នាយករដ្ឋមន្ត្រីថៃ លោក ប្រាយុទ្ធ ចាន់ អូឆា បាននិយាយនៅមុនពេល ទៅចូលរួមប្រជុំ សហគមន៍សេដ្ឋកិច្ចអាស៊ានដោយសន្យាថា នឹងបញ្ចប់អំពើហិង្សា នៅតាមបណ្តាខេត្តភាគខាងត្បូង ប្រទេសថៃ រយៈពេលមួយឆ្នាំ គឺនៅឆ្នាំ២០១៥ ។
ទីភ្នាក់ងារព័ត៌មានចិន ស៊ិនហួ ចេញផ្សាយ នៅថ្ងៃចន្ទ ទី២៩ ខែកញ្ញា ឆ្នាំ២០១៤ថា ការថ្លែងអះអាង របស់លោក ប្រាយុទ្ធ នេះ បានធ្វើឡើងបន្ទាប់ពីបញ្ជូនសារ លាចុងក្រោយ ជាមេបញ្ជាការកងទ័ព នៅ មូលដ្ឋានទ័ពនៃខេត្ត ណាក់ខន ស៊ី កាលពីថ្ងៃអាទិត្យ ។
លោកថ្លែងថា រដ្ឋាភិបាល ត្រូវតែបញ្ចប់អំពើហិង្សា នៅខេត្តភាគខាងត្បូង មុនពេលដែល
ប្រទេសចូល រួមសហគមន៍ក្នុងតំបន់ ហើយប្រជាជនប្រទេសផ្សេងទៀត នឹងចាប់ផ្តើមធ្វើដំណើរមកប្រទេសថៃ។ រដ្ឋា ភិបាលសង្កត់ធ្ងន់បន្ថែមទៀត លើការចរចា ដើម្បីសម្រេចឲ្យបាននូវសន្តិភាពយូរអង្វែងនេះ។នាយករដ្ឋមន្ត្រីថៃរូបនេះ បន្ថែមថា កិច្ចពិភាក្សាសន្តិភាព ត្រូវតែបញ្ជូលទាំងអ្នកពាក់ព័ន្ធជាច្រើន នៅក្នុង ជម្លោះ ហើយវានឹងចាប់ផ្តើមចរចា ជាថ្មីម្តងទៀត ជាមួយនឹងដំណើរការល្អ ៕
