ខេត្តតាកែវ, ជនសង្ស័យម្នាក់ ត្រូវបានសមត្ថកិច្ចនគរបាល ធ្វើការចាប់ខ្លួនកសាងសំណុំរឿង បញ្ជូនទៅតុលាការ ដោយជននោះ បានធ្វើសកម្មភាពលួចម៉ូតូរបស់គ្រូបង្រៀន កាលពីថ្ងៃទី២៦ ខែកញ្ញា ឆ្នាំ២០១៤ នៅភូមិក្តីតាហុក ឃុំពោធិរំចាក ស្រុកព្រៃកប្បាស ខេត្តតាកែវ ។
ជនសង្ស័យបាននិយាយឲ្យដឹងថា រូបគេពិតជាបានលួចម៉ូតូនោះមែន ខណៈពេលម្ចាស់ កំពុងតែផឹកស្រា នៅកន្លែងលក់សាច់ឆ្កែ ។
លោក ជុំ ឈឿន អធិការស្រុកព្រៃកប្បាស បានអោយដឹងថា ជនសង្ស័យឈ្មោះ ប៉ា ផាត ភេទប្រុស អាយុ២៧ឆ្នាំ រស់នៅភូមិគោគអង្គង់ ឃុំពោធិរំចាក ស្រុកព្រៃកប្បាស ខេត្តតាកែវ ។ ចំណែកម៉ូតូម៉ាក ហុងដា C125 សេរី ឆ្នាំ២០០៦ គ្មានស្លាកលេខ ម្ចាស់ឈ្មោះ សេង វើនសៃ ភេទប្រុស អាយុ៤២ឆ្នាំ ជាគ្រូបង្រៀន ។
ជនសង្ស័យបានសារភាព នៅចំពោះមុខសមត្ថកិច្ចថា រូបគេពិតជាបានលួចម៉ូតូខាងលើពិតប្រាកដមែន ដោយយកទៅលក់នៅម្តុំផ្សារឃ្លាំងរំសេវ បានលុយចំនួន១៥០$ ចាយអស់ហើយ ៕
