មន្ត្រីក្រសួងសន្តិសុខ និងយុត្តិធម៌ របស់ប្រទេស ហូឡង់បាននិយាយ កាលពីថ្ងៃសុក្រថា ជនរងគ្រោះ ចំនួន ១១នាក់ផ្សេងទៀតក្នុង ឧប្បតិហេតុធ្លាក់យន្តហោះ ដឹកអ្នកដំណើរ MH១៧ នៅភាគខាងកើតប្រទេស អ៊ុយក្រែន ត្រូវបានគេបញ្ជាក់ អត្តសញ្ញាណហើយ នៅសប្តាហ៍នេះ ដោយឡែក ៣៦នាក់ចុងក្រោយ នៃជន រងគ្រោះ ទាំងអស់ ២៩៨នាក់ គឺគេមិនទាន់ស្គាល់ ឈ្មោះនៅឡើយទេ។
ទីភ្នាក់ងារព័ត៌មានចិន ស៊ិនហួ ចេញផ្សាយនៅថ្ងៃសៅរ៍ ទី០៤ ខែតុលា ឆ្នាំ២០១៤ថា ជនរងគ្រោះចំនួន ១១នាក់ ត្រូវបានគេកំណត់ អត្តសញ្ញាណហើយ ក្នុងនោះមាន ០៨នាក់ ជាជនជាតិហូឡង់។
គួររំលឹកផងដែរថា យន្តហោះដឹកអ្នកដំណើររបស់ក្រុមហ៊ុនអាកាសចរណ៍ម៉ាឡេស៊ី MH១៧ បានធ្លាក់កាលពី ថ្ងៃទី១៧ ខែកក្កដា កន្លងទៅដោយការមានគេបាញ់ទម្លាក់ នៅភាគខាងកើតប្រទេសអ៊ុយក្រែន ដោយបាន បណ្តាលឲ្យមនុស្សនៅលើនោះសរុប ២៩៨នាក់ស្លាប់ទាំងអស់ ៕
