លោក Nguyen Van Tuan អគ្គនាយករដ្ឋបាលទេសចរណ៍ជាតិវៀតណាម ដែលស្ថិតក្រោមក្រសួងវប្បធម៌ កីឡា និងទេសចរណ៍បានឱ្យដឹងថា វៀតណាមបានរំពឹងថា នឹងទទួលបានភ្ញៀវអន្ដរជាតិប្រមាណជា៦.០៦២លាននាក់នៅក្នុង រយៈពេល៩ខែដំបូងនៃឆ្នាំ២០១៤នេះ ពោលកើនឡើង១០,៤២ភាគរយធៀប នឹងរយៈពេលដូចគ្នាកាលពីឆ្នាំមុន ។
ដោយយោង ទៅតាមការិយាល័យ ស្ថិតិទូទៅរបស់វៀតណាមបានឱ្យដឹងថា ក្នុងចំណោមភ្ញៀវទេសចរមកកាន់ប្រទេស វៀតណាមក្នុងរយៈពេល៩ខែនេះមានភ្ញៀវ ទេសចរចំនួន៣,៦៥លាននាក់មកធ្វើ ទស្សនកិច្ចក្នុងនាមជាអ្នកធ្វើដំណើរកម្សាន្ដ ពោលគឺកើនឡើង៨,៨ភាគរយ។ ភ្ញៀវទេសចរប្រហែលជា១,០១លាននាក់មកធ្វើទស្សនកិច្ចក្នុងនាមជា ពាណិជ្ជករនិងចំនួន១,០៤លាននាក់មកសួរសុខទុកបងប្អូន ។
ប្រទេស ចិន កូរ៉េខាងត្បូង ជប៉ុន សហរដ្ឋអាមេរិក តៃវ៉ាន់ កម្ពុជា និង រុស្ស៊ីគឺជាប្រភពនៃភ្ញៀវទេសចរដ៏ច្រើនបំផុតដែលមកប្រទេសវៀតណាម ក្នុង រយៈពេលនេះ ។
ការិយាល័យ ស្ថិតិបានឱ្យដឹងទៀតថា ចាប់ពីខែមករាដល់ខែកញ្ញានេះប្រទេសនេះបានស្វាគមន៍ភ្ញៀវទេសចរពី ប្រទេសចិនចំនួន១,៥៤លាននាក់(កើនឡើង ១៣,៥ភាគរយ) ប្រទេសកូរ៉េខាងត្បូង ចំនួន៦១៨.៥០០នាក់(កើនឡើង ១០ ភាគរយ) ប្រទេសជប៉ុនចំនួន៤៨៦. ៤០០នាក់(កើនឡើង៨,១ភាគរយ)។
ដោយយោង ទៅតាមលោក Tuan បានឱ្យដឹងទៀតថា ចំនួនភ្ញៀវក្នុងស្រុក ក្នុងរយៈពេល៩ខែនេះត្រូវបានគេប៉ាន់ ស្មានថានឹងឈានដល់៣២,៤លាននាក់ ពោលគឺកើនឡើង៧្ប៦ភាគរយបើធៀបនឹងរយៈពេលដូចគ្នាកាលពីឆ្នាំមុន ។
ខណៈនោះ ដែរចំណូលសរុបពីភ្ញៀវ ទេសចរវៀតណាមចាប់ពីខែមករាដល់ ខែកញ្ញានេះត្រូវបានគេប៉ាន់ស្មានថា នឹង ឈានដល់ចំនួន៨,៤៨ពាន់លានដុល្លារសហរដ្ឋអាមេរិក ពោលគឺកើនឡើង ១៩,២៤ភាគរយធៀបនឹងរយៈពេលដូចគ្នាកាលពីឆ្នាំមុន ។
នៅក្នុង ទីក្រុងហាណូយក្នុងរយៈពេល ៩ខែនេះមានភ្ញៀវទេសចរណ៍អន្ដរជាតិ ប្រហែលជា១,៥លាននាក់បានមកធ្វើ ទស្សនកិច្ចក្នុងទីក្រុងនេះ ពោលគឺកើន ឡើង១៧,១ភាគរយធៀបនឹងរយៈពេលដូចគ្នាកាលពីឆ្នាំមុន ៕
