកំពង់ឆ្នាំង។
លោក ប្រាក់ សោភ័ណ្ឌ នាយកសាខាកាកបាទក្រហមកម្ពុជាខេត្តកំពង់ឆ្នាំងបានអោយដឹងថា៖នៅ យប់ថ្ងៃទី២៦ ខែកញ្ញា ឆ្នាំ២០១៤នេះយុវជនសាខាកាកបាទក្រហមមួយក្រុម បានសហការជាមួយសម ត្ថកិច្ចនគរបាលចរាចរណ៍ផ្លូវគោកខេត្ត និងមន្ត្រីនគរបាលមកពីនាយកដ្ឋានសណ្តាប់ធ្នាប់នៃក្រសួងមហាផ្ទៃ ដើម្បី ធ្វើការផ្សព្វផ្សាយដល់អ្នកប្រើប្រាស់ផ្លូវទាំងអស់ អោយគាត់យល់ពីប្រធានបទនៃការបើកបរក្រោម ឥទ្ធិពលនៃគ្រឿងស្រវឹង និងការមិនពាក់មួកសុវត្តិភាព។ក្នុងនោះបានចែកចាយនូវខិតបណ្ណ័អប់រំការ រឹត បន្តឹង និងការគោរពច្បាប់ចរាចរណ៍អោយបានខ្ជាប់ខ្ជួន ព្រោះជារៀងរាល់ថ្ងៃនៅតែមានមនុស្សស្លាប់ និង របួសដោយសារតែអ្នកទាំងនោះបើកបរមិនគោរពច្បាប់ចរាចរណ៍។កន្លងមកសាខាក៍ធ្លាប់បានធ្វើការចែកចាយខិតបណ្ណ័អប់រំច្បាប់ចរាចរណ៍អស់រាប់រយសន្លឹក ដល់អ្នកបើកបរយានយន្តគ្រប់ប្រភេទរាប់រយនាក់ នៅវិមានឯករាជ្យក្នុងក្រុងកំពង់ឆ្នាំងរួច២ដងមកហើយដែរនាពេលថ្មីនេះ។
ដោយឡែកលោក ឈឹម សារុន នាយរងការិយាល័យនគរបាលចរាចរណ៍ផ្លូវគោកខេត្តកំពង់ឆ្នាំងបានអោយដឹងថា៖ការចុះប្រតិបត្តិការយប់នេះ គឺក្នុងគោលបំណងត្រួតពិនិត្យអ្នកបើកបររថយន្តនិង ម៉ូតូស្ថិតក្រោមឥទ្ធិពលនៃគ្រឿងស្រវឹង ព្រមទាំងអ្នកបើកម៉ូតូមិនពាក់មួកសុវត្ថិភាពនៅពេលយប់។ជាលទ្ធ ផលក្នុងការត្រួតពិនិត្យរយៈពេល១ម៉ោងចាប់ពីម៉ោង៧ទៅម៉ោង៨យប់ ឃើញថាអ្នកបើកបររថយន្ត និងម៉ូ តូទាំងអស់គឺសមត្ថកិច្ចរកមិនឃើញនូវសារជាតិស្រវឹងនៅលើពួកគេនោះទេ ប៉ុន្តែចំពោះអ្នកបើកបរម៉ូតូ បានពាក់មួកសុវត្ថិភាពមាន៣២% រីឯអ្នកមិនព្រមពាក់មួកសុវត្ថិភាពវិញមានរហូតដល់៦៨%ឯណោះ។
មតិប្រជាពលរដ្ឋបានលើកឡើងថា៖បច្ចុប្បន្នការផាកពិន័យក្នុងច្បាប់ចរាចរណ៍នៅមានកំរិតទាបនៅឡើយ ដូច្នេះបានធ្វើអោយអ្នកល្មើសច្បាប់ចរាចរណ៍មិនរៀងចាល គួបផ្សំនឹងការផ្សព្វផ្សាយនៅមានកំ រិតនៅឡើយ។ ជាហេតុបណ្តាលអោយកើតមានករណីគ្រោះថ្នាក់ចរាចរណ៍កើនឡើងពី១ឆ្នាំទៅ១ឆ្នាំគួរ អោយព្រួយបារម្ភ។
សាធារណៈជននិយាយថា៖ដើម្បីរួមគ្នាកាត់បន្ថយគ្រោះថ្នាក់ចរាចរណ៍អោយចុះថយមកកំរិតទាបនោះ ច្បាប់ចរាចរណ៍ថ្មីគួរត្រូវអនុម័តអោយបានឆាប់រហ័ស ដើម្បីផាកពិន័យអោយបានធ្ងន់ធ្ងរចំ ពោះអ្នក ល្មើសច្បាប់ចរាចរណ៍អោយមានការរៀងចាល ចំណែកការត្រួតពិនិត្យនិងរឹតបន្តឹងច្បាប់ចរាចរណ៍ គួរតែ ធ្វើអោយបានជាប្រចាំទើបជាការល្អប្រសើរ ៕
