មណ្ឌលគិរី៖ ប្រភពព័ត៍មានពី ក្រុមមន្ត្រីគយដែលឈរជើងប្រចាំការនៅច្រកដាក់ដាំ ដែលជាច្រកទ្វេភាគីរវាងប្រទេសកម្ពុជា និងប្រទេសវៀតណាមត្រូវគេនិយាយថា កំពុងឃុបឃិតជាមួយពួកឈ្មួញរកស៊ីឈើ និងទំនិញគេចពន្ធផ្សេងៗ ដែលនាំចេញពីកម្ពុជា ទៅប្រទេសវៀតណាម និងនាំចូលពីប្រទេសវៀតណាមមកកម្ពុជា ជារៀងរាល់ថ្ងៃយ៉ាងអនាធិបតេយ្យបំផុត ។
តាមសេចក្តីរាយការណ៍បានឲ្យដឹងថា ឈើប្រណីតក្នុងមួយយប់ៗ ក្រុមឈ្មួញដឹកជញ្ជូនឈើខុសច្បាប់ គឺមានចំនួនមិនតិចជាង៣០រ ទៅ៤០ថយន្តនោះទេ ដែលក្រុមឈ្មួញបានឃុបឃិតជាមួយមន្ត្រីគយ ក៏ដូចជាសមត្ថកិច្ចតាមដងផ្លូវនិងសសមត្ថកិច្ចដែលប្រចាំការនៅច្រកដាក់ដាំនោះធ្វើការដឹកជញ្ជូនឈើទៅកាន់ប្រទេសវៀតណាម ដោយគ្មានការរំខានឡើយ។
សេចក្ដីរាយការណ៍បានឲ្យដឹងទៀតថា ទោះបីសកម្មភាពដឹកឈើ និងទំនិញគេចពន្ធផ្សេងៗ តែងកើតមានច្រើនឡើងៗ នៅនៅច្រកដាក់ដាំ ដែលជាច្រកទ្វេភាគីរវាងប្រទេសកម្ពុជា និងប្រទេសវៀតណាមខាងលើនោះក៏ដោយតែគេមិនដែលបានឃើញលោក ម៉ៅ តារា ប្រធានគយប្រចាំច្រកដាក់ដាំ ចាត់វិធានការណ៍បទល្មើសទាំងនោះទេ។
ហើយសកម្មភាពឈ្មួញដឹកជញ្ជូនឈើខុសច្បាប់ ទៅកាន់ប្រទេសវៀតណាម យ៉ាងអនាធិបតេយ្យបើសិនជាមិនមានការបើកភ្លើងខៀវពីសំណាក់ លោក ម៉ៅ តារា ប្រធានគយប្រចាំច្រកដាក់ដាំនិងមេច្រក នោះទេឈ្មួញមិនអាចដឹក ជញ្ជូនឈើខុសច្បាប់ដោយងាយនោះដែរ។
គេចង់ឃើញឯកឧត្តម អូន ព័ន្ធមុន្នីរ័ត្ន រដ្ឋមន្ត្រីនៃក្រសួងសេដ្ឋកិច្ច និងហិរញ្ញវត្ថុ និងអគ្គនាយកគយដុះស្លែ ប៉ែន ស៊ីម៉ន ពិនិត្យមើលភាពអនាធិបតេយ្យនៃការដឹកជញ្ជូនឈើខុសច្បាប់ ទៅកាន់ប្រទេសវៀតណាមតាមច្រកដាក់ដាំដែលលោក ម៉ៅ តារា ប្រធានគយប្រចាំច្រកដាក់ដាំ ឃុបឃិតឲ្យមានការដឹកជញ្ជូនឈើខុសច្បាប់ទៅកាន់ប្រទេសវៀតណាម យ៉ាងអនាធិបតេយ្យ ដោយក្មានកាបង្ក្រាប់និងមិនយកចិត្តទុកដាក់កែទម្រង់ស៊ីជម្រៅរបស់រាជរដ្ឋាភិបាល ផ្គើននិងបញ្ជាររបស់ថ្នាក់លើ៕
