នៅថ្ងៃទី២៩ខែកញ្ញារដ្ឋមន្ត្រីការបរទេសស៊ីរីលោកWalid Muallem បានប្រកាស់ឲ្យដឹងថា គម្រោងវាយប្រហាររបស់អាមេរិកទៅក្រុមលើក្រុមអ៊ិស្លាមបង្កើតរដ្ឋIS នៅក្នុងប្រទេសអ៊ីរ៉ាក់អូសបន្លាយរយៈពេល៣ឆ្នាំ។ ចំណែកភាគីស៊ីរីមិនយលព្រមឲ្យអាមេរិកវាយប្រហារនៅក្នុងប្រទេសរបស់ខ្លួននោះឡើយ។
កាលពីថ្ងៃទី២២ខែកញ្ញាកន្លងមកយន្តហោះចម្បាំងអាមេរិកនៅប្រទេសសហគមន៍អារ៉ាបបានបើកការវាយប្រហារទៅលើក្រុមIS ប្រទេសនៅក្នុងប្រទេសស៊ីរី។រដ្ឋមន្ត្រីការពារជាតិអាមេរិកលោកChuck Hagel បាប្រកាស់ឲ្យដឹងថាយន្តហោះចម្បាំងអាមេរិកបានបើកការវាយប្រហារ៤៣លើកទៅលើគោលដៅនានារបស់ក្រុមអ៊ិស្លាមនៅក្នុងទឹកដីស៊ីរី។
តាមអង្គការខ្លមមើលសិទ្ធិមនុស្សនៅស៊ីរីដែលមានទីតាំងនៅក្នុងប្រទេសអង់គ្លេសបានឲ្យដឹងថា កាលពីថ្ងៃទី២៨ខែកញ្ញាយន្តហោះចម្បាំងអាមេរិកបានវាយប្រហារទម្លាក់គ្រាប់ទៅលើទីតាំងក្រុមIS នៅទីក្រុមHoms និងRaqqa។ក្នុងថ្ងៃជាមួយគ្នានោះដែរទីព្រឹក្សាសន្តិសុខជាតិអាមេរិកលោកស្រី ស៊ូសានរ៉ាយ បានប្រកាស់ថាអាមេរិកនឹងជួយដល់ក្រុមបះបោរសីរីនៅក្នុងសង្គ្រាមវាយប្រហារទៅលើក្រុមIS ហើយហ្វឹកហ្វឺនដល់កម្លាំងទាហានបះបោរសីរីជាង៥ពាន់នាក់។
នៅក្នុងព្រឹត្តិការមួយផ្សេងទៀតដែលពាក់ព័ន្ធនោះដែរ មេបញ្ចាការកងទ័ពអ៊ីរ៉ងនាយឧត្តមសេនីAhmad Reza Borstan បានប្រកាស់ថាទាហានអ៊ីរ៉ងនឹងបើកការវាយប្រហារទៅលើក្រុមIS នៅក្នុងទឹកដីអ៊ីរ៉ាក់ ប្រសិនបើក្រុមISឆ្ពោះមកកាន់ព្រំដែនប្រទេសអ៊ីរ៉ង។ កន្លងមកអ៊ីរ៉ងក៏បានថ្កោលទោសដល់អាមេរិកដែលបើកការវាយប្រហារនៅក្នុងប្រទេសស៊ីរី ដោយចាត់ទុកថាជាការឈ្លានពានអធិបតេយ្យភាពរបស់ស៊ីរី។
រដ្ឋាភិបាលស៊ីរីដឹកនាំដោយលោកបាសាអាលអាសាដបង្ហាញការព្រួយបារម្ភយ៉ាងខ្លាំងពីការ
វាយប្រហារបស់អាមេរិក ក៏ដូចជាបណ្តុះបណ្តាលក្រុមបះបោរ ដោយគោលដៅវាយប្រហារនោះអាចសម្តៅទៅលើទាហានរដ្ឋាភិបាលស៊ីរី ក្នុងការផ្តួលរំលំរដ្ឋាភិបាលលោកអាលអាសាដដោយយកលេសវាយប្រហារក្រុមIS ។
ក្រុមអ្នកវិភាគក៏យលឃើញដូច្នោះដែរ អាមេរិកមានបំណងផ្តួលរំលំលោកអាលអាសាដតាំងពីជាង៣ឆ្នាំមុនមកម្លោះតែត្រូវរារាំងអត់ឈប់ឈរពីប្រទេសរុស្ស៊ីនិងចិន។ ពេលនោះកម្លាំងទាហានអាកាស់អាមេរិកក៏មិនអាចចូលទៅដែនអាកាស់ស៊ីរីដូចជាពេលនេះដែរ ដោយខ្លាចរងការបាញ់ទម្លាក់ពីប្រព័ន្ធការពារដែនអាកាស់ដ៏ទំនើប។ ប៉ុន្តែពេលនេះអាមេរិកបានគម្រាមដល់ កម្លាំងការពារដែនអាកាស់របស់អ៊ីរ៉ងថា មិនត្រូវមានសកម្មភាពបាញ់ប្រហារទៅលើយន្តហោះចម្បាំងអាមេរិកនោះឡើយ ដោយសារតែនេះជាកតព្វកិច្ចរួមរបស់ពិភពលោកក្នុងការកម្ចាស់ ភេរវកម្មពិភពលោកមួយនេះ។
ក្រុម IS មិនត្រឹមតែគម្រាមអាមេរិកនិងលោកខាលិចប៉ុណ្ណោះទេ សូម្បីតែរុស្ស៊ី ចិន អ៊ីរ៉ងក៏គម្រាមកំហែងដូចគ្នា។ ដូច្នេះបើប្រទេសណាមួយរារាំងសកម្មភាពវាយប្រហារដែលដឹកនាំដោយអាមេរិកនោះប្រទេសនោះនឹងត្រូវទទួលខុសត្រូវទាំងស្រុងនាពេលអនាគត់ ពីការរីករាលដាលនៃក្រុមIS។
ការវាយប្រហាររបស់អាមេរិកគឺត្រូវចំណាយរយៈពេលយូ ហើយ ត្រូវចំណាយប្រាក់យ៉ាងច្រើននៅក្នុងសង្គ្រាមនោះទៀតផង។តាម របាយការណ៍មួយបានបង្ហាញឱ្យឃើញថា ក្នុងសង្គ្រាមវាយប្រហារនោះ អាមេរិកត្រូវចំណាយប្រាក់ជាច្រើន ពោលគឺ១វិនាទី អាមេរិកត្រូវចំណាយយ៉ាងតិច៨៧ដុល្លារសម្រាប់ការវាយប្រហារទាំងនោះ ។ ចំនួនទាំងនោះអាចនឹងកើនឡើងជាបន្ដទៀត ប្រសិនបើពលរដ្ឋអាមេរិកគាំទ្រឱ្យពង្រីកការវាយប្រហារជា ទ្រង់ទ្រាយធំទៅលើក្រុមអ៊ិស្លាមបង្កើតរដ្ឋ(IS) ។
ក្នុងការ វាយប្រហារតាមដែនអាកាស ជាលើកដំបូងកាលពីដើមសបា្ដហ៍នេះ អាមេរិកបានប្រើប្រាស់កាំជ្រួចមីស៊ីល ប្រភេទ Toma hawk ដល់ទៅ៤៧ដើម ដោយក្នុងមួយដើមមានតម្លៃ ១,៥៩លានដុល្លារ ។ កាំជ្រួចមីស៊ីលនោះបានបាញ់ចេញពីនាវាចម្បាំង USS arleigh burke ដែលកំពុងតែឈរជើងនៅតំបន់ ឈូងសមុទ្រអារ៉ាប់ ។
ការវាយប្រហារនោះដោយមានការចូលរួមពីយន្ដហោះ ចម្បាំងបំបាំងកាយជំនាន់ទី៥ F-22 ផងដែរ ។ ការប្រើប្រាស់យន្ដហោះនោះគឺ ត្រូវចំណាយប្រាក់យ៉ាងតិច៦៧ពាន់ ដុល្លារក្នុងមួយម៉ោង ។ក្នុង រយៈពេល៣ថ្ងៃដែលអាមេរិក វាយប្រហារកម្លាំងទាហានអាមេរិក បានសម្លាប់ក្រុមឧទ្ទាមអ៊ិដស្លាមIS៧០នាក់ និងបំផ្លាញទីតាំងចម្រាញ់ប្រេងជាច្រើនកន្លែងរបស់ក្រុមIS នៅក្នុងប្រទេសស៊ីរី ។
ដោយសារតែ ការចំណាយយ៉ាងច្រើន សម្រាប់សង្គ្រាមវាយប្រហារទៅលើក្រុមអ៊ិស្លាមបង្កើតរដ្ឋ ពលរដ្ឋអង់គ្លេស បាននាំគ្នាដង្ហែក្បួនបាតុកម្មប្រឆាំងនឹង ការចូលរួមវាយប្រហារពីកម្លាំងទាហានអង់គ្លេស ក្រោយពេលនាយករដ្ឋមន្ដ្រី លោកដេវីដ កាមរ៉ុន ប្រកាសថា អង់គ្លេសបានត្រៀមលក្ខណៈចូលរួមក្នុងសង្គ្រាមនោះ ។នាយក រដ្ឋមន្ដ្រីអង់គ្លេសបានប្រកាស នៅក្នុងមហាសន្និបាតអង្គការសហប្រជាជាជាតិថា ក្រុម IS ជាគ្រោះថ្នាក់ដល់ ពិភពលោកទាំងមូល ដូច្នេះពិភពលោក ត្រូវតែសហការរួមកម្លាំងកម្ចាត់ក្រុមនោះចេញ ។
ក្រុម សម្ពន្ធមិត្ដប្រឆាំងការធ្វើសង្គ្រាម នៅក្នុងប្រទេសអង់គ្លេសបាននាំគ្នា ដង្ហែក្បួនបាតុកម្មទាមទាររដ្ឋាភិបាល លុបចោលគម្រោងចូលរួមនឹងសកម្ម ភាពវាយប្រហារទាំងនោះ ។ ការវាយប្រហារនោះមិនអាចរារាំងសកម្មភាព របស់ក្រុមIS នោះឡើយ ហើយធ្វើឱ្យពួកគេកាន់តែសាហាវ និងត្រូវខាតបង់ទ្រព្យសម្បត្ដិជាច្រើននៅក្នុងសង្គ្រាមនោះ ។
រដ្ឋាភិបាលអង់គ្លេសនឹងមិនចូលរួម វាយប្រហារនៅក្នុងប្រទេសស៊ីរីនោះឡើយ ដោយមិនទទួលបានការគាំទ្រពី ប្រធានាធិបតីស៊ីរីបាសា អាល់អាសាដ ប៉ុន្ដែលោកកាមរ៉ុន នឹងបញ្ជូនទាហាន វាយប្រហារក្រុមIS នៅប្រទេសអ៊ីរ៉ាក់វិញ ៕
