បាត់ដំបង: ជនរងគ្រោះចំនួន3 នាក់កំពុងស្ថិតក្នុងសភាពធ្ងន់ធ្ងរដោយបាក់ជើងទាំងអស់គ្នាខណ:ដែល
កំពុងជិះម៉ូតូតាមដងផ្លូវត្រង់ចំនុចខាងមុខបញ្ជាការដ្ឋានភូមិភាគ5 ប្រចាំទិសសំឡូត ស្ថិតក្នុងភូមិអូរស្ងួត
ឃុំតាសាញ ស្រុកសំឡូត ខេត្តបាត់ដំបង កាលពីវេលាម៉ោង 3-40 នាទីនាថ្ងៃទី 26-9-14 ស្រាប់តែ
មានរថយន្តមួយគ្រឿងបានបើកបរយ៉ាងលឿនមកបុកពីក្រោយពេញទំហុឹងតែម្តង. ។
បើតាមការអះអាងពីលោក កោ ស៊ុនកាំង អធិការរងស្រុកសំឡូតបានអោយដឹងថា នៅមុន
ពេលកើតហេតុគឺមានម៉ូតូមួយគ្រឿងម៉ាក Dream ព៌ណខ្មៅជិះគ្នា 3 នាក់ដោយក្នុងនោះមាននារីជំទង់
ម្នាក់ផងបានធ្វើដំណើរក្នុងទិសដៅពីកើតទៅលិចដោយប្រើប្រាស់ល្បឿនធម្មតា. ។
លោកអធិការរងបានបន្តថា លុះទៅដល់ចំនុចកើតហេតុខាងលើស្រាប់តែមានរថយន្តមួយ
គ្រឿងម៉ាកកាមរីឆ្លាមព៌ណខ្មៅ ពាក់ស្លាកលេខ សៀមរាប 2A 0421 បានបើកបរយ៉ាងលឿនក្នុងទិសដៅ
ស្របគ្នា ហើយបានបុកចំពេញពីក្រោយយ៉ាងពេញទំហុឹងបណ្តាលអោយអ្នកជិះម៉ូតូទាំង 3 នាក់ហោះ
ផ្លោងពេញផ្លូវព្រមទាំងបាក់ជើងទាំងអស់គ្នាដោយខ្លះស្ថិតក្នុងដង្ហើមចង្រិតថែមទៀតផង. ។
ដោយឡែក
អ្នកបើកបររថយន្តក៏គ្រោះថ្នាក់ធ្ងន់ធ្ងរដែរព្រោះមានឈាមហូរចេញតាមត្រចៀកផងដែលចាំបាច់តំរូវអោយ
សមត្ថកិច្ចដឹកបញ្ជូនអ្នករងរបួសទាំងអស់ទៅសង្គ្រោះនៅឯមន្ទីរពេទ្យសិន. ។
រហូតដល់ពេលនេះអត្តសញ្ញាណជនទាំង 4 នាក់នៅមិនទាន់ដឹងនៅឡើយដោយគ្រាន់តែ
ដឹងថាអ្នកបើកបររថយន្តស្ថិតក្នុងសភាពស្រវុឹងយ៉ាងខ្លាំងផងទើបបើកបរខ្វះការប្រុងប្រយ័ត្នបែបនេះ. ។បច្ចុប្បន្នមធ្យោបាយធ្វើដំណើរទាំងអស់ត្រូវបានសមត្ថកិច្ចនាំយកទៅរក្សាទុកនៅអធិការដ្ឋានដើម្បីត្រួត
ពិនិត្យ និងធ្វើការដោះស្រាយជាក្រោយ. ៕
និយមរ័ត្ន
