ក្លិបមាន់ខ្នាយមាស Tottenham Hotspur បានច្រានចោលចំពោះសំណើរទឹកប្រាក់៥.៥លានផោនរបស់ក្លិប Al Ahli (អាល់អាលី) នៅអារ៉ាប់រួមលើការចង់បានខ្សែបម្រើ Aaron Lennon (អារ៉ុន ឡេនណុន) ។
Lennon មិនសូវជាបានចូលលេងទេក្រោមការដឹកនាំរបស់គ្រូបង្វឹក Mauricio Pochettino នៅរដូវកាលនេះដោយរូបគេបង្ហាញខ្លួនបានតែ១ប្រកួតប៉ុណ្ណោះនៅក្នុងលីកក្នុងរដូវកាល២០១៤-២០១៥នេះ ។
ស្របពេលដែលទីផ្សារដោះដូរកីឡាករនៅក្នុងតំបន់អារ៉ាប់មិនទាន់បានបិទទ្វាទើបធ្វើឲ្យក្លិប Al Ahli បានដាក់សំណើរដល់ Lennon ហើយសន្យាថា នឹងផ្តល់តម្លៃពលកម្មប្រមាណ៣លានផោនក្នុង១ឆ្នាំដល់រូបគេប៉ុន្តែទោះបីជាយ៉ាងណាក៏ដោយក្លិប Spurs បានបដិសេធចំពោះសំណើរនេះ ។
គួរបញ្ជាក់ថា មកដល់ពេលនេះ Lennon ស៊ុតបញ្ចូលទីបានចំនួន២៦គ្រាប់សម្រាប់ការចូលលេង២៦១ប្រកួតឲ្យក្លិប Spurs ៕
