កំពង់ឆ្នាំង៖ កុមារីអាយុ៥ឆ្នាំម្នាក់ត្រូវបានជីតាបង្កើតខ្លួនល្បួងចាប់រំលោភយ៉ាងឃោរឃៅ បណ្តាលអោយរបួសធ្ងន់ធ្ងរ និងត្រូវបានម្តាយធំនាំមកកាន់មន្ទីរកិច្ចការនារីខេត្ត ដើម្បីអោយជួយជូនទៅដាក់ពាក្យបណ្តឹង នៅការិយាល័យនគរបាលព្រហ្មទណ្ឌ័កំរិរធ្ងន់របស់ស្នងការនគរបាលខេត្តកំពង់ឆ្នាំង កាលពីរសៀលថ្ងៃទី០២ ខែតុលា ឆ្នាំ២០១៤។ គេមិនបានដឹងរឿងនៃបទឧក្រិដ្ឋនេះកើតពីពេលណានោះទេ តែក្នុងដឹងថាចន្លោះក្នុង ខែកញ្ញា ឆ្នាំ២០
១៤នេះ និងទើបតែមកភ្ញាក់ផ្អើល នៅថ្ងៃទី០១ ខែតុលា ឆ្នាំ២០១៤ នៅពេលដែលម្តាយធំរបស់កុមារីរងគ្រោះបានឃើញសភាពចម្លែករបស់ក្មួយស្រីរងគ្រោះ។ចំណែកឯជីតាដែលជាជនសង្ស័យបានគេចខ្លួនទៅធ្វើការនៅប្រទេសថៃបាត់ទៅហើយ។
តាមការរៀបរាប់របស់ស្ត្រីជាម្តាយធំកុមារីរងគ្រោះនៅក្នុងមន្ទីរពេទ្យខេត្តបានអោយដឹងថាៈកុមារីរងគ្រោះមានអាយុ៥ឆ្នាំ ចំណែកជីតាបង្កើតនាងដែលជាជនជាប់ចោទ មានឈ្មោះ ឯម ថុល អាយុ៥៣ឆ្នាំ។គាត់មិនបានដឹងថាៈស្រុកកំណើតជនសង្ស័យនោះនៅឯណានោះទេតែបានដឹងថាៈ បុរសឈ្មោះ ឯម ថុល រូបនោះបានប្រពន្ឋគឺជាប្អូនស្រីបង្កើតរបស់គាត់នៅក្នុងអំឡុងខែសីហា និងខែកញ្ញា ឆ្នាំ២០១៤។ ជនសង្ស័យជាជីតារូបនោះ បានមកស្នាក់នៅលេងផ្ទះម្តាយខាងប្រពន្ឋ ដែលជាប្អូនស្រីគាត់នៅស្រុកបរិបូរណ៏ ដោយបាននាំចៅស្រីជាកុមាររងគ្រោះមកជាមួយផងដើម្បីអោយក្មេងស្រីរងគ្រោះបានចូលរៀន។
ចំណែកម្តាយឪពុកកុមារីរងគ្រោះបានលែងលះគ្នា ក្រោយមកបានយកកូនទៅអោយតាយាយវាមើលថែរហូតដល់ខែសីហា ឆ្នាំ២០១៤នេះ ជីតានិងយាយរូបនោះបានយកក្មេងស្រី រងគ្រោះមកអោយស្នាក់នៅ ដើម្បីបានចូលរៀននៅផ្ទះម្តាយគាត់នៅស្រុកបរិបូណ៏ ហើយក្នុងរយៈពេលមកស្នាក់នៅពីខែសីហា ដល់ថ្ងៃទី ២១ ខែកញ្ញា ឆ្នាំ២០១៤ នេះជីតាបង្កើតរូបនោះ បានឈ្លាតឱកាសចាប់រំលោភចៅស្រីគាត់បង្កើតតែម្តង។
ស្ត្រីរូបនោះបានបញ្ចាក់ទៀតថាៈ នៅថ្ងៃទី២១ ខែកញ្ញា ឆ្នាំ២០១៤ ក្រោយពីបានរំលោភចៅស្រីហើយ ជីតារូបនោះបានគេចខ្លួនទៅធ្វើការនៅប្រទេសថៃបានទៅ ហើយក៏គ្មានអ្នកណាបានដឹងថា កុមារីជាក្មួយស្រីគាត់បានរងគ្រោះដោយការចាប់រំលោភពីជីតាដែរ។ទើបតែនៅថ្ងៃទី០១ ខែតុលា ឆ្នាំ២០១៤ នេះមានភ្ញាក់ផ្អើលពេលដែលគាត់បានឃើញក្មួយស្រីគាត់មានសភាពស្លេកស្លាំងនិងមានដំណើរមិនធម្មតា ហើយពេលរូបគាត់
និងម្តាយគាត់សួរនាំទៅទើបដឹងថាៈ ជីតានាងបានចាប់នាងរំលោភ តែនាងមិនចាំថ្ងៃខែទេ។
ក្មេងស្រីរងគ្រោះត្រូវបានសមត្ថកិច្ចនាំមកពិនិត្យធ្វើកោសល្យវិច្ច័យនៅមន្ទីរពេទ្យខេត្តហើយត្រូវបានក្រុមគ្រូពេទ្យអោយសម្រាកព្យាបាលក្នុងមន្ទីរពេទ្យខេត្តសិនព្រោះនៅមានរបួសនៅឡើយ។
នៅវេលាម៉ោង៧ និង៣០នាទីយប់ថ្ងៃទី ០២ខែតុលា ឆ្នាំ២០១៤ លោក ថោង ចំរើន ប្រធានមន្ទីរសង្គមកិច្ចខេត្ត បានទៅសាកសួរសុខទុក្ខនិងនាំយកអំណោយទៅផ្តល់ជុនកុមារីរងគ្រោះក្នុងមន្ទីរពេទ្យផងដែរ ដែលក្នុងមាន មី ទឹកក្រូច ទឹកផ្លែឈើ និងថវិការ១០ម៉ឺនរៀល ដោយលោកបាននិយាយថាក្នុងករណីនេះបើសិនម្តាយធំ ដែលកំពុងមើលថែក្មេងស្រីក្នុងមន្ទីរពេទ្យមិនហ៊ានចេញប្តឹងមុខប្តឹងនោះទេព្រោះយល់ថាជាសាច់ញ្ញាត្តិ
ទុកអោយគាត់ជាអ្នកចេញមុខប្តឹង ហើយគាត់នឹងយកក្មេងស្រីរងគ្រោះទៅដាក់នៅមណ្ឌល កុមារកំព្រាខេត្ត ដើម្បីបានរៀនសូត្រ និងមានអនាគតល្អនឹងគេ។
ជុំវិញករណីខាងលើនេះ លោក ប្រាក់ វុឌ្ឍី ស្នងការនគរបាលខេត្ត អោយដឹងថា៖សមត្ថកិច្ចជំនាញកំពុង ចាត់វិធានការតាមផ្លូវច្បាប់ មិនអោយឧក្រិដ្ឋជនរួចខ្លួនបានឡើយ ដែលនេះគឺជាអំពើព្រៃផ្សៃបំផុតមកលើកុមារីតូចមួយមិនទាន់ដឹងក្តី៕
