ខេត្តស្វាយរៀង៖មានកម្មករកម្មការនីរោងចក្រប៉ាន់ឡជាង២០០នាក់បាននាំគ្នាធ្វើកូដកម្មដើម្បីទាមទាលក្ខណ្ឌ័ចំនួន០៩ចំណុចដែលក្រុមកម្មករកម្មការនីចោទប្រកាន់ថា ភាគីក្រុមហ៊ុនរំលោភលើកិច្ចសន្យា។ ការធ្វើកូដកម្មនេះកើតឡើងកាលពីថ្ងៃទី៣០កញ្ញា២០១៤វេលាម៉ោង៨•០០ព្រឹកនៅមុខរោងចក្រប៉ាន់ឡផលិតសម្លៀក
បំពាក់ស្ថិតនៅភូមិស្រម៉ឃុំខ្សែត្រស្រុកកំពង់រោទ៌។ 
បើតាមតំណាងកម្មករបានឲ្យដឹងថាមូលហេតុនាំឲ្យកម្មករកម្មារនីធ្វើកូដកម្មនេះបណ្តាលមកពីថៅកែក្រុមហ៊ុនរំលោភលើកិច្ចសន្យានិងខ្វះការទទួលខុសត្រូវ។ហើយក្រុមកម្មករធ្វើកូដកម្មនេះទាមទាលក្ខណ្ឌ័០៩ចំណុច១;សូមឱ្យក្រុមហ៊ុនតម្លើងប្រាក់បន្ថែមតម្លៃឡូក្នុងមួយឡូ០៧កាក់២;សុំប្រាក់បន្ថែមម៉ោង០៩ដុល្លា៣;សូមបើកប្រាក់ខែឲ្យទៀងទាត់រាល់ខែ ៤; ផ្តល់ទឹកសុទ្ធឲ្យកម្មករនិយោជិតហូបពេលធ្វើការ៥;មានគ្រូពេទ្យប្រចាំរោងចក្រ៦;ធ្វើរោងកន្លែងហូបបាយ៧;កន្លែងផ្ញើម៉ូតូកង់៨;ក្រុមហ៊ុនត្រូវផ្គត់ផ្គង់ក្រណាត់និងសម្ភារៈផលិតសម្លៀកបំពាក់ឲ្យគ្រប់គ្រាន់សម្រាប់កម្មការនីដេររាល់ខែ៩;បើករណីក្រុមហ៊ុនគ្មានក្រណាត់ឲ្យកម្មការនីធ្វើការ
ក្រុមហ៊ុនត្រូវគិតប្រាក់ខែឲ្យកម្មការនីប្តូរការដេ យកប៊ុង។
បើតាមលោកជិនឈាអភិបាលរងស្រុកកំពង់រោទ៌បានឲ្យដឹងថារោងចក្រប៉ាន់ឡនេះ បានបង្កើតជិត០៣ឆ្នាំមកហើយដែលជារោងចក្រខ្នាតតូច មានកម្មករកម្មការនីប្រមាណជា២០០នាក់ទៅ ៣០០បុណ្ណោះបម្រើការងារកាត់ដេសម្លៀកបំពាក់ និងចាក់អាវរងារហើយបុន្មានខែចុងក្រោយនេះឃើញថាក្រុមហ៊ុនខ្វះការផ្គត់ផ្គង់ក្រណាត់ឲ្យកម្មការនីកាត់ដេ សំលៀកបំពាក់មានការនាំចូលផលិតផល់រអាក់រអួលថ្ងៃខ្លះគ្មានអ្វីឲ្យកម្មការនីធ្វើដូច្នេះ ក្រុមកម្មការនីសុំប្តូរពីដេយកប៊ុងមកជាប្រាក់ខែវិញនិងខែខ្លះ មានការងារច្រើនត្រូវថែមម៉ោងកម្មការនីសុំប្រាក់បន្ថែមម៉ោង៩
ដុល្លា។លោកអភិបាលរងស្រុកបន្តទៀតថាដោយសារការរអាក់រអួលការងារនិងមិនទាន់ត្រូវតាមស្តង់ដានេះធ្វើឲ្យមានបញ្ហានាំឲ្យ ក្រុមកម្មការនីធ្វើកូដកម្មជារៀងរាល់ខែដោះស្រាយមិនចេះចប់។មូលហេតុក្រុមហ៊ុនប៉ាន់ឡនេះ ជាជនជាតិចិនទទួលការងារបន្តពីក្រុមហ៊ុនផ្សេង ទើបមានការរអាក់រអួល និងខ្វះខាតទុនបង្វិលមិនទាន់ទើប មានបញ្ហាទូស្បី ជាយ៉ាងណាអាជ្ញាធរព្យាយាមសម្របសម្រួលជាមួយតំណាងក្រុមហ៊ុននិងតំណាងកម្មករកម្មការនីដើម្បីដោះស្រាយនិងមានការយោគយល់គ្នាលទ្ធផល់ចាំផ្តល់នៅពេលក្រោយ។
