ស្ដ្រីអ្នកនយោបាយជើងចាស់ឥណ្ឌា ១រូប គឺលោកស្រី Jayaram Jayalalitha ត្រូវបានតុលាការវិនិច្ឆ័យទោសឱ្យជាប់ ពន្ធនាគាររយៈពេល៤ឆ្នាំ បន្ទាប់ពីបាន រកឃើញថា លោកស្រីបានប្រព្រឹត្ដអំពើ ពុករលួយក្នុងទំហំទឹកប្រាក់យ៉ាងច្រើន ក្រាស់ក្រែលរយៈពេល១៨ឆ្នាំកន្លងមក ហើយកាលពីលោកស្រីនៅមានតួនាទី និងសិទ្ធិអំណាច ។លោកស្រីJayaram Jayalalitha អតីត ជាអ្នកដឹកនាំប្រចាំនៅភាគខាងត្បូងរដ្ឋ Tamil Nadu ត្រូវបានរកឃើញកំហុស ថា បានប្រព្រឹត្ដអំពើពុករលួយក្នុងទំហំ ទឹកប្រាក់រហូតដល់១០លានដុល្លារ។
លោកស្រី Jayaram Jayalalitha ត្រូវ តុលាការបញ្ជាឱ្យបង់ប្រាក់ពិន័យ១០ លានរ៉ូពី(ប្រាក់ឥណ្ឌា) និងដកហូតតួនាទី ទាំងស្រុង ។សវនាការរបស់លោកស្រី Jayaram Jayalalitha ដែលជាអតីតធ្លាប់ជាតួកុន ឥណ្ឌានេះធ្វើឡើងដោយតុលាការ ពិសេសស្ថិតនៅតំបន់Bangaloreក្រោម ការយាមកាមសន្ដិសុខយ៉ាងតឹងរ៉ឹង ។
ក្រៅពីនេះតុលាការនៅបានចោទ ប្រកាន់មនុស្ស៣នាក់ផ្សេងទៀតដែល ពាក់ព័ន្ធ។ លោកស្រីJayalalithaត្រូវ កាត់ទោសនិងអនុវត្ដទោសភ្លាមៗហើយ ត្រូវបញ្ជូនទៅកាន់ពន្ធនាគារParappana Agraharaស្ថិតនៅក្នុងតំបន់Bangalore ប្រទេសឥណ្ឌា ។
