(កំពង់ធំ)÷ ស្រុកតាំងគោក ជាស្រុកមួយក្នុងចំណោមក្រុងស្រុកទាំង៩ នៃខេត្តកំពង់ធំ ដែលបង្កើតឡើងតាមអនុក្រឹត្យ លេខ ០៥ អនក្រ.បក ចុះថ្ងៃទី០៨ ខែមករា ឆ្នាំ២០១៩ និងដាក់ឲ្យដំណើរការរដ្ឋបាលនៅថ្ងៃទី២០ ខែមិថុនា ឆ្នាំ២០១៩ ស្រុកមាន៨ឃុំ ស្មើនឹង ៩១ភូមិ។
មានប្រជាពលរដ្ឋសរុប ៨៤.០០៨ នាក់ ស្រី ៤៣.១៤០នាក់ អាយុ១៨ឆ្នាំឡើងចំនួន៥៤.៨៥៩នាក់ ស្រី ២៨.១២៥នាក់ មានចំនួនខ្នងផ្ទះ១៦.៥៩០ខ្នងផ្ទះ ស្មើនឹង ១៧.៩៩០គ្រួសារ។ រដ្ឋបាលស្រុកមានអគាររដ្ឋបាលចំនួន១ខ្ទង់ មាន០៩បន្ទប់ និងអគារច្រកចេញចូលតែមួយ ចំនួន១។
ជាក់ស្តែងនៅថ្ងៃទី២៥ ខែមករា ឆ្នាំ២០២៣ រដ្ឋបាលស្រុកតាំងគោកបានប្រារព្ធពិធីប្រគល់និងទទួលផ្លាកសញ្ញាបង្ហាញទីតាំងសាលាស្រុកតាំងគោក ដែលជាអំណោយព្រះគ្រូ តុន ពិសី ព្រះចៅអធិការវត្តគុហនគរ ដែលចំណាយថវិកាអស់ ១២.៧៧១.៥០០រៀល ដល់រដ្ឋបាលស្រុកសម្រាប់ជាគុណប្រយោជន៍ដល់សាធារណ:ជនទូទៅ។
ក្នុងឱកាសនោះដែរលោក ហាក់ ម៉ុងហួត អភិបាលស្រុកតាំងគោក ថ្លែងអំណរព្រះគុណដល់ព្រះគ្រូដែលបានចូលរួមផ្តល់ជាអំណោយដ៏មានតម្លៃមួយនេះសម្រាប់ជាប្រយោជន៏ដល់សាធារណ:ជន។ លេីសពីនេះទៅទៀត ព្រះអង្គតែងតែជួយចូលរួមសកម្មភាពសង្គមរហូតមកមិនត្រឹមតែជួយកសាងផ្លាកសញ្ញាស្រុកតាំងតាតាំងគោនោះទេ ប៉ុន្តែព្រះអង្គតែងតែជួយចូមរួមអភិវឌ្ឍទ្រព្យសម្បត្តិសាធារណៈដូចជាផ្លូវថ្នល់ សាលារៀន បង្គោលភ្លើង ព្រមទាំងជួយដល់ប្រជាជនដែលខ្វះខាតថែមទៀតផង។
ជាចុងក្រោយ លោកអភិបាលស្រុកតគោល ក៏បានសំណូមពរឲ្យមន្រ្ដីក្រោមឱវាទទាំងអស់ចូលរួមបំពេញតួនាទីក្នុងការបម្រេីប្រជាពលរដ្ឋដែលមករកសេវាឲ្យបានដិតដល់ និងដោយការគោរពពេលវេលាឲ្យបានត្រឹមត្រូវ។ សូមចូលរួមផ្សព្វផ្សាយពីភូមិឃុំមានសុវត្ថិភាពដល់បងប្អូនប្រជាពលរដ្ឋនៅក្នុងមូលដ្ឋាន និងបង្ក្រាបទប់ស្កាត់បទល្មើសផ្សេងៗ ។
សូមបញ្ជាក់ផងដែរថាអគាររដ្ឋបាលស្រុកតាំងគោកស្ថិតនៅភូមិថ្លា ឃុំច្រនាង ស្រុកតាំងគោក ខេត្តកំពង់ធំ៕
