ខេត្តស្ទឹងត្រែង គឺជាខេត្តមួយពួកឧក្រិត្តជន យកធ្វើជាគោលដៅសំរាប់ចរាចរណ៍ និងដឹកសាធាតុញៀន ពីតំបន់ត្រីកោណមាស ឆ្លងកាតប្រទេសទ្បាវ ចូលតាមច្រករបែងក្នុងទឹកដីប្រទេសកម្ពុជា ហើយការដឹកជញ្ជូនគ្រឿងញៀនទាំងអស់នេះ ត្រូវបានសមត្ថកិច្ចជំនាញក្នុងខេត្តស្ទឹងត្រែង និងសមត្ថកច្ចជំនាញនៅតាមបណ្តាខេត្តផ្សេងៗមួយចំនួនទៀតធ្វើការបង្ក្រាប់ ។
ហើយនៅក្នុងរយៈពេលកន្លងមកនេះ ពួកឧក្រិត្តជនជួញដូរគ្រឿងញៀន តែងតែប្រើមធ្យោបាយដឹកជញ្ជូនផលិតផលសារធាតុញៀនទាំងនេះ ចូលមកទឹកដីកម្ពុជាច្រកផ្លូវទឹក ក៏ដូចជាផ្លូវគោក ត្រង់ចំណុងព្រំប្រទល់កម្ពុជា-ទ្បាវ រីឯសារធាតុញៀនមួយចំនួនទៀត ពួក
ជនល្មើសបានចែកចាញ និងបានប្រើប្រាស់នៅនិងកន្លែង និងមួយចំនួនទៀតពួកជនល្មើស បានយកទៅចែកចាញនៅតាមបណ្តាខេត្តមួយចំនួនទៀតក្នុងប្រទេសកម្ពុជា ដូចជា ខេត្តរតនគិរី និងខេត្តព្រះវិហារ ហើយបន្តទៅលក់នៅទីផ្សារធំៗនៅទីក្រុងភ្នំពេញ ។
បទល្មើសសារធាតុញៀន ដែលសមត្ថិច្ច នគរបាលប្រឆាំងគ្រឿងញៀន ខេត្តស្ទឹងត្រែង បង្ក្រាប់បាននោះ គឺជាប្រភេទ មេតម់វីតាមីន និងមួយប្រភេទទៀត ជាម្សៅក្រាមព័ណ៌ស ហើយនៅក្នុងរយៈពេល៩ខែកន្លងទៅ ក្នុងឆ្នាំ២០១៤នេះ មន្ត្រីអនុវត្តន៍ច្បាប់ នៃការិយាល័យប្រឆាំងគ្រឿងញៀន របស់ស្នងការដ្ឋាន នគរបាលខេត្តស្ទឹងត្រែង បង្ក្រាប់ករណីជួញដូរសារធាតុញៀនខុសច្បាប់ បានចំនួន២៤ករណី ក្នុងនោះជួញដូរ៦លើក ចែកចាញ១០លើក និងប្រើប្រាស់៨លើក បើប្រៀបធៀបនិងឆ្នាំ២០១៣កន្លងទៅ រយៈពេល៩ខែដូចគ្នា ដែលមានបទល្មើសចំនួន១៧ករណី នោះគេសង្កែតឃើញថា បទល្មើសគ្រឿងញៀនកើនទ្បើង ២៩,១៦% ។
នាយការិយាល័យ នគរបាលប្រឆាំងគ្រឿងញៀន នៃស្នងការដ្ឋាននគរបាល ខេត្តស្ទឹងត្រែង បានឲ្យដឹងថា គ្រឿងញៀនជាង៤គីទ្បូក្រាម ជាប្រភេទម្សៅក្រាមព័ណ៌ស និង៤១៥គ្រាប់ទៀត ជាប្រភេទ មេតម់វីតាមីន ត្រូវបានរឹបអូស ដោយកម្លាំងនគរបាល ប្រឆាំងគ្រឿងញៀន ខេត្តស្ទឹងត្រែង រួមជាមួយកម្លាំងនគរបាល ប្រឆាំងគ្រឿងញៀន នៃមន្ទីរប្រឆាំងគ្រឿងញៀន របស់ក្រសួងមហាផ្ទៃ ក្នុងឃាត់ខ្លួនជនសង្ស័យបាន ចំនួន៣៩នាក់ មានជនជាតិខ្មែង៣៤នាក់ និងជនជាតិទ្បាវ៥នាក់ ៕
