កំពង់ចាម ៖ កម្លាំងអធិការនគរបាលស្រុកព្រៃឈរ បានឃាត់ខ្លួនជនសង្ស័យម្នាក់ជួញដូរគ្រឿងញៀន នៅល្ងាចថ្ងៃទី២៦ ខែកញ្ញា ឆ្នាំ២០១៤ ចំណុចភូមិមៀន ឃុំមៀន ស្រុកព្រៃឈរ ។
លោក វរៈសេនីយ៍ទោ សោម រស់ នាយការិយាល័យនគរបាលប្រឆាំងគ្រឿងញៀនបានឲ្យដឹងថា កម្លាំងជំនាញនគរបាលស្រុកព្រៃឈរបានចុះត្រួតពិនិត្យ ករណីគ្រោះថ្នាក់ច រាចរមួយករណីដោយឈ្មោះ ថៃ ប៊ុនឡុង ភេទប្រុស អាយុ២០ឆ្នាំ រស់នៅភូមិខ្វាវ ឃុំត្រពាំងព្រះ ស្រុកព្រៃឈរ ខេត្តកំពង់ចាម បើកបរម៉ូតូ ម៉ាកទ្រីមសេ១២៥ ទៅបុកនឹងអ្នកជិះកង់ពេលនោះ
សមត្ថកិច្ចបានទៅដល់រកឃើញថ្នាំញៀនក្រាមពណ៌សចំនួន១កញ្ចប់ និងដកហូតម៉ូតូម៉ាកទ្រីមនោះតែម្តង ។
លោកនាយការិយាល័យបានបញ្ជាក់ទៀតថា ជនសង្ស័យ និងវត្ថុតាង ត្រូវកម្លាំងជំនាញកសាងសំណុំរឿងបញ្ជូនទៅតុលាការចាត់ការទៅតាមនិតិវិធី ៕
