បាត់ដំបង: មុខសញ្ញាចោរកម្មម្នាក់ដែលលួចយ៉ាងសកម្មនៅក្នុងមន្ទីរពេទ្យខេត្តត្រូវបានសមត្ថកិច្ចក្របួច
បានកាលពីព្រលប់ថ្ងៃទី 28-9-14 នៅនឹងផ្ទះមិត្តភក្តិស្ថិតក្នុងភូមិវត្តលៀប សង្កាត់ចំការសំរោង ក្រុង
បាត់ដំបង ខេត្តបាត់ដំបង បន្ទាប់ពីសមត្ថកិច្ចទទួលបានដិការបស់តុលាការដែលបង្គាប់អោយចាប់ខ្លួន
លេខ568 ចុះថ្ងៃទី12-11-13 ដោយចៅក្រម ទ្រី សុភ័ត រួចមក. ។
បើតាមការអះអាងពីសមត្ថកិច្ចបានអោយដឹងថា មុខសញ្ញានេះមានឈ្មោះ សាយ សុវឌ្ឍនា
ហៅ OK ភេទប្រុសអាយុ 25 ឆ្នាំ រស់នៅភូមិវត្តលៀប សង្កាត់ចំការសំរោង ក្រុងបាត់ដំបង 
ខេត្តបាត់ដំបង
ដែលកន្លងមកជននេះគឺជាមុខសញ្ញាលួចយ៉ាងសកម្មទាំងនៅតាមភូមិក៏ដូចជានៅមន្ទីរពេទ្យខេត្តដែរ
គឺលួចសាហាវជាទីបំផុតហើយលួចបានដោយសុវត្ថិភាពថែមទៀតផង. ។
យោងតាមពាក្យបណ្តឹងរបស់ជនរងគ្រោះដែលជាអ្នកជំងឺសំរាកក្នុងមន្ទីរពេទ្យខេត្ត ក្នុងបន្ទប់
នៃអាគារប្រជាជនបាននិយាយថា នៅថ្ងៃទី 27-9-13 ក្នុងពេលរំលងអធ្រាតគឺមានចោរបានគាស់ស្លាប
ព្រិលបង្អួចចំនួនពីរសន្លឹកហើយបើកគន្លឹះចួលតាមបង្អួចទៅលួចទ្រព្យសម្បត្តិមួយចំនួនដូចជា ខ្សែកមាស
ខ្សែដៃមាស និងប្រាក់មួយចំនួនដែលគេទុកនៅក្នុងកាបូបព្រមទាំងទូរស័ព្ទដៃម៉ាកអាយហ្វូ
នមួយគ្រឿង
ផងខណ:ដែលពយកគេកំពុងដេកលក់. ។
ដោយឡែកប្រភពមួយចំនួនក៏បានអះអាងដែរថា ជាញឹកញាប់នៅក្នុងមន្ទីរពេទ្យខេត្ត
បាត់ដំបងនាពេលកន្លងមកគេតែងតែឮបាត់នេះបាត់នោះឥតឈប់ឈរ ទោះបីជាថ្មីៗនេះក៏នៅតែលេចឮ
ពាក្យនេះដដែល វាហាក់បីដូចសមត្ថកិច្ចអន់ពេកបានជាមានសកម្មភាពចោរកម្មកើតឡើងបែបនេះ. ។
ក្រោយពីទទួលបានដិការបង្គាប់អោយចាប់ខ្លួនហើយសមត្ថកិច្ចបានព្យាយាមស្វះស្វែង
តាមរកមុខសញ្ញានេះរហូតឈានដល់ការឃាត់ខ្លួនតែម្តងដើម្បីរៀបចំឯកសារនិងបញ្ជូនខ្លួនជនសង្ស័យ
ទៅកាន់សាលាដំបូងខេត្តតាមដិកាបង្គាប់របស់តុលាការនិងចាត់ការទៅតាមផ្លូវច្បាប់. ៕ប៊ុនរិទ្ធី
