កែប ៖ បន្ទាប់ពីមានសារសំឡេងរបស់ សម្ដេចអគ្គមហាសេនាបតីតេជោហ៊ុនសែន នាយករដ្ឋមន្ត្រីនៃព្រះរាជាណាចក្រកម្ពុជា បានដាក់បទបញ្ជា យ៉ាងម៉ឺងម៉ាត់ទៅលើអាជ្ញាធរក្រុងស្រុក និងខេត្ត ឱ្យទប់ស្ងាត់ជាបន្ទាន់ រាល់ករណីរំលោភ បំពានយកដីព្រៃលិចទឹក ធ្វើជាកម្មសិទ្ធិ។
អាជ្ញាធរខេត្តកែប បានបញ្ជាឲ្យលោកមេឃុំចៅសង្កាត់ លោអភិ បាលក្រុងស្រុក ឲ្យទប់ស្កាត់បទ ល្មើសកាប់ទន្ទ្រាន យកព្រៃលិចទឹក ជាបន្ទាន់ នៅបច្ចុប្បន្ននេះ មានប្រជា ពលរដ្ឋ មួយចំនួន កំពុងតែស៊ីស្នួលក្រុមឈ្មួញកាប់ទន្ទ្រាន្ដដីព្រៃលិច ទឹក មួយកន្លែងនៅភូមិទួលស្រងាំ ឃុំ អង្កោល ស្រុកដំណាក់ ចង្អើរ ។
អភិបាលខេត្តកែប លោក សោមពិសិដ្ឋ បានថ្លែងប្រាប់អ្នកយកព័ត៌ មានថា ក្រោយពីមាន បទបញ្ជារបស់សម្ដេចតេជោ យើងបានពង្រឹងកាន់តែខ្លាំងបន្ថែមទៀត ដោយសារសព្វថ្ងៃនេះយើង មានយន្តការតាម ដាន តែឥឡូវនេះយើងកាន់តែប្រកាន់ទ្វេដង ក្នុងការតាមដានត្រួតពិនិត្យ ជនឆ្លៀតឱកាសនិងជនកុលខូច ពិសេសគឺអ្នកនៅពីខាងក្រោយខ្នង ជំរុញប្រជាពលរដ្ឋ ឬជនស្លូតត្រង់ និងជនមិនដឹងច្បាប់ រងគ្រោះជំនួស ដូចជាទៅកាត់ទន្ទ្រាននិងទៅកាប់ឆ្ការ ព្រៃលិចទឹកនិងតំបន់គម្របព្រៃឈើជាដើម ត្រូវចាត់វិធានការតាមផ្លូវច្បាប់ និងកសាងសំណុំរឿងបញ្ជូនទៅតុលាការ។
