ភ្នំពេញ ៖បុរសម្នាក់ស្រវឹងធ្លាក់ភ្នែករថយន្តកាមរីបាឡែនមួយគ្រឿងបើកបុកម៉ូតូហុងដាឌ្រីមសេ១២៥ មួយគ្រឿង បណ្តាលឱ្យរបួសធ្ងន់មនុស្សពីរនាក់ ហើយរថយន្តបានព្យាយាមបើករត់គេចក៏បានទៅបុករ៉ឺម៉កម៉ូតូមួយគ្រឿងទៀតរបួសធ្ងន់មនុស្សម្នាក់ទៀត ត្រូវបានប្រជាពលរដ្ឋដេញចាប់បានស្វាគមន៍ម្នាក់មួយដៃម្នាក់មួយជើងឡើងទ្រមខ្លួន។
ហេតុការណ៍នេះកើតឡើងកាលពីវេលាម៉ោង ១០ណិង៣០នាទីយប់ ថ្ងៃទី១ តុលា ២០១៤ នៅផ្លូវកម្ពុជាក្រោមកែង និងផ្លូវម៉ៅសេទុងស្ថិតក្នុងសង្កាត់ផ្សារដេប៉ូ២ ខណ្ឌទួលគោក ។
ប្រភពព័ត៌មានពីកន្លែងកើតហេតុបានឱ្យដឹងថានៅមុនពេលកើតហេតុគេឃើញរថយន្តកាមរីបាឡែនពណ៌កណ្តុរល្មេះ មួយគ្រឿងពាក់ស្លាកលេខភ្នំពេញ2R-1190 បើកបរដោយបុរសម្នាក់ស្រវឹងធ្លាក់ភ្នែកបើកយ៉ាងលឿនតាមផ្លូវកម្ពុជាក្រោមក្នុងទិសដៅពីលិចទៅកើតខណៈមកដល់ចំណុចកើតហេតុក៏បានបុកម៉ូតូហុងដាសេ១២៥ ពណ៌ខ្មៅមួយគ្រឿង ពាក់ស្លាកលេខបាត់ដំបង 1Q-6269 ជិះដោយបុរសនារី២នាក់ នៅផ្លូវម៉ោសេទុងក្នុងទិសដៅពិជើងទៅត្បូងយ៉ាងពេញទំហឹងបណ្តាលឱ្យម៉ូតូដួលកៀបជាប់ក្រោមរថយន្ត ចំណែកអ្នកជិះខ្ទាតចេញពីម៉ូតូបោកទៅលើផ្លូវបណ្តាលឱ្យរបួសធ្ងន់ទាំងពីរនាក់ ។
បន្ទាប់ពីបើករថយន្តបុកគេហើយរថយន្តមិនបានឈប់នោះទេ គឺរិតតែបន្ថែមល្បឿនបើកទៅមុខទាំងកៀបម៉ូតូនៅខាងក្រោមរថយន្ត រហូតគេចខ្លួនដល់ផ្លូវលេខ១៣៤ ក៏បានធ្លាក់ម៉ូតូចេញពីក្រោមរថយន្ត ហើយបានព្យាយាមបើករត់គេច ក៏បានជ្រុលទៅបុកបុរសបើករ៉ឺម៉កម៉ូតូពណ៌ក្រហមមួយគ្រឿងណាក់ស្លាកលេខកណ្តា1k-3618 បណ្តាលឱ្យបុរសអ្នកបើករបួសធ្ងន់ ហើយរថយន្ដបង្កបានព្យាយាមបើកគេចបន្ដដល់មុខផ្សារដេប៉ូក៍ត្រូវបងប្អូន ប្រជាបលរដ្ឋយាត់ជាប់ ហើយអ្នកបើកបររថយន្តបង្កត្រូវបានប្រជាពលរដ្ឋចាប់បានស្វាគមន៍ម្នាក់មួយដៃ និងមួយជើងឡើងទ្រមខ្លួន។
ក្រោយពេលកើតហេតុជនរងគ្រោះខាងលើត្រូវរថយន្ដសាមុយដឹកទៅសង្គ្រោះនៅមន្ទីរពេទ្យហើយសមត្ថកិច្ចមកដល់បានអន្តរាគមន៍យកជនបង្ក និងរថយន្ត ម៉ូតូទៅកាន់ការិយាល័យចរាចរណ៍ផ្លូវគោកនៃស្នងការដ្ឋាននគរបាល រាជធានីភ្នំពេញ ដើម្បីដោះស្រាយគ្នាតាមផ្លូវច្បាប់ ។
