សៀមរាប៖ កម្លាំងនៃស្ថាប័ន កងរាជ អាវុធហត្ថ ខេត្តសៀមរាប បានបញ្ជូនខ្លួន មន្ត្រី នគរបាល សេដ្ឋកិច្ច ក្រសួងមហាផ្ទៃ ចំនួន៤នាក់ រួមនិងកម្មករ២នាក់ ទៅស្ថាប័ន អង្គភាពប្រឆាំង អំពើពុករលួយ នៅរសៀល ថ្ងៃទី២ខែ តុលាឆ្នាំ២០១៤ នេះ ក្រោយពីរ បានធ្វើកំណត់ហេតុសាកសួរអស់រយះពេលជា ច្រើនម៉ោង រួច។
មន្ត្រីកងរាជ អាវុធហត្ថ ខេត្តសៀមរាប បានបង្ហើបសូម មិនបញ្ចេញឈ្មោះថា មន្ត្រីនគរបាល សេដ្ឋកិច្ច ក្រសួងមហាផ្ទៃ ៤នាក់ រួមនិងកម្មករ២នាក់ដែល សមត្ថកិច្ច ចម្រុះដឹក នាំបញ្ជាដោយព្រះ រាជអាជ្ញា រង អមសាលាដំបូង ខេត្ត លោកសំរិទ្ធ សុខុន ធ្វើការ ឃាត់ខ្លួន កាលពីរម៉ោង ១១ថ្ងៃត្រង់ ថ្ងៃទី០១ ខែតុលា ឆ្នាំ២០១៤ ស្ថិតក្នុងតំបន់បឹងទន្លេសាប ក្នុង ភូមិសាស្ត្រ កងមាស ភូមិមាត់ខ្លារ ឃុំអន្លង់សំណរ ស្រុកជីក្រែ ខេត្តសៀមរាប ជាប់ព្រំប្រទល់ ខេត្តកំពង់ធំ ត្រូវបាន បញ្ជូនទៅអង្គភាព ប្រឆាំង អំពើពុក រលួយ នៅម៉ោង១ រសៀលថ្ងៃនេះ។
មន្ត្រីកងរាជអាវុធ ហត្ថខេត្តបន្ថែមថា កម្លាំងអាវុធហត្ថខេត្ត មិនបានធ្វើការចោទ ប្រកាន់នូវ កំហុសណាមួយ ទៅលើ មន្ត្រីនគរបាលទាំង៤នាក់ និងកម្មករ នោះទេ ពោលគឺ អ្នកទាំង៦នាក់នោះ សម្រេច បញ្ជូនទៅអង្គភាព ប្រឆាំងអំពើ ពុករលួយតែម្ដង ។
មន្ត្រីដដែល បន្ថែមថា ការបញ្ជូនខ្លួននគរបាល សេដ្ឋកិច្ចនិងកម្មករទៅអង្គភាពប្រឆាំង អំពើពុករលួយ នោះ គឺមន្ត្រីរបស់អង្គភាព ប្រឆាំង អំពើពុកលួយ មកទទួល នៅបញ្ជារ ខេត្ត ហើយកម្លាំងអាវុធ ហត្ថខេត្តសៀមរាប ជាអ្នកជួយនាំការពារទៅ ជាមួយដែរ៕
មន្ត្រីអង្គភាពអាវុធ ហត្ថបន្ថែមថា នគរបាលសេដ្ឋកិច្ច ទាំង៤នាក់ នោះទី១ វរសេនីយ៍ទោ ឈាងលាងពៅ ភេទប្រុសអាយុ៤៧ឆ្នាំ ទី២អនុសេនីយ៍ ទោជាខេង ភេទប្រុសអាយុ៥៦ឆ្នាំ ទី៣ព្រិនបាលឯក យឹមថានា ភេទប្រុសអាយុ ៣៣ឆ្នាំ ទី៤ឈ្មោះម៉ាតៃយ៉ា ភេទប្រុស អាយុ ៥៤ឆ្នាំមុខងារ ជាមន្ត្រីនគរបាល ក្រសួង មហាផ្ទៃដូចគ្នារ ។ ចំណែក២នាក់ទៀតជាកម្មករ ទី១ឈ្មោះគង់រិទ្ធ ភេទប្រុសអាយុ ២៩ឆ្នាំ ទី២ឈ្មោះ រិទ្ធណិលលាង ភេទប្រុសអាយុ ២៣ឆ្នាំ។
គួបញ្ជាក់ថាសមត្ថកិច្ចចម្រុះដឹកនាំដោយ ព្រះរាជអាជ្ញារង អមសាលាដំបូង ខេត្តបានធ្វើការឃាត់ខ្លួន ប៉ូលិសសេដ្ឋកិច្ចក្រសួងមហាផ្ទៃ ចំនួន៦នាក់យកមកសួរនាំនៅបញ្ជាការដ្ឋានកងរាជអាវុធហត្ថខេត្ត បន្ទាប់ពីមានសេចក្តីរាយការណ៍ពីក្រុមប្រជានេសាទថា មានករណីសមត្ថកិច្ចមួយក្រុមបានដើរប្រមូលលុយ ជាថ្នូរនឹងការមិនបង្ក្រាប ទើបសមត្ថកិច្ចចម្រុះធ្វើការតាមដាន និងឈានទៅដល់ការឃាត់ខ្លួនតែម្តង ។
យោងតាមប្រភពបានឲ្យដឹងថាក្រុមមន្ត្រីនគរបាលខាងលើបានដើរប្រមូលលុយពីក្រុមអ្នករកស៊ីនេសាទនៅតំបន់ បឹងទន្លេសាបក្នុង ភូមិសាស្ត្រចំនួន៥ខេត្ត ដោយពួកគេទាម ទារលុយ ពីអ្នកនេសាទ ដោយ របៀប បង្ខំ បើប្រជានេសាទ ណាមិនព្រមបង់តាមការ ទារបស់គេទេ គេនិងធ្វើការបង្ក្រាបតែម្ដង។ចំណុចនេះទើប ប្រជានេសាទទ្រាំលែង បានក៍រាយការណ៍ប្រាប់សមត្ថកិច្ច ឲ្យជួយពួកគាត់តែម្ដង៕
