អ្នកចាំទី Joe Hart បាននិយាយថា រូបគេនិងមិត្តរួមក្រុម Manchester City នឹងយកជ័យជម្នះឲ្យបាន លើក្លិបចចកព្រៃ Roma សម្រាប់ការប្រកួត Champions League នៅយប់នេះ ។
ក្រុមរបស់លោក Manuel Pellegrini បានប្រកួតចាញ់ Bayern Munich ១-០ សម្រាប់ការប្រកួតបើកឆាក វគ្គចែកពូល ចំណែក Roma បានបំបាក់ក្លិប CSKA Moscow ៥-១ នៅក្នុងពូល E ។Hart និយាយប្រាប់អ្នកសារព័ត៌មានថា “យើងពិតជាសោកស្តាយចំពោះលទ្ធផលកាលពីប្រកួតជាមួយ Bayern Munich នៅប្រទេសអាល្លឺម៉ង់ ប៉ុន្តែនៅយប់នេះ Man City ពិតជាឈ្នះនៅក្នុងផ្ទះ ហើយកីឡាករក្នុងក្រុមទាំងអស់ ត្រៀមខ្លួនបានយ៉ាងល្អ និងប្តេជ្ញាយក៣ពិន្ទុពី Roma ឲ្យបាន” ។គួរបញ្ជាក់ថា Manchester City នឹងត្រូវប្រកួតជាមួយ Roma នៅម៉ោង១:៤៥នាទីរំលងអាធ្រាត ៕
