កំពង់ឆ្នាំង៖ ជនសង្ស័យចែកចាយថ្នាំញៀនចំនួន២នាក់ ត្រូវបានសមត្ថកិច្ចនគរបាល ស្រុកកំពង់ត្រឡា ចចាប់ខ្លួនបាននៅក្នុងលំនៅដ្ឋាន នៅពេលដែលអ្នកប្រើប្រាស់ថ្នាំញៀន៣នាក់ ដែរសមត្ថកិច្ចចាប់ខ្លួនបានឆ្លើយថា ពួកគេជាអ្នកលក់ថ្នាំញៀនអោយ ការបង្ក្រាបអ្នកចែកចាយថ្នាំខាងលើនេះបានធ្វើឡើងនៅព្រឹក
ថ្ងៃទី០២ ខែតុលា ឆ្នាំ២០១៤ ។
លោក ហ៊ុន វាសនា អធិការនគរបាលស្រុកកំពង់ត្រឡាចបានអោយដឹងថា៖ក្រោយពីចាប់បាន មនុស្សប្រុស៣នាក់កំពុងប្រើប្រាស់ថ្នាំញៀន និងវត្ថុតាងកាលពីយប់ថ្ងៃទី០១ ខែតុលា យកមកសួរចម្លើ យមក ពួកគេបានសារភាពថា គេបានទិញថ្នាំញៀនទាំងនោះពីឈ្មោះ ឡៃ ឡុំ អាយុ២៩ឆ្នាំ ភេទប្រុស រស់នៅក្នុងភូមិស្វាយក្រោម ឃុំតាជេស ស្រុកកំពង់ត្រឡាចនិងឈ្មោះ ដាំ សូរិយា អាយុ៣២ឆ្នាំ ភេទស្រីរស់នៅភូមិឡពាង ឃុំតាជេស ស្រុកកំពង់ត្រឡាច ក្នុងតម្លៃ១កញ្ចប់តូច៦ម៉ឺនរៀល។បន្ទាប់មកអ្នកចែកចាយថ្នាំញៀនទាំ២នាក់នោះក៏ត្រូវបានសមត្ថកិច្ចតាមចាប់ខ្លួនបាននៅក្នុងលំនៅដ្ឋានពួកគេតែម្តង ។
ចំណែកយុវជនសង្ស័យទាំង៣នាក់ដែលជាអ្នកប្រើប្រាស់ថ្នាំញៀនដែលបានចាប់ខ្លួននោះមាន៖ ១.ឈ្មោះ សុខ កុ សល ហៅក្លូ អាយុ២១ ឆ្នាំ ២,ឈ្មោះ អេង ម៉ាប់ អាយុ២៥ឆ្នាំ ទាំង២នាក់ មានទីលំនៅភូមិសែប ឃុំសែប ស្រុកកំពង់ត្រឡាច និង៣,ឈ្មោះ យ៉ក ឡា អាយុ២៤ឆ្នាំ មានទីលំនៅ ភូមិសូវង្ស ឃុំតាជេស ស្រុកកំពង់ត្រឡាច ។
ជនសង្ស័យរូបនោះ ទាំង៥នាក់ រួមជាមួយវត្ថុតាង ប្រដាប់ប្រើប្រាស់ថ្នាំញៀន និងថ្នាំញៀនមួយកញ្ចប់ ព្រមទាំងម៉ូតូជាមធ្យោយធ្វើដំណើរចំនួន៤គ្រឿង គឺ៖១.ម៉ាកនិចពណ៌លឿង ពាក់ស្លាកលេខកំពង់ចាម1I-0794 ២.ម៉ាកស្កុបពីពណ៌ក្រហមពាក់ស្លាកលេខកណ្តាល 1Q-4120 ៣.ម៉ាកហុងដាឌ្រីពណ៌ខ្មៅ០៥ពាក់ស្លាកលេខពោធិសាត់ 1A-8514 ៤.ម៉ាកហុងដាឌ្រីម ពណ៌ខ្មៅ០១៥ ពាក់ស្លាកលេខភ្នំពេញ 1AG-3321 ត្រូវបានសមត្ថកិច្ចនគរបាលស្រុក កំពង់ត្រឡាចកសាង សំណុំរឿងបញ្ជូនមកស្នងដ្ឋានការនគរ បាល ខេត្តកំពង់ឆ្នាំង។
នៅព្រឹកថ្ងៃទី០៣ ខែតុលានេះ សមត្ថកិច្ចការិយាល័យគ្រឿងញៀនខេត្ត បានកសាងសំណុំរឿង បន្ថែមតាមនិតិវិធី បញ្ជូនខ្លួនជនសង្ស័យទាំង៥នាក់ និងវត្ថុតាងទៅសាលាដំបូងខេត្ត ដើម្បីចាត់ការ បន្ត តាមនិតិវិធីតុលាការ ៕
