ក្លិប Southampton កំពុងតែត្រៀមបន្តកិច្ចសន្យាថ្មីជាមួយកីឡាករ Morgan Schneiderlin (ម៉ូហ្គាន ស្នាយឌើលីន) ដើម្បីបញ្ចប់ការចាប់អារម្មណ៍ពីសំណាក់ក្លិប Arsenal និង Tottenham Hotspur ។
Schneiderlin បង្ហាញពីទម្រង់លេងយ៉ាងល្អឲ្យក្រុមរបស់លោក Ronald Koeman ហើយ កិច្ចសន្យាថ្មីនេះនឹងអាចធ្វើឲ្យរូបគេអាចរកប្រាក់ចំណូលបាន៣០,០០០ផោនក្នុងមួយសប្តាហ៍ និង មានរយៈពេលរហូតដល់ឆ្នាំ២០១៧ ។
ស្របពេលជាមួយគ្នានោះ កីឡាករសញ្ជាតិបារាំងវ័យ២៣ឆ្នាំរូបនេះក៏មានទំនាក់ទំនង លើការផ្លាស់ទៅកាន់ក្លិបកាំភ្លើងធំ Arsenal ផងដែរប៉ុន្តែបើយោងតាមគេហទំព័រ The Mirror បានផ្សព្វផ្សាយថា Southampton នឹងរក្សាទុកកីឡាករដ៏ល្អមួយរូបនេះ ។
គួរបញ្ជាក់ថា ខ្សែបម្រើរូបនេះក៏នឹងបង្ហាញវត្តមានផងដែរក្នុងការប្រកួតជាមួយក្លិប Spurs នៅយប់នេះ ៕
